മാലിന്യം വലിച്ചെറിയുന്നവരുടെ ശ്രദ്ധയ്ക് നിങ്ങൾ നിരീക്ഷണത്തിലാണ്; കാമറക്കെണിയൊരുക്കി കോന്നി ഗ്രാമപഞ്ചായത്ത്

പ​ത്ത​നം​തി​ട്ട: എ​ത്ര പ​റ​ഞ്ഞി​ട്ടും കേ​ള്‍ക്കാ​ത്ത, മാ​ലി​ന്യം എ​റി​യ​ല്‍ ശീ​ല​മാ​ക്കി​യ​വ​ര്‍ കോ​ന്നി​യി​ലു​ണ്ടെ​ങ്കി​ല്‍ ഇ​നി സൂ​ക്ഷി​ക്ക​ണം. നി​യ​മ​ലം​ഘ​നം ‘മി​ഴി​വോ​ടെ’ തെ​ളി​വാ​ക്കാ​ന്‍ കാ​മ​റ​ക​ള്‍ ഒ​രു​ക്കി. ശു​ചി​ത്വ​പാ​ല​നം സ​മ്പൂ​ര്‍ണ​മാ​ക്കാ​ൻ ശ്ര​മം തു​ട​ങ്ങു​മ്പോ​ഴൊ​ക്കെ മാ​ലി​ന്യ​വു​മാ​യി വി​രു​ത​ന്മാ​ര്‍ എ​ത്തു​ന്നു​വെ​ന്ന് ക​ണ്ട​തോ​ടെ​യാ​ണ് പ​ഞ്ചാ​യ​ത്ത് ഭ​ര​ണ​സ​മി​തി സി.​സി.​ടി.​വി എ​ന്ന ‘ആ​യു​ധം’ പ്ര​യോ​ഗി​ക്കാ​ന്‍ തീ​രു​മാ​നി​ച്ച​ത്. തീ​രു​മാ​നം കാ​ല​താ​മ​സം കൂ​ടാ​തെ ന​ട​പ്പാ​ക്കു​ക​യാ​ണ്.

മാ​ലി​ന്യ സം​സ്‌​ക​ര​ണം മി​ക​വു​റ്റ രീ​തി​യി​ല്‍ ന​ട​പ്പാ​ക്കു​ന്ന​തി​ന്റെ തു​ട​ര്‍പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യാ​ണ് കാ​മ​റ​ക​ള്‍ കോ​ന്നി​യു​ടെ മു​ക്കി​ലും മൂ​ല​യി​ലേ​ക്കു​മെ​ത്തി​യ​ത്. 2024-25 വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 15 ല​ക്ഷം രൂ​പ വി​നി​യോ​ഗി​ച്ചാ​ണ് കാ​മ​റ​ക​ള്‍ സ്ഥാ​പി​ച്ച​ത്. ആ​കെ 35 കാ​മ​റ​ക​ള്‍. വാ​ഹ​ന​ങ്ങ​ളു​ടെ ന​മ്പ​ര്‍പ്ലെ​യ്റ്റ് തി​രി​ച്ച​റി​യാ​ന്‍ ക​ഴി​യും വി​ധ​മു​ള്ള ആ​ധു​നി​ക കാ​മ​റ​ക​ളാ​ണ് എ​ല്ലാം.

