മാലൂര്‍ സെന്റ് സ്റ്റീഫന്‍സ് കോളജിന് അറുപത്​

പ​ത്ത​നാ​പു​രം: നി​ര​വ​ധി ത​ല​മു​റ​ക​ൾ​ക്ക് ക​ലാ​ല​യ ജീ​വി​ത​ത്തി​ന്‍റെ മ​ധു​രം സ​മ്മാ​നി​ച്ച മാ​ലൂ​ർ സെ​ന്റ് സ്റ്റീ​ഫ​ന്‍സ് കോ​ള​ജ് 60ന്‍റെ നി​റ​വി​ൽ. 1964ൽ ​തോ​മാ മാ​ര്‍ ദീ​വ​ന്നാ​സി​യോ​സ് മെ​ത്രാ​പ്പോ​ലീ​ത്ത​യാ​ണ് മാ​ലൂ​രി​ൽ കോ​ള​ജ് ആ​രം​ഭി​ച്ച​ത്. 1964 ജൂ​ൺ എ​ട്ടി​നാ​ണ്​ കോ​ള​ജി​നാ​യി സ്ഥ​ലം ഏ​റ്റെ​ടു​ത്ത്​ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്.

1967 ഓ​ടെ പൂ​ർ​ണ്ണ​തോ​തി​ൽ ക്ലാ​സു​ക​ളും ആ​രം​ഭി​ച്ചു. ആ​ദ്യ​ഘ​ട്ട​ത്തി​ൽ മൂ​ന്ന് സ​യ​ൻ​സ് ബാ​ച്ചു​ക​ളും ഇ​ക്ക​ണോ​മി​ക്സ്, പെ​ഡ​ഗോ​ഗി വി​ഭാ​ഗ​ങ്ങ​ളി​ൽ ഓ​രോ​ന്നു​വീ​ത​വു​മാ​യാ​ണ് ക്ലാ​സു​ക​ൾ ആ​രം​ഭി​ച്ച​ത്.

ആ​ലു​വ യു.​സി കോ​ള​ജ് ബോ​ട്ട​ണി​വി​ഭാ​ഗം മേ​ധാ​വി​യാ​യി​രു​ന്ന പ്ര​ഫ. ടി.​സി. തോ​മ​സാ​യി​രു​ന്നു ആ​ദ്യ പ്രി​ൻ​സി​പ്പ​ൽ. അ​റു​പ​താ​ണ്ട് പി​ന്നി​ടു​മ്പോ​ൾ എ​ട്ട് ബി​രു​ദ കോ​ഴ്സു​ക​ളും അ​ഞ്ച് ബി​രു​ദാ​ന​ന്ത​ര​ബി​രു​ദ കോ​ഴ്സു​ക​ളും മൂ​ന്ന് ഗ​വേ​ഷ​ണ വി​ഭാ​ഗ​ങ്ങ​ളും ഉ​ണ്ട്. പ​ത്ത​നാ​പു​രം മൗ​ണ്ട് താ​ബോ​ർ ദ​യ​റാ​യു​ടെ കീ​ഴി​ലു​ള്ള വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ ഭാ​ഗ​മാ​ണ് ഈ ​കോ​ള​ജും.

പ​ത്ത​നാ​പു​ര​ത്ത് ദ​യ​റാ​കു​ന്നി​ലാ​ണ് പ്രൈ​മ​റി ത​ലം മു​ത​ല്‍ ബി.​എ​ഡ്‌ സെ​ന്റ​ര്‍ വ​രെ​യു​ള്ള മൗ​ണ്ട് വി​ദ്യാ​ഭ്യാ​സ​സ്ഥാ​പ​ന​ങ്ങ​ൾ ഉ​ള്ള​ത്. സ്ഥ​ല​പ​രി​മി​തി മൂ​ലം കോ​ള​ജ് ആ​രം​ഭി​ക്കാ​ൻ ക​ഴി​യാ​തെ വ​ന്ന​തോ​ടെ​യാ​ണ് ന​ഗ​ര​ത്തി​ൽ നി​ന്ന്​ അ​ഞ്ച് കി​ലോ​മീ​റ്റ​ർ അ​ക​ലെ​യാ​യി കോ​ള​ജ് ആ​രം​ഭി​ക്കാ​ൻ സ്ഥ​ലം ഏ​റ്റെ​ടു​ത്ത​ത്.

രാ​ഷ്ട്രീ​യ, സാ​മൂ​ഹി​ക, സാം​സ്കാ​രി​ക രം​ഗ​ങ്ങ​ളി​ലെ നി​ര​വ​ധി പ്ര​മു​ഖ​ർ കോ​ള​ജി​ൽ പ​ഠ​നം പൂ​ർ​ത്തീ​ക​രി​ച്ചി​ട്ടു​ണ്ട്. മു​ൻ മ​ന്ത്രി ടി.​എം. ജേ​ക്ക​ബ്, കൊ​ട്ടാ​ര​ക്ക​ര എം.​എ​ൽ.​എ ആ​യി​രു​ന്ന ഐ​ഷാ പോ​റ്റി, ച​ന്ദ്ര​യാ​ന്‍ ദൗ​ത്യ​ത്തി​ലെ പ്രി​ൻ​സി​പ്പ​ൽ ഇ​ൻ​വെ​സ്റ്റി​ഗേ​റ്റ​ർ ആ​യി​രു​ന്ന ഡോ​ക്ട​ർ നി​സി മാ​ത്യു, സാ​ങ്കേ​തി​ക​രം​ഗ​ത്തെ വി​ദ​ഗ്ധ​ൻ സൈ​നു​ദ്ദീ​ൻ പ​ട്ടാ​ഴി, പ്ര​മു​ഖ സ​സ്യ ശാ​സ്ത്ര​ജ്ഞ​ൻ പ്ര​ഫ. മാ​മ​ൻ ഡാ​നി​യ​ൽ, ഗാ​ന​ര​ച​യി​താ​വ് പി.​കെ. ഗോ​പി, ഇ​ന്ത്യ​ൻ വോ​ളി​ബാ​ൾ താ​ര​ങ്ങ​ളാ​യി​രു​ന്ന ഷി​ജാ​സ് മു​ഹ​മ്മ​ദ്, അ​ജി​ത്ത് തു​ട​ങ്ങി​യ​വ​ർ പൂ​ർ​വ​വി​ദ്യാ​ർ​ഥി​ക​ളു​ടെ നി​ര​യി​ലു​ണ്ട്.

വ​ജ്ര​ജൂ​ബി​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യി ഡി​സം​ബ​ർ ഏ​ഴി​ന്​ പൂ​ർ​വ വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും ഉ​ൾ​പ്പെ​ടു​ത്തി വി​പു​ല​മാ​യ പൂ​ർ​വ​വി​ദ്യാ​ർ​ഥി സം​ഗ​മം ന​ട​ത്തും.