സി.പി.എം നേതാക്കളുടെ ഭീഷണി; പെട്രോൾ പമ്പ് പത്തു മണിക്കൂറിലേറെ അടച്ചിട്ടു

കോ​ന്നി: സി.​പി.​എം.​നേ​താ​ക്ക​ളു​ടെ ഭീ​ഷ​ണി​യെത്തുട​ർ​ന്ന് ത​ണ്ണി​തോ​ട്ടി​ലെ പെ​ട്രോ​ൾ പ​മ്പ്​ പ​ത്ത് മ​ണി​ക്കൂ​റി​ലേ​റെ അ​ട​ച്ചി​ട്ടു. പി​ന്നീ​ട് ഇ​ന്ന​ലെ രാ​വി​ലെ 11ഓ​ടെ ജ​ന​ങ്ങ​ളു​ടെ വ​ലി​യ സ​മ്മ​ർ​ദ​ത്തെ തു​ട​ർ​ന്നാ​ണ് പ​മ്പ് തു​റ​ന്ന​ത്. കു​റെ​ക്കാ​ല​മാ​യി പ​മ്പ് പൂ​ട്ടി​ക്കാ​ൻ സി.​പി.​എം പ്രാ​ദേ​ശി​ക നേ​താ​ക്ക​ൾ ശ്ര​മം ന​ട​ത്തു​ന്ന​താ​യാ​ണ്​ ഉ​ട​മ​യു​ടെ പ​രാ​തി. പ​മ്പി​ന്‍റെ മു​ന്നി​ലൂ​ടെ കാ​വ് ജം​ഗ്ഷ​ൻ ഭാ​ഗ​ത്തേ​ക്ക് പു​തി​യ​താ​യി ഓ​ട​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ന്നു വ​രി​ക​യാ​ണ്.

പെ​ട്രോ​ൾ പ​മ്പി​ലേ​ക്ക് വ​ലി​യ വാ​ഹ​ന​ങ്ങ​ൾ വ​രു​ന്ന​തി​നാ​ൽ ഭാ​രം താ​ങ്ങാ​ൻ ക​ഴി​യു​ന്ന സ്ലാ​ബു​ക​ൾ സ്ഥാ​പി​ക്ക​ണ​മെ​ന്നും ഇ​ത് പ​മ്പ് ഉ​ട​മ സ്ഥാ​പി​ക്കാ​മെ​ന്നും പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​ത്തെ അ​റി​യി​ക്കു​ക​യും അ​വ​ർ അ​നു​മ​തി ന​ൽ​കു​ക​യും ചെ​യ്തു. എ​ന്നാ​ൽ നി​ർ​മാ​ണ പ്ര​വൃ​ത്തി​ക​ൾ ന​ട​ക്കു​ന്ന​തി​നി​ടെ പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​ത്തി​ന് നി​ർ​മാ​ണ​ത്തി​ൽ കൈ​യേ​റ്റം ന​ട​ക്കു​ന്നു​ണ്ടെ​ന്ന് പ​രാ​തി ല​ഭി​ക്കു​ക​യും നി​ർ​ത്തി വെ​ക്കാ​ൻ ഉ​ത്ത​ര​വ് ഇ​ടു​ക​യു​മാ​യി​രു​ന്നു. ചി​ല സി.​പി.​എം പ്രാ​ദേ​ശി​ക നേ​താ​ക്ക​ളു​ടെ ഇ​ട​പെ​ട​ൽ മൂ​ല​മാ​ണ് സ്റ്റോ​പ്പ്‌ മെ​മ്മോ ന​ൽ​കി​യ​ത് എ​ന്ന് പ​മ്പ് ഉ​ട​മ ആ​രോ​പി​ക്കു​ന്നു. സം​ഭ​വ​ത്തി​ൽ പ്ര​തി​ഷേ​ധി​ച്ച് പ​മ്പ് ഉ​ട​മ പെ​ട്രോ​ൾ പ​മ്പ് അ​ട​ച്ചി​ടു​ക​യും ചെ​യ്തു.

ത​ണ്ണി​ത്തോ​ട്ടി​ലെ സി.​പി.​എം പ്രാ​ദേ​ശി​ക നേ​തൃ​ത്വം കാ​ല​ങ്ങ​ളാ​യി ത​ന്നെ ഉ​പ​ദ്ര​വി​ക്കു​ക​യാ​ണെ​ന്നും സി .​പി .എം ​മു​ൻ ലോ​ക്ക​ൽ സെ​ക്ര​ട്ട​റി പ്ര​വീ​ൺ പ്ര​സാ​ദ്, ലോ​ക്ക​ൽ സെ​ക്ര​ട്ട​റി സു​ഭാ​ഷ്, ലോ​ക്ക​ൽ ക​മ്മ​റ്റി അം​ഗം അ​ജീ​ഷ് തു​ട​ങ്ങി​യ​വ​ർ സ്ഥി​ര​മാ​യി ഭീ​ഷ​ണി​പ്പെ​ടു​ത്തു​ക​യും ചെ​യ്യു​ന്ന​താ​യി കാ​ണി​ച്ച്​ വി​ഡി​യോ​യും ശ​ബ്ദ സ​ന്ദേ​ശം പ്ര​ച​രി​പ്പി​ക്കു​ക​യും ചെ​യ്തു. തു​ട​ർ​ന്ന് സി.​പി.​എം നേ​താ​ക്ക​ൾ​ക്ക് എ​തി​രെ നാ​ട്ടു​കാ​ർ ക​ടു​ത്ത പ്ര​തി​ഷേ​ധ​മു​യ​ർ​ത്തി രം​ഗ​ത്ത്​ വ​ന്നു. ത​ണ്ണി​ത്തോ​ട്ടി​ൽ മ​റ്റ് പ​മ്പു​ക​ൾ ഒ​ന്നും ഇ​ല്ലാ​തെ ഇ​രു​ന്ന സ​മ​യ​ത്താ​ണ് ചി​റ്റാ​ർ സ്വ​ദേ​ശി​മ ത​ണ്ണി​ത്തോ​ട്ടി​ൽ പെ​ട്രോ​ൾ പ​മ്പ് പ്ര​വ​ർ​ത്ത​നം ആ​രം​ഭി​ക്കു​ന്ന​ത്. ഇ​ത്ത​ര​ത്തി​ൽ ഉ​ള്ള പ​മ്പ് പൂ​ട്ടി​ക്കാ​ൻ ഇ​വ​ർ ന​ട​ത്തു​ന്ന ശ്ര​മ​മാ​ണ് ഇ​തെ​ന്നും പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.