കോന്നി താലൂക്ക് ഓഫിസിൽ കൂട്ട അവധിയെടുത്ത്​ ജീവനക്കാരുടെ ഉല്ലാസയാത്ര

കോ​ന്നി: കോ​ന്നി താ​ലൂ​ക്ക് ഓ​ഫി​സ് ജീ​വ​ന​ക്കാ​ർ കൂ​ട്ട​ത്തോ​ടെ അ​വ​ധി എ​ടു​ത്തും എ​ടു​ക്കാ​തെ​യും മൂ​ന്നാ​റി​ൽ ഉ​ല്ലാ​സ യാ​ത്ര പോ​യ സം​ഭ​വ​ത്തി​ൽ വ്യാ​പ​ക പ്ര​തി​ഷേ​ധം. താ​ലൂ​ക്ക് ഓ​ഫി​സി​ലെ വി​വി​ധ സെ​ക്​​ഷ​നു​ക​ളി​ലാ​യി 63 ഉ​ദ്യോ​ഗ​സ്ഥ​ർ ഉ​ള്ള​തി​ൽ 21 പേ​ർ അ​വ​ധി എ​ടു​ത്തും 19 പേ​ര് അ​വ​ധി എ​ടു​ക്കാ​തെ​യു​മാ​ണ്​ വെ​ള്ളി​യാ​ഴ്ച ഓ​ഫി​സി​ൽ ഹാ​ജ​രാ​കാ​തി​രു​ന്ന​ത്.

താ​ലൂ​ക്ക് ത​ഹ​ൽ​സി​ൽ​ദാ​ർ അ​ട​ക്കം ഇ​തി​ൽ ഉ​ൾ​പ്പെ​ട്ടി​ട്ടു​ണ്ട്. ഇ​ത്ര​യും ആ​ളു​ക​ൾ​ക്ക് ഒ​രു​മി​ച്ച് എ​ങ്ങ​നെ അ​വ​ധി അ​നു​വ​ദി​ച്ചു എ​ന്ന​തും ദു​രൂ​ഹ​മാ​ണ്. വെ​ള്ളി​യാ​ഴ്ച രാ​വി​ലെ ആ​റ് മ​ണി​യോ​ടെ ആ​ണ് ജീ​വ​ന​ക്കാ​ർ മൂ​ന്നാ​റി​ൽ ഉ​ല്ലാ​സ യാ​ത്ര പോ​യ​ത്. കോ​ന്നി താ​ലൂ​ക്കി​ലെ ആ​സ്ഥാ​ന മ​ന്ദി​ര​ത്തി​ൽ നി​ര​വ​ധി ആ​ളു​ക​ളാ​ണ് ദി​വ​സ​വും വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​ത്. വെ​ള്ളി​യാ​ഴ്ച രാ​വി​ലെ​യും ആ​ളു​ക​ൾ എ​ത്തി​യി​രു​ന്നു. ഈ ​സ​മ​യ​ത്താ​ണ് സെ​ക്​​ഷ​നു​ക​ളി​ൽ ഉ​ദ്യോ​ഗ​സ്ഥ​രു​ടെ ക​സേ​ര​ക​ൾ ഒ​ഴി​ഞ്ഞു കി​ട​ക്കു​ന്ന​ത്​ ക​ണ്ട​ത്. സം​ഭ​വം വി​വാ​ദ​മാ​യ​തോ​ടെ കെ.​യു. ജ​നീ​ഷ് കു​മാ​ർ എം.​എ​ൽ.​എ സ്ഥ​ല​െ​ത്ത​ത്തി.

എം.​എ​ൽ.​എ​യു​ടെ ചോ​ദ്യ​ങ്ങ​ൾ​ക്ക്​ മ​റു​പ​ടി​യി​ല്ലാ​തെ ഡെ​പ്യൂ​ട്ടി ത​ഹ​സി​ല്‍ദാ​ര്‍ വി​യ​ര്‍ത്തു. ഓ​ഫി​സ് ര​ജി​സ്റ്റ​റി​ല്‍ ന​ട​ന്ന തി​രി​മ​റി​യും എം.​എ​ല്‍.​എ കൈ​യോ​ടെ പി​ടി​കൂ​ടി. അ​വ​ധി​ക്കാ​യി ന​ല്‍കി​യ അ​പേ​ക്ഷ​ക​ളി​ല്‍ പോ​ലും ഒ​രേ കൈ​യ​ക്ഷ​രം ആ​യി​രു​ന്നു​വെ​ന്ന് എം.​എ​ല്‍.​എ ചൂ​ണ്ടി​ക്കാ​ട്ടി. വി​ഷ​യം എം.​എ​ൽ.​എ, റ​വ​ന്യൂ മ​ന്ത്രി​യു​ടെ ശ്ര​ദ്ധ​യി​ൽ​പ്പെ​ടു​ത്തി. കു​റ്റ​ക്കാ​രാ​യ ജീ​വ​ന​ക്കാ​രെ സം​ര​ക്ഷി​ക്കി​ല്ലെ​ന്നും ക​ർ​ശ​ന ന​ട​പ​ടി​യെ​ടു​ക്കു​മെ​ന്നും മ​ന്ത്രി കെ. ​രാ​ജ​ൻ അ​റി​യി​ച്ചു. ഇ​ത് സം​ബ​ന്ധി​ച്ച അ​ന്വേ​ഷ​ണ​ത്തി​ന് ജി​ല്ല ക​ല​ക്ട​റെ നി​യോ​ഗി​ച്ച​താ​യും മ​ന്ത്രി പ​റ​ഞ്ഞു. സം​ഭ​വ​ത്തി​ൽ ജി​ല്ല ക​ല​ക്ട​ർ റി​പ്പോ​ർ​ട്ട്‌ തേ​ടി. കോ​ൺ​ഗ്ര​സ്​ പ്ര​വ​ർ​ത്ത​ക​രും സ്ഥ​ല​ത്ത് പ്ര​തി​ഷേ​ധ​വു​മാ​യി എ​ത്തി.