സംസ്ഥാന പാത ഇടിഞ്ഞുതാഴുന്നു; തിരിഞ്ഞുനോക്കാതെ അധികൃതർ
text_fieldsറോഡ് ഇടിഞ്ഞുതാഴ്ന്ന മുറിഞ്ഞകല്ല് ഭാഗം
കോന്നി : പുനലൂർ- മൂവാറ്റുപുഴ സംസ്ഥാന പാതയിൽ മുറിഞ്ഞകല്ലിനും തിനവിള പടിക്കും ഇടയിൽ പൈപ്പ് ലൈൻ പൊട്ടിയതിനെ തുടർന്ന് റോഡ് ഇടിഞ്ഞ് താഴ്ന്നിട്ടും പുന:സ്ഥാപിക്കാൻ നടപടിയില്ല. രണ്ടാഴ്ചയോളം ആയി റോഡ് ഇടിഞ്ഞ് താഴ്ന്നിട്ട്. പൈപ്പ് പൊട്ടി റോഡിലൂടെയാണ് വെള്ളം ഒഴുകുന്നത്. റോഡിൽ ഗർത്തം രൂപപെട്ടിട്ടും അധികൃതരുടെ ഭാഗത്ത് നിന്നും യാതൊരു പ്രതികരണവും ഇല്ല. ഈ ഭാഗത്തെ രണ്ടാംഘട്ട ടാറിങ് പൂർത്തിയായിട്ട് കുറച്ച് നാളുകൾ മാത്രമേ ആയിട്ടുള്ളു.
ഈ റോഡ് താഴ്ന്നത് അയ്യപ്പഭക്തർക്കും ഇരുചക്ര വാഹന യാത്രക്കാർക്കും വലിയ ഭീഷണിയാകുന്നുണ്ട്. റോഡ് ടാറിങ് കഴിഞ്ഞതിനാൽ ദൂരെനിന്നും വേഗത്തിൽ വരുന്ന ഇരുചക്ര വാഹനയാത്രക്കാർ കുഴിയിൽ വീണ് അപകടം സംഭവിക്കുന്നതിനുള്ള സാധ്യത ഏറെയാണ്. ഈ നില തുടർന്നാൽ ടാറിങ് ഇളകിമാറി ഇവിടെ വലിയ ഗർത്തം രൂപപ്പെടുന്നതിന് കാരണമാകും. മാത്രമല്ല, ഭാരം കയറ്റിയ നിരവധി വാഹനങ്ങളാണ് ദിവസേന ഇതുവഴി സഞ്ചരിക്കുന്നത്. വിഷയത്തിൽ അടിയന്തിര പരിഹാരം കാണണമെന്നും ആവശ്യമുയരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.