ഇക്കോ ടൂറിസം കേന്ദ്രങ്ങളിൽ ടിക്കറ്റ് നിരക്ക് വർധിപ്പിക്കുന്നു

കോ​ന്നി:​ സ​ർ​ക്കാ​ർ നി​ർ​ദേ​ശ പ്ര​കാ​രം ഇ​ക്കോ ടൂ​റി​സം കേ​ന്ദ്ര​ങ്ങ​ളി​ൽ ജി.​എ​സ്.​ടി.​സം​വി​ധാ​നം വ​രു​ന്ന​തോ​ടെ ടി​ക്ക​റ്റ് ഉ​ൾ​പ്പ​ടെ എ​ല്ലാ ഇ​ട​പാ​ടു​ക​ൾ​ക്കും ഇ​ര​ട്ടി വ​ർ​ധ​ന​വ്.

ജി.​എ​സ്.​ടി. സം​വി​ധാ​നം വ​ന്ന​തോ​ടെ വ്യാ​ഴാ​ഴ്ച മു​ത​ൽ ത​ന്നെ അ​ട​വി​യി​ൽ ടി​ക്ക​റ്റ് നി​ര​ക്ക് അ​ഞ്ഞൂ​റി​ൽ നി​ന്ന് അ​റു​നൂ​റാ​യി മാ​റി. കോ​ന്നി ഇ​ക്കോ ടൂ​റി​സ​ത്തി​ൽ ചൊ​വ്വാ​ഴ്ച മു​ത​ൽ ടി​ക്ക​റ്റ് നി​ര​ക്ക് വ​ർ​ധി​ക്കും. ഇ​ക്കോ​ടൂ​റി​സം കേ​ന്ദ്ര​ത്തി​ലെ ജി.​എ​സ്.​ടി സം​വി​ധാ​നം സ​ഞ്ചാ​രി​ക​ളെ​യും ഉ​ദ്യോ​ഗ​സ്ഥ​രെ​യും വ​ല​യ്​​ക്കു​ന്നു.

കേ​ര​ള​ത്തി​ലെ എ​ല്ലാ ഇ​ക്കോ ടൂ​റി​സം കേ​ന്ദ്ര​ങ്ങ​ളി​ലും ജി.​എ​സ്.​ടി വ​ർ​ധി​പ്പി​ക്കു​ന്ന​തി​ന്റെ ഭാ​ഗ​മാ​യാ​ണ് കോ​ന്നി​യി​ലും ന​ട​പ​ടി​യു​ണ്ടാ​യ​ത്. വ​ന​വി​കാ​സ് ഏ​ജ​ൻ​സി​യു​ടെ കീ​ഴി​ൽ ആ​ണ് അ​ട​വി ഇ​ക്കോ ടൂ​റി​സം കേ​ന്ദ്രം പ്ര​വ​ർ​ത്തി​ക്കു​ന്ന​ത്. കോ​ന്നി ഇ​ക്കോ ടൂ​റി​സം കേ​ന്ദ്ര​ത്തി​ൽ 18 ശ​ത​മാ​നം ശ​ത​മാ​നം ജി.​എ​സ്.​ടി വ​ർ​ധി​പ്പി​ക്കാ​ൻ ആ​ണ് തീ​രു​മാ​നം. കു​ട്ട​വ​ഞ്ചി സ​വാ​രി കേ​ന്ദ്ര​ത്തി​ൽ ജി.​എ​സ്.​ടി ന​ട​പ്പാ​ക്കി​യ​പ്പോ​ൾ കു​ട്ട​വ​ഞ്ചി സ​വാ​രി​ക്ക് ഹ്ര​സ്വ ദൂ​ര സ​വാ​രി​ക്ക് 500 രൂ​പ ആ​യി​രു​ന്ന​ത് 600 രൂ​പ​യാ​ക്കി ഉ​യ​ർ​ത്തി.

പ​ര​മാ​വ​ധി നാ​ലു മു​തി​ർ​ന്ന​വ​ർ​ക്കും അ​ഞ്ചു​വ​യ​സി​ൽ താ​ഴെ​യു​ള്ള ഒ​രു കു​ട്ടി​ക്കും കു​ട്ട​വ​ഞ്ചി​യി​ൽ ഈ ​നി​ര​ക്കി​ൽ സ​വാ​രി ന​ട​ത്താം. മു​മ്പ്​ ഉ​ണ്ടാ​യി​രു​ന്ന ടി​ക്ക​റ്റി​ന്റെ മ​റു​പു​റ​ത്ത് സ​ഞ്ചാ​രി​ക​ൾ​ക്ക് പാ​ലി​ക്കേ​ണ്ട നി​ബ​ന്ധ​ന​ക​ൾ ഉ​ണ്ടാ​യി​രു​ന്നു​വെ​ങ്കി​ൽ ഈ ​ടി​ക്ക​റ്റി​ൽ അ​ത് രേ​ഖ​പെ​ടു​ത്തി​യി​ട്ടി​ല്ല. അ​ടു​ത്തി​ടെ കോ​ന്നി ഇ​ക്കോ ടൂ​റി​സം കേ​ന്ദ്ര​ത്തി​ൽ ന​ട​ന്ന വ​ന​വി​കാ​സ് ഏ​ജ​ൻ​സി​യു​ടെ യോ​ഗ​ത്തി​ലും ടി​ക്ക​റ്റ് നി​ര​ക്ക് വ​ർ​ധി​പ്പി​ക്കു​ന്ന കാ​ര്യ​ത്തി​ൽ തീ​രു​മാ​നം ഉ​ണ്ടാ​യി​രു​ന്നി​ല്ല എ​ന്നും ആ​ക്ഷേ​പ​മു​ണ്ട്.