മണ്ണുവിട്ടിറങ്ങാൻ മലയോര കർഷകർ; പത്തു ശതമാനം അപേക്ഷകള്‍ക്ക് അംഗീകാരം

പ​ത്ത​നം​തി​ട്ട: വ​നം വി​സ്തൃ​തി കൂ​ട്ടു​ന്ന​തി​ലേ​ക്ക് ആ​സൂ​ത്ര​ണം ചെ​യ്ത പ​ദ്ധ​തി​യി​ല്‍ ജി​ല്ല​യി​ൽ അ​പേ​ക്ഷ സ്വീ​ക​രി​ച്ച കോ​ന്നി​യി​ലെ ന​ടു​വ​ത്തും​മൂ​ഴി റേ​ഞ്ചി​ല്‍ ആ​ദ്യ​ഘ​ട്ട​ത്തി​ല്‍ അം​ഗീ​കാ​രം ന​ല്‍കി​യ​ത് 36 അ​പേ​ക്ഷ മാ​ത്രം. 360 അ​പേ​ക്ഷ​യാ​ണ് റേ​ഞ്ചി​ല്‍ ല​ഭി​ച്ച​ത്.അം​ഗീ​കാ​രം ല​ഭി​ച്ച​വ​രി​ൽ 30 പേ​രും നീ​രാ​മ​ക്കു​ളം ഭാ​ഗ​ത്തു​ള്ള​വ​രാ​ണ്. കോ​ന്നി വ​നം ഡി​വി​ഷ​ൻ​ത​ല​ത്തി​ൽ അം​ഗീ​കാ​രം ല​ഭി​ച്ച അ​പേ​ക്ഷ​ക​ൾ ഇ​നി റീ​ജ​ന​ൽ​ത​ല​ത്തി​ൽ പ​രി​ശോ​ധി​ക്കും.

അം​ഗീ​കാ​രം ല​ഭി​ച്ച​വ​യി​ൽ ആ​റ് അ​പേ​ക്ഷ ക​മ്പ​ക​ത്തും പ​ച്ച​യി​ൽ​നി​ന്നു​ള്ള​വ​യാ​ണ്. വ​ന​ത്തോ​ടു ചേ​ര്‍ന്ന പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​രെ​യും ഭൂ​വു​ട​മ​ക​ളെ​യും ഒ​ഴി​പ്പി​ച്ച് വ​നം വി​സ്തൃ​തി വ​ര്‍ധി​പ്പി​ക്കു​ക​യെ​ന്ന കേ​ന്ദ്ര ന​യ​ത്തി​ന്റെ ഭാ​ഗ​മാ​യ സ്വ​യം​സ​ന്ന​ദ്ധ​ത പു​ന​ര​ധി​വാ​സ പ​ദ്ധ​തി​യി​ലാ​ണ് അ​പേ​ക്ഷ സ്വീ​ക​രി​ച്ചി​രു​ന്ന​ത്. കേ​ര​ള സ​ര്‍ക്കാ​ർ റീ​ബി​ല്‍ഡ് കേ​ര​ള​യി​ൽ ഉ​ള്‍പ്പെ​ടു​ത്തി​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. കൊ​ല്ലം ജി​ല്ല​യി​ലെ റോ​സ്മ​ല​യി​ൽ പ​ദ്ധ​തി ന​ട​പ്പാ​ക്കി​യ​പ്പോ​ൾ ചെ​റു​കി​ട ഭൂ​വു​ട​മ​ക​ൾ മാ​ത്ര​മാ​ണ് ഒ​ഴി​ഞ്ഞു​പോ​കാ​ൻ ത​യാ​റാ​യ​ത്.

വ​ന്യ​മൃ​ഗ​ങ്ങ​ളു​ടെ നി​ര​ന്ത​ര ശ​ല്യം

വ​ന്യ​മൃ​ഗ​ങ്ങ​ളു​ടെ നി​ര​ന്ത​ര​മാ​യ ശ​ല്യം കാ​ര​ണം കൈ​വ​ശ ഭൂ​മി​യി​ലേ​ക്ക് ക​ട​ക്കാ​ൻ​പോ​ലു​മാ​കാ​ത്ത കു​ടി​യേ​റ്റ ക​ര്‍ഷ​ക​രാ​ണ് സ്വ​യം​സ​ന്ന​ദ്ധ​ത പു​ന​ര​ധി​വാ​സ പ​ദ്ധ​തി​യി​ൽ ഒ​ഴി​ഞ്ഞു​പോ​കാ​നു​ള്ള അ​പേ​ക്ഷ ന​ല്‍കി​യ​ത്. പ​തി​റ്റാ​ണ്ടു​ക​ളാ​യി കൈ​വ​ശം​​വെ​ച്ചി​രി​ക്കു​ന്ന ഭൂ​മി​യി​ൽ​നി​ന്നാ​ണ് ഇ​വ​ർ ഒ​ഴി​ഞ്ഞു​പോ​കാ​ൻ താ​ൽ​പ​ര്യം അ​റി​യി​ച്ച​ത്. പ​ട്ട​യം ല​ഭി​ച്ച ഭൂ​മി​യാ​ണ് ഇ​ത്ത​ര​ത്തി​ൽ ഒ​ഴി​പ്പി​ച്ചെ​ടു​ക്കു​ന്ന​ത്.

