അബിഗേലിനായി ഉറക്കമിളച്ച്​ പത്തനംതിട്ടയും

പ​ത്ത​നം​തി​ട്ട/​പ​ന്ത​ളം: കേ​ര​ളം കാ​ത്തി​രു​ന്ന ശു​ഭ​വാ​ർ​ത്ത​യെ​ത്തി​യ​തോ​ടെ ജി​ല്ല​ക്കും ആ​ശ്വാ​സം. പ​ത്ത​നം​തി​ട്ട​യി​ലെ സ്വ​കാ​ര്യ ആ​ശു​പ​ത്രി ജീ​വ​ന​ക്കാ​ര​നും കൊ​ല്ലം ഓ​യൂ​ർ ഓ​ട്ടു​മ​ല കാ​റ്റാ​ടി റെ​ജി ഭ​വ​നി​ൽ റെ​ജി ജോ​ണി​ന്റെ​യും സി​ജി​യു​ടെയും മ​ക​ൾ അ​ബി​ഗേ​ൽ സാ​റ റെ​ജി​ക്കാ​യി സ​മീ​പ ജി​ല്ല​യാ​യ പ​ത്ത​നം​തി​ട്ട​യും ​ഉ​റ​ക്ക​മി​ള​ച്ച്​ കാ​ത്തി​രി​ക്കു​ക​യാ​യി​രു​ന്നു.

അ​ബി​ഗേ​ലി​നെ കാ​ണാ​താ​യ​ത്​ മു​ത​ൽ സ​മീ​പ​ജി​ല്ല​യാ​യ പ​ത്ത​നം​തി​ട്ട​യി​ലേ​ക്കും അ​ന്വേ​ഷ​ണം വ്യാ​പി​പ്പി​ച്ചി​രു​ന്നു. കു​ട്ടി​യെ പ​ത്ത​നം​തി​ട്ട​ക്കും ക​ട​ത്തി​യെ​ന്ന ആ​ശ​ങ്ക പ​ര​ന്നു. കാ​ണാ​താ​യ​ത്​ മു​ത​ൽ ​പൊ​ലീ​സ്​ ക​ന​ത്ത ജാ​ഗ്ര​ത​യി​ലാ​യി​രു​ന്നു. ജി​ല്ല അ​തി​ർ​ത്തി​യാ​യ ഏ​നാ​ത്ത്​ മു​ഴു​വ​ൻ വാ​ഹ​ന​ങ്ങ​ളും പ​രി​ശോ​ധി​ച്ച ശേ​ഷ​മാ​ണ്​ ക​ട​ത്തി​വി​ട്ട​ത്.

അ​ടൂ​ർ, പ​ന്ത​ളം, തി​രു​വ​ല്ല, പ​ത്ത​നം​തി​ട്ട തു​ട​ങ്ങി​യ ​പ്ര​ധാ​ന ന​ഗ​ര​ങ്ങ​ളി​ലും പൊ​ലീ​സ്​ പ​രി​ശോ​ധ​ന ക​ർ​ശ​ന​മാ​ക്കി​യി​രു​ന്നു. ജി​ല്ല​യി​ലെ വി​വി​ധ വാ​ട്​​​സ്​​ആ​പ്​ ഗ്രൂ​പ്പു​ക​ളി​ലൂ​ടെ​യും മ​റ്റും സ​ന്ദേ​ശം എ​ത്തി​യ​തോ​ടെ പൊ​തു​ജ​ന​ങ്ങ​ളും ജാ​ഗ്ര​ത​യി​ലാ​യി​. അ​പ​രി​ചി​ത വാ​ഹ​ന​ങ്ങ​ൾ നാ​ട്ടു​കാ​രും നി​രീ​ക്ഷി​ച്ചി​രു​ന്നു.

തി​ങ്ക​ളാ​ഴ്​​ച രാ​​ത്രി​യും ചൊ​വ്വാ​ഴ്​​ച പു​ല​ർ​ച്ച​യും എം.​സി റോ​ഡി​ൽ പൊ​ലീ​സി​ന്റെ പ​രി​ശോ​ധ​ന നീ​ണ്ടു. കു​ട്ടി​യു​മാ​യി എം.​സി റോ​ഡി​ലൂ​ടെ ക​ട​ന്നു കാ​ണുമെ​ന്ന സ​ന്ദേ​ശം ല​ഭി​ച്ച​തോ​ടെ പ​ന്ത​ളം എ​സ്.​എ​ച്ച്.​ഒ പ്ര​ജീ​ഷി​ന്റെ നേ​തൃ​ത്വ​ത്തി​ലു​ള്ള സം​ഘം ജാ​ഗ​രൂ​ക​രാ​യി. വി​വി​ധ മേ​ഖ​ല​ക​ളി​ൽ പ​രി​സ​ര​ത്തെ ഓ​ട്ടോ ഡ്രൈ​വ​ർ​മാ​രും നാ​ട്ടു​കാ​രും പ​രി​ശോ​ധ​ന​യു​ടെ ഭാ​ഗ​മാ​യി.

ഓ​രോ നി​മി​ഷ​ങ്ങ​ളും എ​ണ്ണി​യെ​ണ്ണി​യാ​ണ്​ ജി​ല്ല​യും ക​ട​ന്നു​പോ​യ​ത്. അ​വ​സാ​നം അ​ബി​ഗേ​ലി​നെ ക​ണ്ടെ​ത്തി​​യെ​ന്ന്​ അ​റി​ഞ്ഞ​തോ​ടെ ഉ​റ​ക്ക​മി​ള​ച്ച്​ മി​ഴി​ക​ളി​ൽ സ​ന്തോ​ശാ​ശ്രു​ക്ക​ൾ പൊ​ടി​ഞ്ഞു.