പ​ത്ത​നം​തി​ട്ട ജില്ലയില്‍ നാല് ദുരിതാശ്വാസ ക്യാമ്പുകള്‍; പന്തളത്തെ താഴ്ന്ന പ്രദേശങ്ങളിൽ വെള്ളപ്പൊക്കം

പ​ത്ത​നം​തി​ട്ട: ജി​ല്ല​യി​ല്‍ പ്ര​വ​ര്‍ത്തി​ക്കു​ന്ന നാ​ല് ദു​രി​താ​ശ്വാ​സ ക്യാ​മ്പു​ക​ളി​ലാ​യി 45 കു​ടും​ബ​ങ്ങ​ളി​ലെ 168 പേ​ർ. തി​രു​മൂ​ല​പു​രം എ​സ്.​എ​ന്‍.​വി. സ്‌​കൂ​ള്‍, പെ​രി​ങ്ങ​ര സെ​ന്റ്. ജോ​ണ്‍സ് ജി.​എ​ല്‍.​പി.​എ​സ്, കു​റ്റ​പ്പു​ഴ മു​ത്തൂ​ര്‍ ക്രൈ​സ്റ്റ് സെ​ന്‍ട്ര​ല്‍ സ്‌​കൂ​ള്‍, ക​വി​യൂ​ര്‍ എ​ട​ക്കാ​ട് ജി.​എ​ല്‍.​പി.​എ​സ് എ​ന്നി​വി​ട​ങ്ങ​ളി​ലാ​ണ് ക്യാ​മ്പ് പ്ര​വ​ര്‍ത്തി​ക്കു​ന്ന​ത്. തി​രു​മൂ​ല​പു​രം സെ​ന്റ്. തോ​മ​സ് എ​ച്ച്.​എ​സ്.​എ​സി​ലെ ക്യാ​മ്പ് ശ​നി​യാ​ഴ്ച പ്ര​വ​ര്‍ത്ത​നം അ​വ​സാ​നി​പ്പി​ച്ചു.

നാ​ല് ക്യാ​മ്പു​ക​ളി​ലാ​യി 45 കു​ടും​ബ​ങ്ങ​ളി​ലെ 168 പേ​രാ​ണു​ള്ള​ത്. ഇ​തി​ല്‍ 60 വ​യ​സ് ക​ഴി​ഞ്ഞ 30 പേ​രു​ണ്ട്. 46 കു​ട്ടി​ക​ളും. തി​രു​മൂ​ല​പു​രം എ​സ്.​എ​ന്‍.​വി. സ്‌​കൂ​ളി​ലാ​ണ് കൂ​ടു​ത​ല്‍ പേ​രു​ള്ള​ത്. 26 കു​ടും​ബ​ങ്ങ​ളി​ലെ 95 പേ​ര്‍ ഇ​വി​ടു​ണ്ട്. ക​വി​യൂ​ര്‍ എ​ട​ക്കാ​ട് ജി.​എ​ല്‍.​പി.​എ​സി​ല്‍ ആ​റ് കു​ടും​ബ​ങ്ങ​ളി​ലെ 17 പേ​രും പെ​രി​ങ്ങ​ര സെ​ന്റ്. ജോ​ണ്‍സ് ജി.​എ​ല്‍.​പി.​എ​സി​ല്‍ ഒ​ന്‍പ​ത് കു​ടും​ബ​ങ്ങ​ളി​ല്‍നി​ന്നു​ള്ള 31 പേ​രു​മാ​ണു​ള്ള​ത്.

മു​ത്തൂ​ര്‍ ക്രൈ​സ്റ്റ് സെ​ന്‍ട്ര​ല്‍ സ്‌​കൂ​ളി​ല്‍ നാ​ല് കു​ടും​ബ​ത്തി​ലെ 25 പേ​രു​ണ്ട്. ഇ​തി​നി​ടെ ഈ​മാ​സം മൂ​ന്നു വ​രെ കേ​ര​ള​ത്തി​ൽ ഒ​റ്റ​പ്പെ​ട്ട​യി​ട​ങ്ങ​ളി​ൽ ഇ​ടി​മി​ന്ന​ലോ​ടു കൂ​ടി​യ മ​ഴ​യ്ക്കും മ​ണി​ക്കൂ​റി​ൽ 30 മു​ത​ൽ 40 കി.​മീ വ​രെ വേ​ഗ​ത​യി​ൽ വീ​ശി​യേ​ക്കാ​വു​ന്ന ശ​ക്ത​മാ​യ കാ​റ്റി​നും സാ​ധ്യ​ത​യു​ണ്ടെ​ന്ന് കേ​ന്ദ്ര കാ​ലാ​വ​സ്ഥ വ​കു​പ്പ് അ​റി​യി​ച്ചു.

കൃ​ഷി​യി​ട​ങ്ങ​ളും മു​ങ്ങി

ഗ്രാ​മീ​ണ റോ​ഡു​ക​ളും പാ​ട​ശേ​ഖ​ര​ങ്ങ​ളോ​ടു ചേ​ർ​ന്നു​ള്ള കൃ​ഷി​യി​ട​ങ്ങ​ളും വെ​ള്ള​ത്തി​ൽ മു​ങ്ങി. ക​പ്പ കൃ​ഷി​ക്കാ​ണ് ഏ​റെ നാ​ശ​മു​ണ്ടാ​യ​ത്. വി​ള​വ്​ പോ​ലു​മാ​കു​ന്ന​തി​നു മു​ൻ​പു ത​ന്നെ വെ​ള്ളം ക​യ​റി ന​ശി​ച്ചു. വി​വി​ധ ഭാ​ഗ​ങ്ങ​ളി​ൽ വാ​ഴ​കൃ​ഷി​ക്കും കാ​ര്യ​മാ​യ നാ​ശ​മു​ണ്ടാ​യി.