കൃ​ഷി​ഭൂ​മി കൈ​വ​ശ​മു​ള്ള ക​ര്‍ഷ​ക​ർ വ​ര്‍ഷ​ങ്ങ​ളാ​യി ത​രി​ശി​ട്ടി​രി​ക്കു​ക​യാ​ണ്. വ​ന​ത്തോ​ടു ചേ​ര്‍ന്ന പ്ര​ദേ​ശ​ങ്ങ​ളി​ലെ വ​ന്യ​ജീ​വി ശ​ല്യ​മാ​ണ് ഇ​തി​നു കാ​ര​ണം. ഇ​ത്ത​രം സ്ഥ​ല​ങ്ങ​ൾ ഒ​ഴി​പ്പി​ച്ചെ​ടു​ത്ത് വ​നം വി​സ്തൃ​തി കൂ​ട്ടു​ക​യും മൃ​ഗ​ങ്ങ​ളും മ​നു​ഷ്യ​രും ത​മ്മി​ലു​ള്ള സം​ഘ​ര്‍ഷം കു​റ​ക്കു​ക​യു​മാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ട്ടി​രു​ന്ന​ത്. വ​ന​മേ​ഖ​ല​യോ​ടു ചേ​ര്‍ന്ന പ്ര​ദേ​ശ​ങ്ങ​ളി​ൽ വ​നം​വ​കു​പ്പി​ന്റെ നി​യ​മ​ങ്ങ​ളും ബാ​ധ​ക​മാ​ണ്. സ്വ​ന്തം കൃ​ഷി​യി​ട​ത്തി​ൽ ന​ട്ടു​വ​ള​ര്‍ത്തി​യ ഒ​രു മ​രം മു​റി​ക്കാ​ൻ​പോ​ലും ക​ര്‍ഷ​ക​ര്‍ക്ക് അ​നു​വാ​ദ​മി​ല്ല. മൃ​ഗ​ങ്ങ​ളു​മാ​യു​ള്ള പോ​രാ​ട്ട​ത്തോ​ടൊ​പ്പം വ​ന​പാ​ല​ക​രു​ടെ പീ​ഡ​ന​വും ക​ര്‍ഷ​ക​രെ ബു​ദ്ധി​മു​ട്ടി​ലാ​ക്കു​ന്നു​ണ്ട്.

ഒ​രു കു​ടും​ബ യൂ​നി​റ്റി​ന് 15 ല​ക്ഷം രൂ​പ

പ​ത്ത് സെ​ന്റ് മു​ത​ല്‍ അ​ഞ്ച് ഏ​ക്ക​ർ വ​രെ ഭൂ​മി​യെ ഒ​രു യൂ​നി​റ്റാ​യി ക​ണ്ടാ​ണ് ന​ഷ്ട​പ​രി​ഹാ​രം ന​ല്‍കു​ന്ന​ത്. ഒ​രു കു​ടും​ബ​ത്തി​ന് 15 ല​ക്ഷം രൂ​പ​യാ​ണ് ക​ണ​ക്കാ​ക്കി​യി​രി​ക്കു​ന്ന​ത്. ഇ​തി​നു പു​റ​​​മെ വി​വാ​ഹി​ത​രാ​കാ​ത്ത പ്രാ​യ​പൂ​ര്‍ത്തി​യാ​യ മ​ക്ക​ളെ​യും ഒ​രു യൂ​നി​റ്റാ​യി ക​ണ്ട് 15 ല​ക്ഷം രൂ​പ വീ​തം ന​ല്‍കും.ന​ഷ്ട​പ​രി​ഹാ​ര​ത്തി​ന്റെ ആ​ദ്യ​ഘ​ട്ടം ല​ഭി​ക്കു​മ്പോ​ൾ​ത​ന്നെ ഒ​ഴി​ഞ്ഞു​പോ​ക​ണം. അ​ടു​ത്ത​ഘ​ട്ടം പ​ണം ല​ഭ്യ​മാ​കു​ന്ന മു​റ​ക്ക്​ ന​ല്‍കു​മെ​ന്നാ​ണ് വ്യ​വ​സ്ഥ.

പു​ന​ര​ധി​വാ​സം സ്വ​യം ക​ണ്ടെ​ത്ത​ണം

പ​ണം മാ​ത്ര​മേ വ​നം​വ​കു​പ്പ് ന​ല്‍കു​ക​യു​ള്ളൂ. ഒ​ഴി​ഞ്ഞു​പോ​കു​ന്ന​വ​ർ സ്വ​ന്തം നി​ല​യി​ല്‍ പു​ന​ര​ധി​വാ​സം ന​ട​ത്ത​ണം. വ​നം​വ​കു​പ്പ് പ​ദ്ധ​തി​യു​മാ​യി സ​ഹ​ക​രി​ക്കി​ല്ലെ​ന്ന്​ ക​ര്‍ഷ​ക സം​ഘ​ട​ന​ക​ള്‍ വ്യ​ക്ത​മാ​ക്കി​യി​രു​ന്നു. ജ​ന​വാ​സ മേ​ഖ​ല ഒ​ന്നൊ​ന്നാ​യി ഒ​ഴി​പ്പി​ക്കാ​നു​ള്ള വ​നം​വ​കു​പ്പി​ന്റെ ഗു​ഢ​ത​ന്ത്ര​മാ​ണ് ഇ​തി​നു പി​ന്നി​ലെ​ന്നാ​ണ് ആ​രോ​പ​ണം.