ശക്തമായ മഴ തുടരുന്നു: നദികളിൽ വെള്ളം ഉയര്‍ന്നു

പ​ത്ത​നം​തി​ട്ട: പ​മ്പാ​ന​ദി​യി​ല്‍ ക​ഴി​ഞ്ഞ മ​ണി​ക്കൂ​റു​ക​ളി​ലെ ക​ണ​ക്കു​ക​ള്‍ പ്ര​കാ​രം ഒ​രു​ദി​വ​സം കൊ​ണ്ട് ശ​രാ​ശ​രി മൂ​ന്നു മീ​റ്റ​റി​ല​ധി​കം വെ​ള്ളം ഉ​യ​ര്‍ന്നു. അ​യി​രൂ​രി​ല്‍ ബു​ധ​നാ​ഴ്ച വൈ​കീ​ട്ട്​ 8.18 മീ​റ്റ​റാ​ണ് ജ​ല​നി​ര​പ്പ്. തി​ങ്ക​ളാ​ഴ്ച ഇ​ത് 4.58 മീ​റ്റ​ര്‍ മാ​ത്ര​മാ​യി​രു​ന്നു. മാ​രാ​മ​ണ്ണി​ല്‍ 6.72 മീ​റ്റ​റും ആ​റ​ന്മു​ള​യി​ല്‍ 6.08 മീ​റ്റ​റും മാ​ല​ക്ക​ര​യി​ല്‍ 4.61 മീ​റ്റ​റും ജ​ല​നി​ര​പ്പ് രേ​ഖ​പ്പെ​ടു​ത്തി.

മ​ണി​മ​ല​യാ​റ്റി​ല്‍ വ​ള്ളം​കു​ള​ത്ത് 4.31 മീ​റ്റ​റാ​ണ് ബു​ധ​നാ​ഴ്ച​ത്തെ ജ​ല​നി​ര​പ്പ്. ക​ല്ലൂ​പ്പാ​റ​യി​ല്‍ 5.6 മീ​റ്റ​റി​ലാ​ണ് വെ​ള്ളം ഒ​ഴു​കു​ന്ന​ത്.

അ​ച്ച​ന്‍കോ​വി​ലാ​റ്റി​ല്‍ കോ​ന്നി​യി​ല്‍ ശ​രാ​ശ​രി ഒ​രു മീ​റ്റ​റാ​ണ് ജ​ല​നി​ര​പ്പ്​ ഉ​യ​ര്‍ന്ന​ത്. പ​ന്ത​ള​ത്ത് 7.05 മീ​റ്റ​റാ​ണ് ജ​ല​നി​ര​പ്പ്. തു​മ്പ​മ​ണ്ണി​ല്‍ 8.2 മീ​റ്റ​റും രേ​ഖ​പ്പെ​ടു​ത്തി.

മ​ല​യോ​ര മേ​ഖ​ല​യി​ല്‍ ക​ന​ത്ത മ​ഴ

കെ.​എ​സ്.​ഇ.​ബി​യു​ടെ പ​മ്പ, ക​ക്കി സം​ഭ​ര​ണി​ക​ളു​ടെ വൃ​ഷ്ടി​പ്ര​ദേ​ശ​ങ്ങ​ളി​ലാ​ണ് ക​ന​ത്ത മ​ഴ​തു​ട​രു​ക​യാ​ണ്. സം​ഭ​ര​ണി​ക​ളി​ലും ഇ​തോ​ടെ ജ​ല​നി​ര​പ്പ് ഉ​യ​ര്‍ന്നു. ക​ക്കി​യി​ല്‍ 181 മി​ല്ലി​മീ​റ്റ​റും പ​മ്പ​യി​ല്‍ 132 മി​ല്ലി​മീ​റ്റ​റും മ​ഴ ല​ഭി​ച്ചു. മൂ​ഴി​യാ​റി​ല്‍ 118 മി​ല്ലി​മീ​റ്റ​റാ​ണ് മ​ഴ പെ​യ്ത​ത്. നി​ല​ക്ക​ലി​ല്‍ 116.2 മി​ല്ലി​മീ​റ്റ​ര്‍ മ​ഴ പെ​യ്തു.

പ​ത്ത​നം​തി​ട്ട​യി​ല്‍ 35.2, കോ​ന്നി​യി​ല്‍ 27.4, തു​മ്പ​മ​ണ്ണി​ല്‍ 35, വ​ട​ശ്ശേ​രി​ക്ക​ര​യി​ല്‍ 53, പെ​രു​ന്തേ​ന​രു​വി​യി​ല്‍ 99.6, അ​യി​രൂ​രി​ല്‍ 63.2, മാ​ല​ക്ക​ര 45.4, ക​ല്ലൂ​പ്പാ​റ 46, തി​രു​വ​ല്ല 28.3 മി​ല്ലി​മീ​റ്റ​ര്‍ മ​ഴ പെ​യ്തു.

​താ​ഴ്ന്ന പ്ര​ദേ​ശ​ങ്ങ​ളി​ൽ വെള്ളം ക​യ​റി

കോ​ഴ​ഞ്ചേ​രി: ക​ന​ത്ത മ​ഴ​യി​ൽ പ​മ്പാ​ന​ദി ക​ര​ക​വി​ഞ്ഞ് താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി. തോ​ട്ട​പ്പു​ഴ​ശ്ശേ​രി, മാ​രാ​മ​ൺ, ആ​റ​ന്മു​ള മേ​ഖ​ല​ക​ളി​ലെ താ​ഴ്ന്ന പ്ര​ദേ​ശ​ങ്ങ​ളി​ലേ​ക്കാ​ണ് വെ​ള്ളം എ​ത്തി​ത്തു​ട​ങ്ങി​യ​ത്. ആ​റ​ന്മു​ള സ​ത്ര​ക്ക​ട​വി​ൽ വെ​ള്ളം റോ​ഡി​നോ​ട്​ ചേ​ർ​ന്ന്​ നി​ൽ​ക്കു​ന്നു. മ​ഴ ശ​ക്ത​മാ​കു​ന്ന സാ​ഹ​ച​ര്യ​ത്തി​ൽ പ്ര​ള​യ​സാ​ധ്യ​ത മു​ന്നി​ൽ​ക്ക​ണ്ട് മു​ന്ന​റി​യി​പ്പ്​ ന​ൽ​കി. ആ​റ​ന്മു​ള​യി​ൽ വ​ള്ള​സ​ദ്യ​യു​മാ​യി ബ​ന്ധ​പ്പെ​ട്ടെ​ത്തു​ന്ന പ​ള്ളി​യോ​ട​ങ്ങ​ൾ​ക്കും ജാ​ഗ്ര​താ​നി​ർ​ദേ​ശം ന​ൽ​കി. ന​ദി​യി​ലെ ജ​ല​നി​ര​പ്പ് അ​ധി​കൃ​ത​രും നി​രീ​ക്ഷി​ക്കു​ന്നു​ണ്ട്.