വ്യാപാരിയു​ടെ കൊലപാതകം; പ്രതികളെ കടയിൽ എത്തിച്ച്​ തെളിവെടുത്തു

പ​ത്ത​നം​തി​ട്ട: മൈ​ല​പ്ര​യി​ൽ വ്യാ​പാ​രി​യെ ക്രൂ​ര​മാ​യി കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി​ക​ൾ​ക്ക് നേ​രെ നാ​ട്ടു​കാ​രു​ടെ പ്ര​തി​ഷേ​ധം. വ്യാ​ഴാ​ഴ്ച രാ​വി​ലെ തെ​ളി​വെ​ടു​പ്പി​നാ​യി മൈ​ല​പ്ര പോ​സ്റ്റോ​ഫീ​സ് ജം​ഗ്ഷ​നി​ലെ ക​ട​യി​ൽ എ​ത്തി​ച്ച​പ്പോ​ഴാ​ണ് നാ​ട്ടു​കാ​രു​ടെ പ്ര​തി​ഷേ​ധം ഉ​യ​ർ​ന്ന​ത്. ധാ​രാ​ളം പേ​ർ അ​വി​ടെ ത​ടി​ച്ചു​കൂ​ടി​യി​രു​ന്നു.

കേ​സി​ൽ ഒ​രു പ്ര​തി കൂ​ടി പി​ടി​യി​ലാ​കാ​നു​ണ്ട്. പ്ര​തി​ക​ളെ തെ​ളി​വെ​ടു​പ്പി​നാ​യി എ​ത്തി​ച്ച​പ്പോ​ൾ നാ​ട്ടു​കാ​ർ അ​ടു​ത്തു കൂ​ടി​യ​ത് പൊ​ലീ​സി​നും ത​ല​വേ​ദ​ന​യാ​യി. പ്ര​തി​ക​ളു​ടെ മു​ഖം മ​റ​ച്ചു കൊ​ണ്ടു​വ​ന്ന​ത് നാ​ട്ടു​കാ​ർ ചോ​ദ്യം ചെ​യ്തു. മു​ഖം മൂ​ടി മാ​റ്റ​ണ​മെ​ന്ന് നാ​ട്ടു​കാ​ർ വി​ളി​ച്ചു പ​റ​യു​ന്നു​ണ്ടാ​യി​രു​ന്നു. ഏ​റെ പ​ണി​പ്പെ​ട്ടാ​ണ് പോ​ലീ​സ് തെ​ളി​വെ​ടു​പ്പു പൂ​ർ​ത്തി​യാ​ക്കി​യ​ത്. ഡി​സം​ബ​ർ 30ന് ​ഉ​ച്ച​ക​ഴി​ഞ്ഞാ​ണ് ജോ​ർ​ജ് ഉ​ണ്ണൂ​ണ്ണി​യെ​ന്ന വ്യാ​പാ​രി​യെ ക​ട​യി​ൽ വ​ച്ച് കൈ​കാ​ലു​ക​ൾ കൂ​ട്ടി​ക്കെ​ട്ടി ശ്വാ​സം​മു​ട്ടി​ച്ച് കൊ​ല​പ്പെ​ടു​ത്തി​യ​ത്. മാ​ല​യും പ​ണ​വും പ്ര​തി​ക​ൾ ക​വ​ർ​ന്നു. സി.​സി.​ടി.​വി ഹാ​ർ​ഡ് ഡി​സ്ക് എ​ടു​ത്തു മാ​റ്റി​യി​രു​ന്നു.

തെ​ങ്കാ​ശി​യി​ൽ നി​ന്നാ​ണ് ത​മി​ഴ് നാ​ട്ടു​കാ​രാ​യ ര​ണ്ട് പ്ര​തി​ക​ളെ പി​ടി​കൂ​ടി​യ​ത്. മ​റ്റ് ര​ണ്ട്​ പേ​ർ വ​ല​ഞ്ചു​ഴി സ്വ​ദേ​ശി​ക​ളാ​ണ്. മു​ത്തു​കു​മാ​റി​നെ ഇ​നി​യും പി​ടി​കൂ​ടാ​ൻ ക​ഴി​ഞ്ഞി​ട്ടി​ല്ല . ഈ ​മാ​സം 18 വ​രെ​യാ​ണ് പ്ര​തി​ക​ളെ പൊ​ലീ​സ് ക​സ്റ്റ​ഡി​യി​ൽ വി​ട്ടി​ട്ടു​ള്ള​ത്.

അ​ടു​ത്ത ദി​വ​സ​ങ്ങ​ളി​ലും പ്ര​തി​ക​ളെ വി​വി​ധ സ്ഥ​ല​ങ്ങ​ളി​ൽ എ​ത്തി​ച്ച്​ തെ​ളി​വെ​ടു​ക്കും.