പ്ര​ള​യ​ഭീ​തി​യി​ൽ പ​ന്ത​ളം

മ​ഴ തു​ട​രു​ന്ന​തി​നാ​ൽ പ​ന്ത​ള​ത്തെ താ​ഴ്ന്ന പ്ര​ദേ​ശ​ങ്ങ​ളി​ൽ പ​ല​യി​ട​ത്തും വെ​ള്ള​പ്പൊ​ക്കം. പ​മ്പ, അ​ച്ച​ൻ​കോ​വി​ൽ ന​ദി​ക​ളി​ൽ ജ​ല​നി​ര​പ്പ് ഉ​യ​രു​ന്നു​ണ്ടെ​ങ്കി​ലും ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ല. മു​ടി​യൂ​ർ​ക്കോ​ണം നാ​ഥ​ന​ടി, വെ​ള്ള​പ്പൊ​ക്ക ഭീ​ഷ​ണി​യി​ലാ​ണ്. സ​മീ​പ​ത്തെ മു​ടി​യൂ​ർ​ക്കോ​ണം ഗ​വ. എ​ൽ.​പി സ്കൂ​ളി​ൽ ദു​രി​താ​ശ്വാ​സ​ക്യാ​മ്പു​ക​ൾ ആ​രം​ഭി​ക്കാ​നു​ള്ള ന​ട​പ​ടി​ക​ളും ആ​രം​ഭി​ച്ചു.

റോ​ഡു​ക​ളി​ൽ വെ​ള്ള​ക്കെ​ട്ട് രൂ​പ​പ്പെ​ട്ട​ത്​ യാ​ത്ര​ക്കാ​രെ​യും വ​ല​യ്ക്കു​ക​യാ​ണ്. വെ​ള്ളം ഒ​ഴു​കി​പ്പോ​കാ​ൻ ഇ​ട​മി​ല്ലാ​തെ വ​ന്ന​ത്ത​താ​ണ്​ റോ​ഡി​ലെ വെ​ള്ള​ക്കെ​ട്ടി​ന് പ്ര​ധാ​ന​കാ​ര​ണം . വാ​ഹ​ന​ങ്ങ​ൾ ക​ട​ന്നു​പോ​കാ​നും പ്ര​യാ​സ​മാ​ണ്. ക​ന​ത്ത മ​ഴ​യി​ൽ അ​ച്ച​ൻ​കോ​വി​ൽ ആ​റ്റി​ലും ഐ​രാ​ണി​ക്കു​ഴി പാ​ല​ത്തി​നു സ​മീ​പ​വും ആ​റ്റു​തി​ട്ട വ്യാ​പ​ക​മാ​യി ഇ​ടി​ഞ്ഞു. ഐ​രാ​ണി​കു​ഴി​യി​ൽ തോ​ട​ര​മ്പി​ലു​ള്ള കാ​ൽ​ന​ട​യാ​ത്ര പോ​ലും ബു​ദ്ധി​മു​ട്ടി​ലാ​യി.

നി​ർ​ത്താ​തെ മു​ന്നും നാ​ലും മ​ണി​ക്കൂ​ർ പെ​യ്യു​ന്ന ക​ന​ത്ത മ​ഴ​യി​ലും കി​ഴ​ക്ക​ൻ വെ​ള്ള​ത്തി​ന്‍റെ വ​ര​വും ശ​ക്തി​പ്പെ​ട്ട​തോ​ടെ ജ​ലാ​ശ​യ​ങ്ങ​ളി​ലെ ജ​ല​നി​ര​പ്പു​യ​ർ​ന്നു. പ​മ്പാ​ന​ദി, അ​ച്ച​ൻ​കോ​വി​ലാ​റ്, ഏ​ക്ക​ർ വ​രു​ന്ന പു​ഞ്ച​പ്പാ​ട​ങ്ങ​ളി​ലെ​യും ജ​ല​നി​ര​പ്പാ​ണ് ക്ര​മാ​തീ​ത​മാ​യി ഉ​യ​ർ​ന്നു​കൊ​ണ്ടി​രി​ക്കു​ന്ന​ത്. പു​ഞ്ച​പ്പാ​ട​ത്തി​ൽ മീ​ൻ പി​ടി​ക്കാ​ൻ പോ​യ യു​വാ​വ് വെ​ള്ള​ത്തി​ൽ വീ​ണ് മു​ങ്ങി​മ​രി​ച്ചു. പു​ഴി​ക​ക്കാ​ട് സ്വ​ദേ​ശി ദീ​പു (36) ആ​ണ് മ​രി​ച്ച​ത്. വെ​ള്ള​പ്പൊ​ക്ക സ​മാ​ന​മാ​ണ് പ്ര​ദേ​ശം. കി​ഴ​ക്ക​ൻ വെ​ള്ളം കൂ​ടു​ത​ലാ​യി ഇ​തു​വ​രെ​യെ​ത്താ​ത്ത​തി​ന്റെ ആ​ശ്വാ​സ​ത്തി​ലാ​ണ് പ​ന്ത​ള​ത്തെ പ​ടി​ഞ്ഞാ​റ് പ്ര​ദേ​ശം . പ​മ്പ​യി​ലും അ​ച്ച​ൻ​കോ​വി​ലാ​റി​ലും രാ​വി​ലെ​യു​ള്ള​തി​നേ​ക്കാ​ൾ ഒ​ര​ടി​യി​ലേ​റെ വെ​ള്ള​മാ​ണ് വൈ​കി​ട്ടോ​ടെ കൂ​ടി​യ​തെ​ന്ന് പ​രി​സ​ര​വാ​സി​ക​ൾ പ​റ​ഞ്ഞു.