സിഗ്നൽ ലൈറ്റില്ല, സീ​ബ്രാലൈൻ മാഞ്ഞു; സം​സ്ഥാ​ന പാ​തയിൽ അപകടം പതിവ്​

കോ​ന്നി: പു​ന​ലൂ​ർ-മൂ​വാ​റ്റു​പു​ഴ സം​സ്ഥാ​ന പാ​ത​യു​ടെ നി​ർ​മാ​ണം പൂ​ർ​ത്തി​യാ​യ ശേ​ഷ​വും പ്ര​ധാ​ന ജങ്​ഷ​നു​ക​ളി​ൽ സി​ഗ്ന​ൽ ലൈ​റ്റു​ക​ൾ സ്ഥാ​പി​ക്കാ​ത്ത​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു.

കു​മ്പ​ഴ മു​ത​ൽ ക​ല​ഞ്ഞൂ​ർ വ​രെ​യു​ള്ള കോ​ന്നി റീ​ച്ചി​ലെ നി​ര​വ​ധി സ്ഥ​ല​ങ്ങ​ളി​ലാ​ണ് സി​ഗ്‌​ന​ൽ ലൈ​റ്റു​ക​ൾ സ്ഥാ​പി​ക്കാ​ൻ ഉ​ള്ള​ത്.​ മ​ല്ലശ്ശേ​രി മു​ക്ക്, മാ​മ്മൂ​ട്, വ​ക​യാ​ർ, മു​റി​ഞ്ഞ​ക​ൽ, കൂ​ട​ൽ,ക​ല​ഞ്ഞൂ​ർ അ​ട​ക്ക​മു​ള്ള പ​ല​സ്ഥ​ല​ങ്ങ​ളി​ലും വാ​ഹ​നാ​പ​ക​ട​ങ്ങ​ൾ പ​തി​വാ​ക്കു​ക​യാ​ണ്. എ​ന്നാ​ൽ, ഈ ​സ്ഥ​ല​ങ്ങ​ളി​ൽ ഒ​ന്നും അ​പ​ക​ട മു​ന്ന​റി​യി​പ്പ് ന​ൽ​കു​ന്ന സി​ഗ്ന​ൽ ലൈ​റ്റു​ക​ൾ നി​ർ​മാ​ണം ഏ​റ്റെ​ടു​ത്ത കെ.എ​സ്.ടി.​പി സ്ഥാ​പി​ച്ചി​ട്ടി​ല്ല. മ​ല്ല​ശ്ശേരി മു​ക്ക് മു​ത​ൽ പു​ളി​മു​ക്ക് വ​രെ​യു​ള്ള ഭാ​ഗ​ങ്ങ​ളി​ൽ നി​ര​വ​ധി വാ​ഹ​നാ​പ​ക​ട​ങ്ങ​ൾ ന​ട​ക്കു​ക​യും പി​ഞ്ചു​കു​ഞ്ഞ​ട​ക്കം ഏ​ഴോ​ളം പേ​ർ മ​രി​ക്കു​ക​യും ചെ​യ്തു.

സം​സ്ഥാ​ന പാ​ത​യി​ൽ ഉ​ണ്ടാ​യ വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​റ്റ് ചി​കി​ത്സ​യി​ൽ ക​ഴി​യു​ന്ന​വ​രും അ​ന​വ​ധി​യാ​ണ്. ഇ​ട​റോ​ഡു​ക​ളി​ൽനി​ന്ന്​ പ്ര​ധാ​ന റോ​ഡി​ലേ​ക്ക് ക​ട​ക്കു​മ്പോ​ൾ ഉ​ണ്ടാ​കു​ന്ന അ​പ​ക​ട​ങ്ങളാ​ണ് കൂ​ടു​ത​ലും സം​സ്ഥാ​ന പാ​ത​യി​ൽ സം​ഭ​വി​ക്കു​ന്ന​ത്. അ​മി​ത വേ​ഗ​ത്തിലെത്തു​ന്ന വാ​ഹ​ന​ങ്ങ​ൾ തെ​ന്നി മ​റി​യു​ന്ന സം​ഭ​വ​ങ്ങ​ളും അ​ന​വ​ധി​യാ​ണ്. സം​സ്ഥാ​ന പാ​ത​യു​ടെ സ​മീ​പത്തെ പ്ര​ധാ​ന സ്‌​കൂ​ളു​ക​ൾ​ക്ക് മു​ന്നി​ൽപോ​ലും സി​ഗ്‌​ന​ൽ ലൈ​റ്റു​ക​ൾ സ്ഥാ​പി​ച്ചി​ട്ടി​ല്ല എ​ന്ന​താ​ണ് പ്ര​ധാ​ന കാ​ര്യം. അ​ധ്യ​യ​ന വ​ർ​ഷാ​രം​ഭത്തി​ൽ സ്‌​കൂ​ൾ കു​ട്ടി​ക​ൾ റോ​ഡ് മ​റി​ക​ട​ക്കു​ന്ന ഇ​ട​ങ്ങ​ളി​ൽ പൊ​ലീ​സ് സേ​വ​നം ല​ഭ്യ​മാ​യി​രു​ന്നെ​ങ്കി​ലും ഇ​പ്പോ​ൾ അ​തു​മി​ല്ല. സ്‌​കൂ​ൾ അ​ധി​കൃ​ത​ർ ത​ന്നെ കു​ട്ടി​ക​ളെ റോ​ഡ് മു​റി​ച്ചു ക​ട​ത്തു​ക​യോ അ​ല്ലെ​ങ്കി​ൽ കു​ട്ടി​ക​ൾ ത​ന്നെ റോ​ഡ് മു​റി​ച്ചു​ക​ട​ക്കു​ന്ന​തോ ആ​ണ് ഇ​പ്പോ​ഴ​ത്തെ ​സ്ഥി​തി. മു​മ്പ്​ സ്ഥാ​പി​ച്ച സീ​ബ്രാ ക്രോ​സിങ്​ ലൈ​നു​ക​ളും കു​റ​ഞ്ഞ കാ​ല​യ​ള​വി​നു​ള്ളി​ൽ മാ​ഞ്ഞു തു​ട​ങ്ങി​യി​ട്ടു​ണ്ട്. രാ​ത്രി​ യാ​ത്ര​ക്കാരാ​ണ് ഏ​റ്റ​വും കൂ​ടു​ത​ൽ ഇ​തു​മൂ​ലം ബു​ദ്ധി​മു​ട്ടു​ന്ന​ത്.

ദൂ​രെ നി​ന്നും വ​രു​ന്ന വാ​ഹ​ന ഡ്രൈ​വ​ർ​മാ​ർ​ക്ക് സി​ഗ്‌​ന​ൽ ലൈ​റ്റു​ക​ൾ ഇ​ല്ലാ​ത്ത​തി​നാ​ൽ വ​ള​വു​ക​ൾ പോ​ലും തി​രി​ച്ച​റി​യാ​ൻ സാ​ധി​ക്കാ​ത്ത അ​വ​സ്ഥ​യാ​ണ് നി​ല​വി​ലു​ള്ള​ത്. ക​ഴി​ഞ്ഞ ദി​വ​സം ചേ​ർ​ന്ന കോ​ന്നി താ​ലൂ​ക്ക് വി​ക​സ​ന സ​മി​തി​യി​ലും ഈ ​വി​ഷ​യം ച​ർ​ച്ച ചെ​യ്യ​പ്പെ​ട്ടി​രു​ന്നു.