കിഴക്കുപുറത്തെ ഭീതിയിലാക്കി കാട്ടുപോത്തുകൾ ; അ​ഞ്ച്​ കാ​ട്ടുപോ​ത്തു​ക​ളാ​ണ് ജ​ന​വാ​സ​ മേ​ഖ​ല​യി​ൽ ഇ​റ​ങ്ങി​യ​ത്

കോ​ന്നി: കി​ഴ​ക്കു​പു​റ​ത്തെ ജ​ന​വാ​സ മേ​ഖ​ല​യി​ൽ കാ​ട്ടു​പോ​ത്തു​ക​ളി​റ​ങ്ങി. ഞാ​യ​റാ​ഴ്ച രാ​വി​ലെ 10നാ​ണ് കി​ഴ​ക്കു​റം വാ​യ​ന​ശാ​ല ജ​ങ്​​ഷ​ന് സ​മീ​പ​ത്തെ സ്ഥ​ല​ത്ത് വീ​ട്ട​മ്മ കാ​ട്ടു​പോ​ത്തു​ക​ളെ കാ​ണു​ന്ന​ത്. കു​റെ ദി​വ​സ​ങ്ങ​ളാ​യി കി​ഴ​ക്കു​പു​റം പൊ​ലി​മ​ല ഭാ​ഗ​ത്ത് കാ​ട്ടു​പോ​ത്തു​ക​ളു​ടെ സാ​ന്നി​ധ്യം ഉ​ള്ള​താ​യി നാ​ട്ടു​കാ​ർ പ​റ​യു​ന്നു. അ​ഞ്ച്​ കാ​ട്ടു​പോ​ത്തു​ക​ളാ​ണ് ജ​ന​വാ​സ​മേ​ഖ​ല​യി​ൽ ഇ​റ​ങ്ങി​യ​ത്.

കോ​ന്നി​യി​ൽ​നി​ന്നെ​ത്തി​യ വ​നം വ​കു​പ്പി​ന്റെ സ്ട്രൈ​ക്കി​ങ്​ ഫോ​ഴ്സ് പ​ട​ക്കം പൊ​ട്ടി​ച്ചും ബ​ഹ​ളം വെ​ച്ചും കാ​ട്ടു​പോ​ത്തു​ക​ളെ പ്ര​ദേ​ശ​ത്തു​നി​ന്ന് തു​രു​ത്തി​യെ​ങ്കി​ലും ഇ​വ കി​ഴ​ക്കു​പു​റം എ​സ്.​എ​ൻ.​ഡി.​പി യോ​ഗം കോ​ള​ജി​ന്റെ സ​മീ​പ​ത്തു​കൂ​ടി ഹാ​രി​സ​ൺ മ​ല​യാ​ളം പ്ലാ​ന്റേ​ഷ​ന്റെ ചെ​ങ്ങ​റ തോ​ട്ട​ത്തി​ലേ​ക്ക് പ്ര​വേ​ശി​ച്ചു. മാ​സ​ങ്ങ​ളാ​യി തോ​ട്ട​ത്തി​ലെ പ്ലാ​ൻ​കാ​ട് മ​ല​നി​ര​ക​ളി​ൽ കാ​ട്ടു​പോ​ത്തു​ക​ളു​ടെ സാ​ന്നി​ധ്യം ഉ​ള്ള​താ​യി നാ​ട്ടു​കാ​രും തോ​ട്ടം തൊ​ഴി​ലാ​ളി​ക​ളും പ​റ​യു​ന്നു. റാ​ന്നി വ​നം ഡി​വി​ഷ​നി​ലെ വ​ട​ശ്ശേ​രി​ക്ക​ര റേ​ഞ്ചി​ൽ​പെ​ട്ട വ​ന​മേ​ഖ​ല ചെ​ങ്ങ​റ ത്തോ​ട്ട​വു​മാ​യി ക​ട​വു​പു​ഴ​യി​ൽ അ​തി​ർ​ത്തി പ​ങ്കി​ടു​ന്നു​ണ്ട്.

ക​ട​വു​പു​ഴ വ​ന​ത്തി​ൽ​നി​ന്ന്​ ക​ല്ലാ​ർ മു​റി​ച്ച് ക​ട​ന്ന് റ​ബ​ർ തോ​ട്ട​ത്തി​ലൂ​ടെ വ​രു​ന്ന കാ​ട്ടു​പോ​ത്തു​ക​ളാ​ണ് കി​ഴ​ക്കു​പു​റ​ത്തെ ജ​ന​വാ​സ മേ​ഖ​ല​യി​ൽ പ്ര​വേ​ശി​ച്ച​ത്. പ്ര​ദേ​ശ​ത്തെ ജ​ന​വാ​സ മേ​ഖ​ല​യി​ൽ കാ​ട്ടു​പോ​ത്തു​ക​ളു​ടെ സാ​ന്നി​ധ്യം പ​തി​വാ​കു​ന്ന​തി​നാ​ൽ നാ​ട്ടു​കാ​രും പു​ല​ർ​ച്ച റ​ബ​ർ ടാ​പ്പി​ങ്ങി​ന് ഇ​റ​ങ്ങു​ന്ന തോ​ട്ടം തൊ​ഴി​ലാ​ളി​ക​ളും ഭ​യ​പ്പാ​ടി​ലാ​ണ്.