സാ​യാ​ഹ്ന​ങ്ങ​ള്‍ ഇനി സന്തോഷം നിറഞ്ഞതാവട്ടെ; ഹാപ്പിനസ് പാ​ര്‍ക്കു​മാ​യി പെ​രി​ങ്ങ​ര ഗ്രാ​മ​പ​ഞ്ചാ​യ​ത്ത്

തി​രു​വ​ല്ല: സാ​യാ​ഹ്ന​ങ്ങ​ള്‍ ചെ​ല​വ​ഴി​ക്കാ​ന്‍ ഗ്രാ​മ​ത​നി​മ​യി​ല്‍ മ​നോ​ഹ​ര പാ​ര്‍ക്ക് ഒ​രു​ക്കി പെ​രി​ങ്ങ​ര ഗ്രാ​മ​പ​ഞ്ചാ​യ​ത്ത്. ശു​ദ്ധ​വാ​യു ശ്വ​സി​ച്ചും പ​ച്ച​പ്പ് അ​നു​ഭ​വി​ച്ചും ഗ്രാ​മീ​ണ കാ​ഴ്ച​ക​ള്‍ ക​ണ്ട് മ​നം ക​വ​രാ​ന്‍ മൂ​ന്നാം വാ​ര്‍ഡി​ലെ വേ​ളൂ​ര്‍-​മു​ണ്ട​കം പ്ര​ദേ​ശ​ത്താ​ണ് ഹാ​പ്പി​നെ​സ് ഹ​രി​ത പാ​ര്‍ക്ക്. ഒ​രു​വ​ശ​ത്ത് വി​ശാ​ല​മാ​യ പാ​ട​ശേ​ഖ​ര​വും മ​റു​വ​ശം ന്യൂ ​മാ​ര്‍ക്ക​റ്റ് തോ​ടു​മാ​ണ്. പാ​ത​യോ​ര​ത്ത് ചാ​രു​ബെ​ഞ്ചു​ക​ളും ആ​രോ​ഗ്യ പ​രി​പാ​ല​ന​ത്തി​ന് ജിം​നേ​ഷ്യം ഉ​പ​ക​ര​ണ​ങ്ങ​ള്‍, ഭ​ക്ഷ​ണ​ശാ​ല​ക​ള്‍ എ​ന്നി​വ​യും ക്ര​മീ​ക​രി​ച്ചി​ട്ടു​ണ്ട്. തോ​ട്ടി​ലൂ​ടെ ബോ​ട്ടി​ങ്​ സം​വി​ധാ​നം ഒ​രു​ക്കാ​നു​ള്ള ത​യാ​റെ​ടു​പ്പി​ലാ​ണ്.

അ​ഞ്ചു അ​ടി​യോ​ളം വ​ലി​പ്പ​മു​ള്ള ഇ​രു​പ​തോ​ളം വൃ​ക്ഷ​​ത്തൈ​ക​ള്‍ ചാ​രു​ബെ​ഞ്ചു​ക​ള്‍ക്ക് ചു​റ്റും ന​ട്ടു​പി​ടി​പ്പി​ക്കും. മാ​ലി​ന്യ​ത്തി​ല്‍നി​ന്ന് നി​ര്‍മി​ച്ച ക​ര​കൗ​ശ​ല വ​സ്തു​ക്ക​ളും ശി​ൽ​പ​ങ്ങ​ളും കൊ​ണ്ട് പാ​ര്‍ക്ക് അ​ല​ങ്ക​രി​ക്കും. സെ​ല്‍ഫി പോ​യ​ന്റു​ക​ളും ഇ​തി​നൊ​പ്പ​മു​ണ്ട്. പ​ദ്ധ​തി​ക്കാ​യി ആ​റ​ര ല​ക്ഷം രൂ​പ​യാ​ണ് പ​ഞ്ചാ​യ​ത്ത് വ​ക​യി​രു​ത്തി​യ​ത്.

ജ​ന്മ​ദി​ന ആ​ഘോ​ഷ​ങ്ങ​ള്‍, സാം​സ്‌​കാ​രി​ക പ​രി​പാ​ടി​ക​ള്‍, മ​റ്റ് കൂ​ട്ടാ​യ്മ​ക​ള്‍ തു​ട​ങ്ങി​യ​വ സം​ഘ​ടി​പ്പി​ക്കും​വി​ധ​മാ​ണ് പാ​ര്‍ക്ക് ഒ​രു​ക്കു​ന്ന​ത്. മാ​സ​ത്തി​ലൊ​രി​ക്ക​ല്‍ പാ​ര്‍ക്കി​ല്‍ ഹാ​പ്പി​നെ​സ് ഡേ ​ആ​ഘോ​ഷി​ക്കും. ചെ​സ്, കാ​രം​സ് തു​ട​ങ്ങി​യ​വ​ക്കും സൗ​ക​ര്യ​മൊ​രു​ക്കും. കു​ടി​വെ​ള്ളം, സൗ​ജ​ന്യ വൈ​ഫൈ, സി.​സി.​ടി.​വി എ​ന്നി​വ സ​ജ്ജ​മാ​ക്കും. പ​രി​സ്ഥി​തി സം​ര​ക്ഷ​ണം, ക​ല, സ​ര്‍ഗാ​ത്മ​ക​ത എ​ന്നി​വ വ​ള​ര്‍ത്തി വേ​ന​ല​വ​ധി ആ​ഘോ​ഷ​മാ​ക്കാ​നാ​ണ് ല​ക്ഷ്യം.

ഏ​പ്രി​ല്‍ ആ​ദ്യ വാ​ര​ത്തോ​ടെ പാ​ര്‍ക്ക് പൂ​ര്‍ണ​സ​ജ്ജ​മാ​കും. പാ​ഴ്വ​സ്തു​ക്ക​ള്‍ സൃ​ഷ്ടി​പ​ര​മാ​യ രീ​തി​യി​ല്‍ ഉ​പ​യോ​ഗി​ച്ചും സാ​ധ്യ​മാ​യ എ​ല്ലാ വി​ധ​ത്തി​ലും സ​ന്തോ​ഷം പ​ക​ര്‍ന്ന് പ​ഞ്ചാ​യ​ത്തി​നെ വൃ​ത്തി​യു​ള്ള​തും ഹ​രി​താ​ഭ​വു​മാ​ക്കു​ക​യാ​ണ് ഹാ​പ്പി​നെ​സ് പാ​ര്‍ക്കി​ന്റെ ല​ക്ഷ്യ​മെ​ന്ന് പ്ര​സി​ഡ​ന്റ് എ​ബ്ര​ഹാം തോ​മ​സ് പ​റ​ഞ്ഞു.