സ്‌​ഫോ​ട​ക വ​സ്തു​ക്ക​ൾ ഉ​പ​യോ​ഗി​ച്ച്​ കൊ​ല്ലു​ന്ന​ത്​ വ്യാ​പ​​കം വന്യമൃഗങ്ങൾ അസ്വാഭാവികമായി ചത്തൊടുങ്ങുന്നു

കോ​ന്നി: കോ​ന്നി​യി​ലെ വ​ന​മേ​ഖ​ല​യി​ലും മ​ല​യോ​ര മേ​ഖ​ല​ക​ളി​ലും വ​ന്യ​മൃ​ഗ​ങ്ങ​ൾ അ​സ്വാ​ഭാ​വി​ക രീ​തി​യി​ൽ ച​ത്തൊ​ടു​ങ്ങു​ന്ന സം​ഭ​വ​ത്തി​ൽ വ​നം വ​കു​പ്പ് വ​ന​മേ​ഖ​ല​യി​ൽ തി​ര​ച്ചി​ൽ ശ​ക്ത​മാ​ക്കി.

വ​നാ​തി​ർ​ത്തി​ക​ളി​ൽ പ​ന്നി​പ്പ​ട​ക്കം അ​ട​ക്ക​മു​ള്ള സ്‌​ഫോ​ട​ക വ​സ്തു​ക്ക​ൾ ഉ​പ​യോ​ഗി​ച്ച്​ വ​ന്യ​മൃ​ഗ​ങ്ങ​ളെ കൊ​ല്ലു​ന്ന​ത്​ വ്യാ​പ​ക​മാ​യ പ​ശ്ചാ​ത്ത​ല​ത്തി​ലാ​ണ്​ ന​ട​പ​ടി. കൊ​ക്കാ​ത്തോ​ട് വ​ന​മേ​ഖ​ല​യി​ൽ കാ​ഞ്ഞി​ര​പ്പാ​റ ഭാ​ഗ​ത്ത് ആ​ഴ്ച​ക​ൾ​ക്ക് മു​മ്പാ​ണ് കാ​ട്ടാ​ന പ​ന്നി​പ്പ​ട​ക്കം ക​ടി​ച്ച് താ​ടി​യെ​ല്ലു​ക​ൾ ത​ക​ർ​ന്ന് ചെ​രി​ഞ്ഞ​ത്.

കൊ​ക്കാ​ത്തോ​ട് ഫോ​റ​സ്റ്റ്​ സ്​​റ്റേ​ഷ​ൻ പ​രി​ധി​യി​ലെ വ​ട​ക്കേ മ​ണ്ണീ​റ, ത​ല​മാ​നം, കോ​ട്ടാം​പാ​റ, ക​രി​പ്പാ​ൻ​തോ​ട് ഫോ​റ​സ്റ്റ്​ സ്​​റ്റേ​ഷ​ൻ പ​രി​ധി​യി​ലെ നീ​രാ​മ​ക്കു​ളം ഭാ​ഗ​ത്തു​മാ​ണ് വ​നം വ​കു​പ്പ് ഡോ​ഗ്​ സ്‌​ക്വാ​ഡ് അ​ട​ക്കം പ​രി​ശോ​ധ​ന ന​ട​ത്തി​യ​ത്.