പ​ഞ്ചാ​യ​ത്ത് കെ​ട്ടി​ട​ത്തി​ല്‍ പ്ര​സി​ഡ​ന്റി​ന്റെ ഓ​ഫി​സ് മു​റി​യി​ല്‍ നി​ന്നാ​ണ് കാ​മ​റ​ക​ളു​ടെ നി​യ​ന്ത്ര​ണം. പ​ഞ്ചാ​യ​ത്ത് സെ​ക്ര​ട്ട​റി ടി.​കെ. ദീ​പു ഉ​ള്‍പ്പെ​ടു​ന്ന സ​ബ് ക​മ്മി​റ്റി​ക്കാ​ണ് ചു​മ​ത​ല. ഇ​വി​ടെ​യി​രു​ന്നു വീ​ക്ഷി​ച്ചാ​ല്‍ മാ​ലി​ന്യ​മെ​റി​യ​ലി​ന്റെ തോ​ത​ള​ക്കാം, ആ​ളെ​യും പി​ടി​കൂ​ടാം, ന​ട​പ​ടി​യു​മെ​ടു​ക്കാം. കെ.​എ​സ്.​ആ​ര്‍.​ടി.​സി ബ​സ് സ്റ്റാ​ന്‍ഡ്, നാ​രാ​യ​ണ​പു​രം മാ​ര്‍ക്ക​റ്റ്, മാ​ലൂ​ര്‍ ഏ​ല, പ​ഞ്ചാ​യ​ത്ത് ക​ട​വ്, സെ​ന്‍ട്ര​ല്‍ ജ​ങ്​​ഷ​ന്‍ തു​ട​ങ്ങി പ​ഞ്ചാ​യ​ത്തി​ന്റെ പൊ​തു​ഇ​ട​ങ്ങ​ളി​ല്‍ ഇ​നി​മു​ത​ല്‍ 24 മ​ണി​ക്കൂ​ര്‍ നി​രീ​ക്ഷ​ണം ഉ​ണ്ടാ​കും. മാ​ലി​ന്യ കൂ​മ്പാ​ര​മാ​യി​രു​ന്ന പ്ര​ദേ​ശ​ങ്ങ​ള്‍ വൃ​ത്തി​യാ​ക്കി​യാ​ണ്കാ​മ​റ​ക​ള്‍ ഉ​റ​പ്പി​ച്ച​ത്.

പ​ഞ്ചാ​യ​ത്തി​ലും സി.​സി ടി​വി സം​വി​ധാ​നം ഏ​ര്‍പ്പെ​ടു​ത്തി. പ​ഞ്ചാ​യ​ത്തി​ന്റെ സ​മ്പൂ​ര്‍ണ ശു​ചി​ത്വ പ്ര​ഖ്യാ​പ​ന​വും സി.​സി.​ടി.​വി പ്ര​വ​ര്‍ത്ത​ന ഉ​ദ്ഘാ​ട​ന​വും മാ​ര്‍ച്ച് 19ന് ​ന​ട​ത്തു​മെ​ന്ന് പ്ര​സി​ഡ​ന്റ് ആ​നി സാ​ബു തോ​മ​സ് വ്യ​ക്ത​മാ​ക്കി. കോ​ന്നി​യി​ലെ 75 സ്ഥാ​പ​ന​ങ്ങ​ളെ ഉ​ള്‍പ്പെ​ടു​ത്തി​യ ഹ​രി​ത ടൗ​ണ്‍- ഹ​രി​ത മാ​ര്‍ക്ക​റ്റ് പ്ര​ഖ്യാ​പ​ന​വും ഉ​ട​നു​ണ്ടാ​കും.എം.​എ​സ്.​എ​ഫു​ക​ളും ബോ​ട്ടി​ല്‍ ബൂ​ത്തു​ക​ളും സ​ജ്ജ​മാ​ക്കി ക​ഴി​ഞ്ഞു. ഹ​രി​ത ക​ലാ​ല​യ​ങ്ങ​ളും അം​ഗ​ൻ​വാ​ടി​ക​ളും ഇ​തി​നോ​ട​കം പ്ര​ഖ്യാ​പി​ച്ചി​ട്ടു​ണ്ട്. പ്ര​ദേ​ശ​ത്തി​ന്റെ സൗ​ന്ദ​ര്യ​വ​ല്‍ക​ര​ണ പ്ര​വ​ര്‍ത്ത​നം അ​വ​സാ​ന​ഘ​ട്ട​ത്തി​ലാ​ണെ​ന്നും പ്ര​സി​ഡ​ന്റ് അ​റി​യി​ച്ചു.