പ്ലാ​സ്റ്റി​ക് മാ​ലി​ന്യം കു​മി​ഞ്ഞ്​ കുട്ടവഞ്ചി സവാരികേന്ദ്രം

കോ​ന്നി: ആ​രോ​ഗ്യ​വ​കു​പ്പ് നോ​ട്ടീ​സ് ന​ൽ​കി​യി​ട്ടും അ​ട​വി കു​ട്ട​വ​ഞ്ചി സ​വാ​രി കേ​ന്ദ്ര​ത്തി​ൽ സ​ഞ്ചാ​രി​ക​ൾ ഉ​പേ​ക്ഷി​ക്കു​ന്ന പ്ലാ​സ്റ്റി​ക് മാ​ലി​ന്യം നീ​ക്കം​ചെ​യ്യാ​തെ വ​നം വ​കു​പ്പ്.

കേ​ന്ദ്ര​ത്തി​ലെ പാ​ർ​ക്കി​ങ്​ ഗ്രൗ​ണ്ടി​ലാ​ണ് പ്ലാ​സ്റ്റി​ക് മാ​ലി​ന്യം പ്ര​ത്യേ​കം ഒ​രു​ക്കി​യ സ്ഥ​ല​ത്ത് ഇ​ട്ടി​രി​ക്കു​ന്ന​ത്. എ​ന്നാ​ൽ, നൂ​റു​ക​ണ​ക്കി​ന് ആ​ളു​ക​ൾ വ​രു​ന്ന സ​വാ​രി കേ​ന്ദ്ര​ത്തി​ൽ ഇ​വ യ​ഥാ​സ​മ​യം നീ​ക്കം ചെ​യ്യാ​തെ വ​ന്ന​തോ​ടെ കു​ന്നു​കൂ​ടി.

മു​മ്പ്​ ത​ൽ​ക്കാ​ലി​ക​മാ​യി സ്ഥാ​പി​ച്ച മാ​ലി​ന്യം ശേ​ഖ​രി​ക്കു​ന്ന പെ​ട്ടി​യി​ലും മാ​ലി​ന്യ​വും നീ​ക്കി​യി​ട്ടി​ല്ല. ഇ​പ്പോ​ൾ ഇ​ത്​ കാ​ടു​ക​യ​റി കി​ട​ക്കു​ന്ന അ​വ​സ്ഥ​യാ​ണ്. ഭ​ക്ഷ്യാ​വ​ശി​ഷ്ട​ങ്ങ​ൾ ഉ​ൾ​പ്പെ​ടെ കു​ന്നു​കൂ​ടി​യ​പ്പോ​ൾ കു​ര​ങ്ങ് അ​ട​ക്ക​മു​ള്ള വ​ന്യ​ജീ​വി​ക​ളു​ടെ ശ​ല്യ​വും വ​ർ​ധി​ച്ചു. പ്ലാ​സ്റ്റി​ക് മാ​ലി​ന്യം കു​ര​ങ്ങു​ക​ൾ ഭ​ക്ഷി​ക്കു​ന്ന​ത് പ​തി​വാ​യി​മാ​റി. അ​ട​വി​യി​ൽ പ്ലാ​സ്റ്റി​ക് മാ​ലി​ന്യം നീ​ക്കം ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് ത​ണ്ണി​ത്തോ​ട് ആ​രോ​ഗ്യ​വ​കു​പ്പ് അ​ധി​കൃ​ത​ർ കോ​ന്നി ഫോ​റ​സ്റ്റ് റേ​ഞ്ച് ഓ​ഫി​സ​ർ​ക്ക് നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ, വ​നം വ​കു​പ്പി​ന്റെ ഭാ​ഗ​ത്തു​നി​ന്നും മ​റു​പ​ടി ല​ഭി​ച്ച​തു​മി​ല്ല. കൂ​ടാ​തെ ഇ​വി​ടെ​യു​ള്ള ബ​യോ ഗ്യാ​സ് ടാ​ങ്കി​ന് മൂ​ടി​യും ഇ​ല്ലെ​ന്നും ആ​ക്ഷേ​പ​മു​ണ്ട്. വി​നോ​ദ സ​ഞ്ചാ​രി​ക​ൾ വ​ന​ത്തി​ലേ​ക്ക് പ്ലാ​സ്റ്റി​ക് മാ​ലി​ന്യം ക​ള​യു​ന്ന​ത് ത​ട​യു​ന്ന​തി​നും വ​നം വ​കു​പ്പ് ന​ട​പ​ടി സ്വീ​ക​രി​ക്കു​ന്നി​ല്ല.

