ചിങ്ങപ്പുലരിയിൽ മണ്ണിലേക്ക്​ മടങ്ങാം

പ​ത്ത​നം​തി​ട്ട: ചി​ങ്ങ​പ്പു​ല​രി​യി​ൽ ജി​ല്ല​യി​ലെ 5568 ഇ​ട​ങ്ങ​ളി​ൽ പ​ച്ച​ക്ക​റി​കൃ​ഷി തു​ട​ങ്ങും. ജി​ല്ല​യി​ലെ 57 ത​ദ്ദേ​ശ സ്ഥാ​പ​ന​ങ്ങ​ളി​ലെ 928 വാ‌​ർ​ഡു​ക​ളി​ൽ ഓ​രോ വാ​ർ​ഡി​ലും ആ​റ് സ്ഥ​ല​ത്ത് കൃ​ഷി​യി​റ​ക്കും. വ്യ​ക്തി​ക​ൾ​ക്കും സം​ഘ​ങ്ങ​ൾ​ക്കും കൃ​ഷി​യി​റ​ക്കാം. വാ​ർ​ഡ്​ മെം​ബ​ർ​മാ​രാ​ണ് താ​ൽ​പ​ര്യ​മു​ള്ള​വ​രെ ക​ണ്ടെ​ത്തു​ന്ന​ത്. 20 ദി​വ​സ​മാ​യ പ​ച്ച​ക്ക​റി​ത്തൈ​ക​ളാ​ണ് കൃ​ഷി​യി​റ​ക്കാ​നാ​യി വ​കു​പ്പി​ന്റെ നേ​തൃ​ത്വ​ത്തി​ൽ ന​ൽ​കു​ന്ന​ത്.

പ​ദ്ധ​തി​​യു​ടെ ഭാ​ഗ​മാ​യി ഗ്രാ​മ​പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലു​മു​ള്ള വി​പ​ണ​ന കേ​ന്ദ്ര​ങ്ങ​ൾ വ​ഴി ഉ​ൽ​പ​ന്ന​ങ്ങ​ൾ വി​റ്റ​ഴി​ക്കും. കു​ടും​ബ​ശ്രീ അ​യ​ൽ​ക്കൂ​ട്ട​ങ്ങ​ൾ വ​ഴി​യും കാ​ർ​ഷി​കോ​ൽ​പ​ന്ന​ങ്ങ​ളു​ട‌െ വി​നി​മ​യം ന​ട​ക്കും. സ്ഥ​ല​മു​ള്ള ഏ​ത് വ്യ​ക്തി​ക്കും കൃ​ഷി​യി​ൽ പ​ങ്കാ​ളി​യാ​കാ​മെ​ന്ന് അ​ധി​കൃ​ത​ർ അ​റി​യി​ച്ചു. ക​ർ​ഷ​ക ദി​ന​ത്തി​ൽ ജി​ല്ല​യി​ലെ മു​തി​ർ​ന്ന ക​ർ​ഷ​ക​നെ വ​കു​പ്പ് ആ​ദ​രി​ക്കും. വ​നി​ത, വി​ദ്യാ​ർ​ഥി ക​ർ​ഷ​ക​ർ​ക്കും ആ​ദ​രം ന​ൽ​കും.

ലാ​ഭം മാ​ത്രം

കൃ​ഷി​ചെ​യ്യു​ന്ന ക​ർ​ഷ​ക​നി​ൽ​നി​ന്ന് മാ​ർ​ക്ക​റ്റ് വി​ല​യെ​ക്കാ​ൾ 10 ശ​ത​മാ​നം കൂ​ട്ടി​യാ​ണ് ഉ​ൽ​പ​ന്ന​ങ്ങ​ളെ​ടു​ക്കു​ന്ന​ത്. ഉ​പ​ഭോ​ക്താ​വി​ലെ​ത്തി​ക്കു​ന്ന​ത് 30 ശ​ത​മാ​നം വി​ല​കു​റ​ച്ചു​മാ​ണ്.

അ​തു​കൊ​ണ്ട് ക​ർ​ഷ​ക​നും വാ​ങ്ങു​ന്ന ഉ​പ​ഭോ​ക്താ​വി​നും കൃ​ഷി​ചെ​യ്യു​ന്ന​തു​കൊ​ണ്ട് ഒ​രു ന​ഷ്ട​വും ഉ​ണ്ടാ​കു​ന്നി​ല്ല. ലാ​ഭം മാ​​​ത്രം.

ഓ​ണ​ച്ച​ന്ത 25 മു​ത​ൽ എ​ല്ലാ പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലും ഓ​ണ​ച്ച​ന്ത 25 മു​ത​ൽ ആ​രം​ഭി​ക്കും. 28വ​രെ ച​ന്ത പ്ര​വ​ർ​ത്തി​ക്കും.