കാർ മറിഞ്ഞ് കാൽനട യാത്രികന് പരിക്ക്

മല്ലപ്പള്ളി: കാർ നിയന്ത്രണംവിട്ട് മറിഞ്ഞ് കാൽനടക്കാരന് പരിക്കേറ്റു. കോട്ടാങ്ങൽ പുല്ലാന്നിപ്പാറയിൽ വിജയനാണ് (55) പരിക്കേറ്റത്. ശനിയാഴ്ച ഉച്ചക്ക് രണ്ടരയോടെ കോട്ടാങ്ങൽ-മണിമല റോഡിൽ കടൂർകടവിന് സമീപമാണ് അപകടം.

കാർ പൂർണമായും തകർന്നു. കാർ യാത്രക്കാർക്ക് നിസ്സാര പരിക്കേറ്റു. പരിക്കേറ്റ വിജയനെ കോട്ടയം മെഡിക്കൽ കോളജിൽ പ്രവേശിപ്പിച്ചു.