തുഴച്ചിലുകാരൻ കുട്ടവഞ്ചി ഉപേക്ഷിച്ചുപോയി

കോ​ന്നി : അ​ട​വി കു​ട്ട​വ​ഞ്ചി സ​വാ​രി കേ​ന്ദ്ര​ത്തി​ലെ കു​ട്ട​വ​ഞ്ചി​ക​ളി​ൽ ഒ​ന്ന് തു​ഴ​ച്ചി​ലു​കാ​ര​ൻ ഉ​പേ​ക്ഷി​ച്ചു​പോ​യ​താ​യി പ​രാ​തി. ക​ഴി​ഞ്ഞ ദി​വ​സ​മാ​ണ് സം​ഭ​വം. തു​ഴ​ച്ചി​ൽ അ​വ​സാ​നി​ച്ച ശേ​ഷം കു​ട്ട​വ​ഞ്ചി​ക​ൾ തൊ​ഴി​ലാ​ളി​ക​ൾ ത​ന്നെ തി​രി​കെ യ​ഥാ​സ്ഥാ​ന​ത്ത് വെ​ക്കു​ന്ന​താ​ണ് പ​തി​വ്. എ​ന്നാ​ൽ, ക​ഴി​ഞ്ഞ ദി​വ​സം ഒ​രു കു​ട്ട​വ​ഞ്ചി മാ​ത്രം ന​ദി​യി​ൽ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. സ​വാ​രി അ​വ​സാ​നി​ച്ച ശേ​ഷം രാ​ത്രി​യി​ൽ എ​ത്തി​യ വാ​ച്ച​ർ ജോ​ലി​ക്കാ​രാ​ണ് വ​ഞ്ചി ഉ​പേ​ക്ഷി​ച്ച നി​ല​യി​ൽ ക​ണ്ട​താ​യി വ​നം വ​കു​പ്പ് അ​ധി​കൃ​ത​രെ വി​വ​രം അ​റി​യി​ക്കു​ന്ന​ത്.

തു​ട​ർ​ന്ന് എ​ലി​മു​ള്ളും​പ്ലാ​ക്ക​ൽ വ​ന സം​ര​ക്ഷ​ണ സ​മി​തി​യു​ടെ ആ​ളു​ക​ൾ ചേ​ർ​ന്ന് രാ​ത്രി കു​ട്ട​വ​ഞ്ചി സ​വാ​രി കേ​ന്ദ്ര​ത്തി​ൽ എ​ത്തു​ക​യും വ​ഞ്ചി ന​ദി​യി​ൽ​നി​ന്ന്​ എ​ടു​ക്കു​ക​യു​മാ​യി​രു​ന്നു. വ​ഞ്ചി ഉ​പേ​ക്ഷി​ച്ചു​പോ​യ തു​ഴ​ച്ചി​ലു​കാ​ര​നെ​തി​രെ വ​നം വ​കു​പ്പ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ക​ർ​ണാ​ട​ക​യി​ലെ ഹൊ​ഗ​ന​ക്ക​ലി​ൽ​നി​ന്ന്​ എ​ത്തി​ച്ച​താ​ണ്​ ഇ​വ.

അടവിയിൽ വരുമാനം ലക്ഷങ്ങൾ; സെപ്റ്റിക്​ ടാങ്ക് നന്നാക്കാൻ പണമില്ല

കോ​ന്നി: അ​ട​വി കു​ട്ട​വ​ഞ്ചി സ​വാ​രി കേ​ന്ദ്ര​ത്തി​ൽ ശൗ​ചാ​ല​യ മാ​ലി​ന്യം പൊ​ട്ടി ഒ​ഴു​കു​വാ​ൻ തു​ട​ങ്ങി​യി​ട്ട് ഒ​രു മാ​സ​ത്തോ​ളം ക​ഴി​ഞ്ഞി​ട്ടും ന​ട​പ​ടി സ്വീ​ക​രി​ക്കാ​തെ അ​ധി​കൃ​ത​ർ. പ​ഴ​യ ശു​ചി​മു​റി​യി​ൽ നി​ന്നു​മാ​ണ് മാ​ലി​ന്യം ഒ​ഴു​കു​ന്ന​ത്. മാ​ലി​ന്യം ഒ​ഴു​കു​വാ​ൻ തു​ട​ങ്ങി​യി​ട്ട് മാ​സ​ങ്ങ​ൾ ക​ഴി​ഞ്ഞി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ച്ചി​ട്ടി​ല്ല.

മു​മ്പ്​ സെ​പ്റ്റി​ക് ടാ​ങ്ക് നി​ർ​മി​ച്ച​പ്പോ​ൾ ചെ​റി​യ ടാ​ങ്കാ​ണ് നി​ർ​മി​ച്ച​തെ​ന്നും പ​രാ​തി​യു​ണ്ട്. ഓ​ണ​നാ​ളു​ക​ളി​ൽ നി​ര​വ​ധി വി​നോ​ദ​സ​ഞ്ചാ​രി​ക​ൾ വ​ന്നു​പോ​യ സ്ഥ​ല​മാ​ണ് അ​ട​വി കു​ട്ട​വ​ഞ്ചി സ​വാ​രി കേ​ന്ദ്രം. ഇ​തി​ന്‍റെ ടി​ക്ക​റ്റ് കൗ​ണ്ട​റി​ന് സ​മീ​പ​മാ​ണ് പൊ​ട്ടി​യൊ​ഴു​കു​ന്ന ടാ​ങ്കു​ള്ള​ത്. ഇ​ട​ക്കി​ടെ മ​ഴ പെ​യ്യു​ന്ന​തി​നാ​ൽ മാ​ലി​ന്യം ക​ല്ലാ​റി​ൽ പ​തി​ക്കു​ന്ന​തി​നു​ള്ള സാ​ധ്യ​ത​യും കൂ​ടു​ത​ലാ​ണ്. ബ​ന്ധ​പ്പെ​ട്ട വ​നം വ​കു​പ്പ് അ​ധി​കൃ​ത​ർ ഈ ​വി​ഷ​യ​ത്തി​ൽ അ​ടി​യ​ന്ത​ര ഇ​ട​പെ​ട​ൽ ന​ട​ത്ത​ണ​മെ​ന്നും ആ​വ​ശ്യ​മു​യ​രു​ന്നു.