എ.​സി.​എ​ഫ് റാ​ങ്കി​ലു​ള്ള പെ​രി​യാ​ർ ടൈ​ഗ​ർ റി​സ​ർ​വ് സ്‌​നി​ഫ​ർ ഡോ​ഗ് ജെ​ന്നി എ​ന്ന നാ​യെ​യാ​ണ്​ പ​രി​ശോ​ധ​ന​ക്ക് എ​ത്തി​ച്ച​ത്. പെ​രി​യാ​ർ ടൈ​ഗ​ർ റി​സ​ർ​വ് സ്‌​നി​ഫ​ർ ഡോ​ഗ് സ്‌​ക്വാ​ഡ് ഡോ​ഗ് ഹാ​ൻ​ഡ്‌​ലെ​ർ ശേ​ഖ​ർ, അ​സി​സ്റ്റ​ന്റ് ഹാ​ൻ​ഡ്‌​ലെ​ർ അ​നീ​ഷ്, ഡ്രൈ​വ​ർ അ​രോ​മ​ൽ, വ​നം വ​കു​പ്പ് ജീ​വ​ന​ക്കാ​ർ തു​ട​ങ്ങി​യ​വ​ർ പ​രി​ശോ​ധ​ന​യി​ൽ പ​ങ്കെ​ടു​ത്തു. എ​ന്നാ​ൽ, പ​രി​ശോ​ധ​ന​യി​ൽ കാ​ര്യ​മാ​യ സ്‌​ഫോ​ട​ക വ​സ്തു​ക്ക​ൾ ഒ​ന്നും ക​ണ്ടെ​ത്താ​ൻ ക​ഴി​ഞ്ഞി​ല്ല. നാ​ലു ദി​വ​സ​മാ​ണ് പ​രി​ശോ​ധ​ന ന​ട​ന്ന​ത്.

പ​ന്നി​പ്പ​ട​ക്കം അ​ട​ക്ക​മു​ള്ള സ്‌​ഫോ​ട​ക വ​സ്തു​ക്ക​ൾ ഉ​പ​യോ​ഗി​ച്ചാ​ണ് മൃ​ഗ​ങ്ങ​ളെ വേ​ട്ട​യാ​ടു​ന്ന​ത്. തീ​റ്റ​യാ​ണെ​ന്ന് ക​രു​തി പ​ട​ക്കം ഭ​ക്ഷി​ക്കു​ന്ന മൃ​ഗ​ങ്ങ​ൾ ത​ല​ത​ക​ർ​ന്ന് ചാ​കു​ക​യാ​ണ് ചെ​യ്യു​ന്ന​ത്. വ​ള​രെ ചെ​റി​യ മ​ർ​ദം പ്ര​യോ​ഗി​ച്ചാ​ൽ​പോ​ലും വ​ലി​യ പ്ര​ഹ​ര​ശേ​ഷി​യോ​ടെ പൊ​ട്ടു​ന്ന ഇ​ത്ത​രം പ​ട​ക്ക​ങ്ങ​ൾ മ​നു​ഷ്യ​ജീ​വ​നും ആ​പ​ത്താ​ണ്.

ജ​ന​വാ​സ മേ​ഖ​ല​യോ​ട് ചേ​ർ​ന്ന വ​നാ​തി​ർ​ത്തി​ക​ളി​ലാ​ണ് മ്ലാ​വ്, പ​ന്നി, ആ​ന അ​ട​ക്ക​മു​ള്ള വ​ന്യ​മൃ​ഗ​ങ്ങ​ൾ​ക്ക്​ ഈ ​ത​ര​ത്തി​ൽ ജീ​വ​ഹാ​നി സം​ഭ​വി​ച്ച​താ​യി ക​ണ്ടെ​ത്തി​യ​ത്.

കോ​ന്നി വ​ന​മേ​ഖ​ല​യി​ൽ ഈ ​ത​ര​ത്തി​ൽ കെ​ണി​ക​ൾ ഉ​പ​യോ​ഗി​ച്ചും സ്‌​ഫോ​ട​ക വ​സ്തു​ക്ക​ൾ ഉ​പ​യോ​ഗി​ച്ചും വ​ന്യ​മൃ​ഗ​ങ്ങ​ളെ കൊ​ന്ന സം​ഭ​വ​ത്തി​ൽ നി​ര​വ​ധി കേ​സു​ക​ൾ വി​വി​ധ ഫോ​റ​സ്റ്റ് സ്റ്റേ​ഷ​നു​ക​ളി​ലാ​യി ര​ജി​സ്റ്റ​ർ ചെ​യ്യ​പ്പെ​ട്ടി​ട്ടു​ണ്ട്. മൃ​ഗ​ങ്ങ​ളെ വി​ഷം വെ​ച്ച് കൊ​ല്ലു​ന്ന സം​ഭ​വ​ങ്ങ​ളും വ്യാ​പ​ക​മാ​കു​ന്നു​ണ്ട​ത്രേ.