നിയമ സേവന അതോറിറ്റി അദാലത്​; 6380 കേസ്​ തീര്‍പ്പാക്കി

പ​ത്ത​നം​തി​ട്ട: ജി​ല്ല നി​യ​മ സേ​വ​ന അ​തോ​റി​റ്റി​യു​ടെ​യും വി​വി​ധ താ​ലൂ​ക്ക് ലീ​ഗ​ല്‍ സ​ര്‍വീ​സ് ക​മ്മി​റ്റി​ക​ളു​ടെ​യും നേ​തൃ​ത്വ​ത്തി​ല്‍ ന​ട​ന്ന ദേ​ശീ​യ ലോ​ക് അ​ദാ​ല​ത്തി​ല്‍ ജി​ല്ല​യി​ലെ വി​വി​ധ കോ​ട​തി​ക​ളി​ലാ​യി 6380 കേ​സു​ക​ള്‍ തീ​ര്‍പ്പാ​ക്കി. മ​ജി​സ്ട്രേ​റ്റ് കോ​ട​തി​യി​ല്‍ പി​ഴ ഒ​ടു​ക്കി​ത്തീ​ര്‍ക്കാ​വു​ന്ന​വ, എം.​എ.​സി.​റ്റി, ബാ​ങ്ക്, ആ​ര്‍.​ടി.​ഒ, ര​ജി​സ്ട്രേ​ഷ​ന്‍, ബി.​എ​സ്.​എ​ന്‍.​എ​ല്‍, സി​വി​ല്‍ വ്യ​വ​ഹാ​ര​ങ്ങ​ള്‍, കു​ടും​ബ ത​ര്‍ക്ക​ങ്ങ​ള്‍ മു​ത​ലാ​യ കേ​സു​ക​ളാ​ണ് അ​ദാ​ല​ത്തി​ല്‍ തീ​ര്‍പ്പാ​ക്കി​യ​ത്.

വി​വി​ധ കേ​സു​ക​ളി​ലാ​യി ഏ​ഴു കോ​ടി 51 ല​ക്ഷം രൂ​പ ന​ഷ്ട​പ​രി​ഹാ​ര​മാ​യി വി​ധി​ക്കു​ക​യും 39 ല​ക്ഷം രൂ​പ വി​വി​ധ ക്രി​മി​ന​ല്‍ കേ​സു​ക​ളി​ല്‍ പി​ഴ​യി​ന​ത്തി​ല്‍ ഈ​ടാ​ക്കു​ക​യും ചെ​യ്തു. ജി​ല്ല നി​യ​മ സേ​വ​ന അ​തോ​റി​റ്റി ചെ​യ​ര്‍മാ​നും ജി​ല്ല ജ​ഡ്ജി​യു​മാ​യ എ​ന്‍. ഹ​രി​കു​മാ​ര്‍, താ​ലൂ​ക്ക് നി​യ​മ സേ​വ​ന ക​മ്മി​റ്റി ചെ​യ​ര്‍മാ​നും അ​ഡീ. ജി​ല്ല ജ​ഡ്ജി​യു​മാ​യ എ​സ്. ജ​യ​കു​മാ​ര്‍ ജോ​ണ്‍, ജി​ല്ല നി​യ​മ സേ​വ​ന അ​തോ​റി​റ്റി സെ​ക്ര​ട്ട​റി​യും സ​ബ് ജ​ഡ്ജു​മാ​യ സി.​ആ​ര്‍. രാ​ജ​ശ്രീ എ​ന്നി​വ​ര്‍ അ​ദാ​ല​ത്തി​ന് നേ​തൃ​ത്വം ന​ല്‍കി. എം.​എ.​സി.​റ്റി ജ​ഡ്ജ് ജി.​പി. ജ​യ​കൃ​ഷ്ണ​ന്‍, ചീ​ഫ് ജു​ഡീ​ഷ്യ​ല്‍ മ​ജി​സ്ട്രേ​റ്റാ​യ ലൈ​ജു​മോ​ള്‍ ഷെ​രീ​ഫ്, ജു​ഡീ​ഷ്യ​ല്‍ ഫ​സ്റ്റ് ക്ലാ​സ് മ​ജി​സ്ട്രേ​റ്റു​മാ​രാ​യ വി. ​രാ​ജീ​വ്, കാ​ര്‍ത്തി​ക പ്ര​സാ​ദ് എ​ന്നി​വ​ര്‍ അ​ദാ​ല​ത്തി​ല്‍ പ​ങ്കെ​ടു​ത്ത് കേ​സു​ക​ള്‍ തീ​ര്‍പ്പാ​ക്കി.