താലൂക്ക് ആസ്ഥാനം പകർച്ചവ്യാധികളുടെ കേന്ദ്രം; മിനിസിവിൽ സ്റ്റേഷൻ ശുചിമുറികൾ കൊതുക്​ വളർത്തൽ കേന്ദ്രം

മ​ല്ല​പ്പ​ള്ളി: നാ​ടു​നീ​ളെ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​മ്പോ​ൾ താ​ലൂ​ക്ക് ഭ​ര​ണ​സി​രാ​കേ​ന്ദ്ര​മാ​യ മി​നി സി​വി​ൽ​സ്റ്റേ​ഷ​ൻ കൊ​തു​ക്​ വ​ള​ർ​ത്ത​ൽ കേ​ന്ദ്ര​മാ​കു​ന്നു. മി​നി​സി​വി​ൽ സ്റ്റേ​ഷ​നി​ൽ എ​ത്തു​ന്ന പൊ​തു​ജ​ന​ങ്ങ​ൾ​ക്കാ​യു​ള്ള ശു​ചി​മു​റി​ക​ളു​ടെ അ​വ​സ്ഥ​യാ​ണി​ത്. ശു​ചി​മു​റി​ക​ളി​ൽ ക​യ​റി​യാ​ൽ രോ​ഗം ഉ​റ​പ്പ്. മ​ലി​ന​ജ​ല​വും മാ​ലി​ന്യ​വും കെ​ട്ടി​ക്കി​ട​ക്കു​ന്ന കാ​ഴ്ച​യാ​ണ്. ഇ​വി​ടെ മ​ദ്യ​ക്കു​പ്പി​ക​ൾ​വ​രെ ഉ​പേ​ക്ഷി​ച്ചി​ട്ടു​ണ്ട്.

മ​ലി​ന​ജ​ല​ത്തി​ൽ കൂ​ത്താ​ടി​യും കൊ​തു​കും നി​റ​ഞ്ഞി​രി​ക്കു​ക​യാ​ണ്. മ​ഴ​യെ​ത്തി​യ​തോ​ടെ വി​വി​ധ പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ കൊ​തു​ക്​ നി​വാ​ര​ണ ബോ​ധ​വ​ത്​​ക​ര​ണം ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ ത​കൃ​തി​യി​ൽ ന​ട​ക്കു​മ്പോ​ഴാ​ണ് താ​ലൂ​ക്ക് ആ​സ്ഥാ​നം പ​ക​ർ​ച്ച​വ്യാ​ധി കേ​ന്ദ്ര​മാ​യി​രി​ക്കു​ന്ന​ത്. നി​ര​വ​ധി സ​ർ​ക്കാ​ർ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന സി​വി​ൽ​സ്റ്റേ​ഷ​നി​ൽ ദി​വ​സ​വും നൂ​റു​ക​ണ​ക്കി​ന് ആ​ൾ​ക്കാ​രാ​ണ് എ​ത്തു​ന്ന​ത്. പ്രാ​ഥ​മി​ക ആ​വ​ശ്യ​ങ്ങ​ൾ​ക്കാ​യി ശു​ചി​മു​റി അ​ന്വേ​ഷി​ച്ച് എ​ത്തു​ന്ന​വ​ർ മൂ​ക്കു​പൊ​ത്തി ഓ​ടേ​ണ്ട ഗ​തി​കേ​ടി​ലാ​ണ്.

എ​ന്നാ​ൽ, ഇ​തെ​ല്ലാം ക​ണ്ടി​ട്ടും ഉ​ത്ത​ര​വാ​ദി​ത്ത​പ്പെ​ട്ട​വ​ർ ഇ​വി​ടെ ഇ​ങ്ങ​നെ​യൊ​ക്കെ​യാ​ണെ മ​ട്ടി​ലാ​ണ് അ​ധി​കൃ​ത​രെ​ന്നാ​ണ് ജ​ന​ങ്ങ​ളു​ടെ പ​രാ​തി. ബ​ന്ധ​പ്പെ​ട്ട​വ​ർ ക​ണ്ണു​തു​റ​ന്ന് വേ​ണ്ട ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.