പരിസ്ഥിതിദിനാചരണം

മല്ലപ്പള്ളി: ഹാബേൽ ഫൗണ്ടേഷൻ ആഭിമുഖ്യത്തിൽ തുരുത്തിക്കാട് ഗവ. യു. പി സ്കൂളിനോട്‌ ചേർന്ന 112വർഷം പഴക്കമുള്ള രാജവാഗ വൃക്ഷത്തിന് പൂജ നടത്തി ആദരിച്ചു. തുടർന്നുനടന്ന പരിസ്ഥിതി സൗഹൃദ സമ്മേളനം കല്ലൂപ്പാറ പഞ്ചായത്ത് പ്രസിഡന്‍റ്​ സൂസൻ തോംസൺ ഉദ്ഘാടനം ചെയ്തു. ചെയർമാൻ ഡോ. സാമുവൽ നെല്ലിക്കാട് അധ്യക്ഷതവഹിച്ചു. ബ്ലോക്ക് പഞ്ചായത്ത് അംഗം ജ്ഞാനമണി മോഹൻ മുഖ്യപ്രഭാഷണം നടത്തി. പത്തനംതിട്ട: സിദ്ധനർ സർവിസ് വെൽഫെയർ സൊസൈറ്റി മുണ്ടുകോട്ടക്കൽ കരയോഗം സംഘടിപ്പിച്ച പരിപാടികൾ നഗരസഭ കൗൺസിലർ കെ. ജാസിംകുട്ടി ഉദ്ഘാടനം ചെയ്തു. വൃക്ഷ​ത്തൈ വിതരണം, ബോധവത്​കരണ പരിപാടികൾ, ബുക്ക് വിതരണം എന്നിവ നടന്നു. പ്രസിഡന്റ് പി.ടി. ശശി അധ്യക്ഷതവഹിച്ചു. സുശീലൻ, എം.എസ്. അച്യുതൻ, എം.ആർ. പ്രസാദ്, അശോകൻ രാമചന്ദ്രൻ , രേഖ പ്രസാദ്, പി.ആർ. ഗോപാലൻ, രാജമ്മ പൊട്ടയിൽ, ലതിക , ആനന്ദവല്ലി, പൊന്നിപ്രസാദ് എന്നിവർ സംസാരിച്ചു. -- ചിത്രം PTL 17 SHAMS പത്തനംതിട്ട സർവിസ് സഹകരണ ബാങ്ക്​ മുണ്ടുകോട്ടക്കലിൽ നടത്തിയ ഫലവൃക്ഷത്തൈ നടീൽ പ്രസിഡന്‍റ്​ എ. ഷംസുദ്ദീൻ ഉദ്​ഘാടനം ചെയ്യുന്നു