സമയ കൃത്യത പാലിക്കാതെ ഡോക്ടർമാർ; കോ​ന്നി മെഡിക്കൽ കോളജ് ഒ.പിയിൽ ചികിത്സ ലഭിക്കാതെ രോഗികൾ മടങ്ങുന്നു

കോ​ന്നി: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്ന്​ കോ​ന്നി മെ​ഡി​ക്ക​ൽ കോ​ള​ജി​ൽ ചി​കി​ത്സ തേ​ടി​യെ​ത്തു​ന്ന നൂ​റ് ക​ണ​ക്കി​ന് രോ​ഗി​ക​ൾ കോ​ന്നി സ​ർ​ക്കാ​ർ മെ​ഡി​ക്ക​ൽ കോ​ള​ജി​ൽ ചി​കി​ത്സ ല​ഭി​ക്കാ​തെ മ​ട​ങ്ങു​ന്നു. ഡോ​ക്ട​ർ​മാ​ർ സ​മ​യ​ക്ര​മം പാ​ലി​ക്കാ​ത്ത​ത് രോ​ഗി​ക​ളെ വ​ല​ക്കു​ന്നു.

രാ​വി​ലെ എ​ട്ട്​ മു​ത​ൽ ഉ​ച്ച​ക്ക്​ ഒ​ന്ന്​ വ​രെ​യാ​ണ് കോ​ന്നി മെ​ഡി​ക്ക​ൽ കോ​ള​ജി​ൽ ഒ.​പി പ്ര​വ​ർ​ത്തി​ക്കു​ന്ന​ത്. എ​ന്നാ​ൽ ഇവിടെ ഒ​രു മ​ണി​ക്ക് മു​മ്പ്​ ത​ന്നെ പ്ര​ധാ​ന ഡോ​ക്ട​ർ​മാ​ർ ഡ്യൂ​ട്ടി അ​വ​സാ​നി​പ്പിച്ച് പോ​കു​ക​യാ​ണ്. ഒ.​പി യി​ൽ നി​ന്ന്​ ഡോ​ക്ട​ർ​മാ​ർ പോ​യി​ക്ക​ഴി​ഞ്ഞാ​ൽ പി​ന്നെ കാ​ഷ്വാ​ലി​റ്റി​യെ ആ​ണ് ഇവിടെ രോ​ഗി​ക​ൾ അ​ഭ​യം പ്രാ​പി​ക്കു​ന്ന​ത്.

എ​ന്നാ​ൽ, പ​ല​പ്പോ​ഴും ജൂ​നി​യ​ർ ഡോ​ക്ട​ർ​മാ​രാ​ണ് ഉ​ച്ച​ക്ക് ശേ​ഷം ഇ​വി​ടെ ഉ​ള്ള​ത് എ​ന്ന​തി​നാ​ൽ വ​രു​ന്ന രോ​ഗി​ക​ളെ നോ​ക്കാ​ൻ പോ​ലും ഇ​വ​ർ​ക്ക് സാ​ധി​ക്കാ​റി​ല്ല. ഫോ​ണി​ലൂ​ടെ പ്ര​ധാ​ന ഡോ​ക്ട​റെ ബ​ന്ധ​പ്പെ​ടു​ക​യാ​ണ് ജൂ​നി​യ​ർ ഡോ​ക്ട​ർ പലപ്പോഴും ചെ​യ്യാറുള്ളത്​.

കൂ​ടാ​തെ ഉ​ച്ച സ​മ​യ​ത്ത് മെ​ഡി​ക്ക​ൽ കോ​ള​ജി​ൽ എ​ത്തു​ന്ന രോ​ഗി​ക​ൾ ഡോ​ക്ട​റെ ക​ണ്ട​തി​നു ശേ​ഷം ഡോ​ക്ട​ർ എ​ഴു​തി ന​ൽ​കു​ന്ന വി​വി​ധ ടെ​സ്റ്റു​ക​ൾ ലാ​ബി​ൽ പ​രി​ശോ​ധ​ന ന​ട​ത്തി​യ​തി​ന് ശേ​ഷം ഈ ​പ​രി​ശോ​ധ​ന ഫ​ല​വു​മാ​യി ഡോ​ക്ട​റെ കാ​ണാ​ൻ എ​ത്തു​മ്പോ​ൾ മു​മ്പ്​ ക​ണ്ട ഡോ​ക്ട​ർ പോ​യി​ട്ടു​ണ്ടാ​കും.

പി​ന്നീ​ട് അ​ടു​ത്ത ദി​വ​സം ഇ​തേ ഡോ​ക്ട​റെ വീ​ണ്ടും വ​ന്നു കാ​ണേ​ണ്ട അ​വ​സ്ഥ​യാ​ണ് രോ​ഗി​ക​ൾ​ക്ക്‌. 2020 സെ​പ്റ്റം​ബ​ർ 24 നാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ കോ​ന്നി മെ​ഡി​ക്ക​ൽ കോ​ള​ജ് ഒ.​പി വി​ഭാ​ഗം ഉ​ദ്​​ഘാ​ട​നം ചെ​യ്ത​ത്. പി​ന്നീ​ട് 2021 ഫെ​ബ്രു​വ​രി 10 ന് ​കി​ട​ത്തി ചി​കി​ത്സ വി​ഭാ​ഗം ആ​രോ​ഗ്യ മ​ന്ത്രി വീ​ണ ജോ​ർ​ജും ഉ​ദ്​​ഘാ​ട​നം ചെ​യ്തു.