കെ.​യു.​ആ​ർ.​ടി.​സി വോ​ൾ​വോ ബ​സി​ന് തീപിടിച്ചു; അപകടം ട്രയൽ റണ്ണിനിടെ; യാത്രക്കാരില്ലാത്തതിനാൽ വൻ അപകടം ഒഴിവായി

പ​ത്ത​നം​തി​ട്ട: പ​ത്ത​നം​തി​ട്ട -മൈ​ല​പ്ര റോ​ഡി​ൽ ശ​ബ​രി​മ​ല ഇ​ട​ത്താ​വ​ള​ത്തി​ന് സ​മീ​പം കെ.​യു.​ആ​ർ.​ടി.​സി വോ​ൾ​വോ ബ​സി​ന്‍റെ എ​ൻ​ജി​ൻ ഭാ​ഗ​ത്ത് തീ​പി​ടി​ച്ചു. വെ​ള്ളി​യാ​ഴ്ച വൈ​കീ​ട്ട് 5.45നാ​യി​രു​ന്നു സം​ഭ​വം. അ​റ്റ​കു​റ്റ​പ്പ​ണി​ക്ക് ശേ​ഷം ബ​സി​ൽ യാ​ത്ര​ക്കാ​രി​ല്ലാ​തെ ട്ര​യ​ൽ റ​ൺ ന​ട​ത്തു​ന്ന​തി​നി​ടെ​യാ​ണ് തീ ​പി​ടി​ച്ച​ത്.

ബ​സ് ജീ​വ​ന​ക്കാ​ർ ഉ​ട​ൻ ബ​സി​ലു​ണ്ടാ​യി​രു​ന്ന എ​ക്സ്റ്റി​ൻ​ഗ്യു​ഷ​ർ ഉ​പ​യോ​ഗി​ച്ച് തീ ​കെ​ടു​ത്താ​ൻ ശ്ര​മി​ച്ചു. സ​മീ​പ​ത്തെ ക​ട​ക​ളി​ൽ നി​ന്നും ഉ​ട​ൻ ത​ന്നെ എ​ക്സ്റ്റി​ൻ​ഗ്യു​ഷ​റു​ക​ൾ എ​ത്തി​ച്ച് തീ ​അ​ണ​ച്ചു. വി​വ​രം അ​റി​ഞ്ഞ് പ​ത്ത​നം​തി​ട്ട അ​ഗ്നി ര​ക്ഷ നി​ല​യ​ത്തി​ൽ നി​ന്ന്​ ര​ണ്ട്​ യൂ​നി​റ്റ് സം​ഭ​വ സ്ഥ​ല​ത്തെ​ത്തു​ക​യും വെ​ള്ളം പ​മ്പ് ചെ​യ്ത് തീ ​പൂ​ർ​ണ​മാ​യും കെ​ടു​ത്തി അ​പ​ക​ട​നി​ല ഒ​ഴി​വാ​ക്കി. ര​ണ്ട്​ ബ​സ് ജീ​വ​ന​ക്കാ​ർ മാ​ത്ര​മേ ബ​സി​ൽ ഉ​ണ്ടാ​യി​രു​ന്നു​ള്ളൂ.