കോന്നി കെ.​എ​സ്.​ആ​ർ.​ടി.​സി ഡിപ്പോയിൽ വഴി തർക്കം; പ​ഞ്ചാ​യ​ത്തി​ന്‍റെ എം.​സി.​എ​ഫ് നി​ർ​മാ​ണം തടഞ്ഞു

കോ​ന്നി: നി​ർ​മാ​ണം പു​രോ​ഗ​മി​ക്കു​ന്ന കോ​ന്നി കെ.​എ​സ്.​ആ​ർ.​ടി.​സി ഡി​പ്പോ​യു​ടെ വ​ഴി​ക്കാ​യി ക​ണ്ടു​വെ​ച്ച സ്ഥ​ല​ത്ത് പ​ഞ്ചാ​യ​ത്ത് എം.​സി.​എ​ഫ് നി​ർ​മാ​ണം തു​ട​ങ്ങി​യ​ത് നി​ർ​ത്തി​വെ​ച്ചു. ക​ഴി​ഞ്ഞ ദി​വ​സ​മാ​ണ് നി​ർ​മാ​ണ​ത്തി​ലി​രി​ക്കു​ന്ന കോ​ന്നി കെ.​എ​സ്.​ആ​ർ.​ടി.​സി ഡി​പ്പോ​ക്ക് ബ​സു​ക​ൾ പു​റ​ത്തേ​ക്ക് ക​ട​ക്കാ​നു​ള്ള വ​ഴി​യ​ട​ച്ച് കോ​ന്നി ഗ്രാ​മ പ​ഞ്ചാ​യ​ത്ത് എം.​സി.​എ​ഫ് നി​ർ​മാ​ണം ആ​രം​ഭി​ച്ച​ത്. ഇ​തി​നാ​യി വ​ഴി​യ​ട​ച്ച് കു​റ്റി സ്ഥാ​പി​ക്കു​ക​യും ചെ​യ്തു. എ​ന്നാ​ൽ, കോ​ന്നി എം.​എ​ൽ.​എ കെ.​യു. ജ​നീ​ഷ് കു​മാ​ർ വി​ഷ​യ​ത്തി​ൽ ഇ​ട​പെ​ടു​ക​യും എ.​ഡി.​എം, റ​വ​ന്യൂ ഉ​ദ്യോ​ഗ​സ്ഥ​ർ, കെ.​എ​സ്.​ആ​ർ.​ടി.​സി ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രെ വി​വ​രം അ​റി​യി​ക്കു​ക​യും ഇ​വ​ർ സ്ഥ​ല​ത്ത് എ​ത്തി പ​രി​ശോ​ധ​ന ന​ട​ത്തു​ക​യും ചെ​യ്തു. നാ​രാ​യ​ണ​പു​രം ച​ന്ത​യോ​ട് ചേ​ർ​ന്ന് കെ.​എ​സ്.​ആ​ർ.​ടി.​സി​ക്ക്‌ വി​ട്ടു​ന​ൽ​കി​യ ര​ണ്ട​ര ഏ​ക്ക​ർ സ്ഥ​ല​ത്തി​ന് അ​ടു​ത്ത​യാ​ണ് ഈ ​വ​ഴി​യു​ള്ള​ത്. കെ.​എ​സ്.​ആ​ർ.​ടി.​സി ഡി​പ്പോ നി​ർ​മാ​ണം ന​ട​ക്കു​ന്ന കാ​ല​യ​ള​വി​ൽ ത​ന്നെ ഈ ​വ​ഴി കെ.​എ​സ്.​ആ​ർ.​ടി.​സി ബ​സു​ക​ൾ​ക്ക് ഡി​പ്പോ​യി​ൽ​നി​ന്ന് പു​റ​ത്തേ​ക്ക് ക​ട​ക്കു​ന്ന​തി​നാ​യി ഉ​ള്ള​തെ​ന്ന് ഉ​റ​പ്പി​ച്ച​തു​മാ​ണ്. ഈ ​സ്ഥ​ല​ത്താ​ണ് കോ​ന്നി പ​ഞ്ചാ​യ​ത്ത്‌ അ​ധി​കൃ​ത​ർ എം.​സി.​എ​ഫ് നി​ർ​മാ​ണം ന​ട​ത്താ​ൻ കു​റ്റി നാ​ട്ടി​യ​ത്. എ​ന്നാ​ൽ, റ​വ​ന്യുൂ​സ​ർ​വേ വി​ഭാ​ഗം വ​ഴി അ​ള​ന്നു തി​ട്ട​പ്പെ​ടു​ത്തി​യ ശേ​ഷം മാ​ത്രം നി​ർ​മാ​ണം ന​ട​ത്തി​യാ​ൽ മ​തി എ​ന്ന തീ​രു​മാ​ന​ത്തി​ൽ നി​ർ​ത്തു​ക​യാ​യി​രു​ന്നു. വി.​എ​സ്. വ​കു​മാ​ർ ഗ​താ​ഗ​ത മ​ന്ത്രി​യാ​യി​രി​ക്കു​മ്പോ​ൾ അ​നു​വ​ദി​ച്ച കോ​ന്നി കെ.​എ​സ്.​ആ​ർ.​ടി.​സി ഡി​പ്പോ​ക്ക്​​ബ​സു​ക​ൾ പ്ര​ധാ​ന റോ​ഡി​ലൂ​ടെ ഡി​പ്പോ​യി​ലെ​ത്തി തി​രി​കെ നാ​രാ​യ​ണ​പു​രം ച​ന്ത റോ​ഡ് വ​ഴി സം​സ്ഥാ​ന പാ​ത​യി​ൽ എ​ത്തു​ന്ന രീ​തി​യി​ലാ​ണ് അ​ന്ന് റോ​ഡ് വി​ഭാ​വ​നം ചെ​യ്ത​ത്.