ഓമല്ലൂര്‍ സഹകരണ ബാങ്ക്​; അ​റ്റാ​ദാ​യ ന​ഷ്ടം 40 കോ​ടി ക​ട​ന്ന​താ​യി ഓ​ഡി​റ്റ് റി​പ്പോ​ര്‍ട്ട്

പ​ത്ത​നം​തി​ട്ട: ഓ​മ​ല്ലൂ​ര്‍ സ​ർ​വി​സ് സ​ഹ​ക​ര​ണ ബാ​ങ്കി​ന്‍റെ ആ​കെ ന​ഷ്ടം 40 കോ​ടി ക​ട​ന്ന​താ​യി 2021-2022ലെ ​ഓ​ഡി​റ്റ് റി​പ്പോ​ര്‍ട്ട്. 2022-23ലെ ​ഓ​ഡി​റ്റ് റി​പ്പോ​ര്‍ട്ട് ല​ഭ്യ​മാ​യി​ട്ടി​ല്ലെ​ന്ന് വി​വ​രാ​വ​കാ​ശ നി​യ​മ​പ്ര​കാ​രം ജോ​യ​ന്റ് ര​ജി​സ്ട്രാ​ര്‍ ഓ​ഫി​സി​ല്‍നി​ന്ന്​ ല​ഭി​ച്ച മ​റു​പ​ടി​യി​ല്‍ പ​റ​യു​ന്നു. എ​ന്നാ​ല്‍, ക​ഴി​ഞ്ഞ സാ​മ്പ​ത്തി​ക വ​ര്‍ഷ​ത്തെ ന​ഷ്ടം നി​ല​വി​ലു​ള്ള​തി​നെ​ക്കാ​ള്‍ കൂ​ടു​മെ​ന്നാ​ണ്​ വി​ല​യി​രു​ത്ത​ല്‍.

2007വ​രെ ജി​ല്ല​യി​ലെ പ്ര​മു​ഖ ബാ​ങ്കു​ക​ളി​ല്‍ ഒ​ന്നാ​യി ക്ലാ​സ് വ​ണ്‍ സ്‌​പെ​ഷ​ല്‍ ഗ്രേ​ഡാ​യാ​ണ്​ സം​ഘം പ്ര​വ​ര്‍ത്തി​ച്ചി​രു​ന്ന​ത്. 16 വ​ര്‍ഷം​കൊ​ണ്ട് 40 കോ​ടി​യി​ല്‍പ​രം രൂ​പ അ​റ്റാ​ദാ​യ ന​ഷ്ട​ത്തി​ല്‍ എ​ത്തി​നി​ല്‍ക്കു​ന്ന​ത് ന്യാ​യീ​ക​രി​ക്കാ​ന്‍ പ​റ്റു​ന്ന​ത​ല്ലെ​ന്നും പ​രാ​മ​ര്‍ശ​മു​ണ്ട്. പ്ര​വ​ര്‍ത്ത​ന ന​ഷ്ടം മാ​ത്ര​മ​ല്ല ഈ ​അ​വ​സ്ഥ​ക്ക്​ കാ​ര​ണം.

കാ​ലാ​കാ​ല​ങ്ങ​ളി​ല്‍ അ​ധി​കാ​ര​ത്തി​ല്‍ വ​ന്ന ഭ​ര​ണ​സ​മി​തി​ക​ളും അ​ഡ്മി​നി​സ്‌​ട്രേ​റ്റി​വ് ക​മ്മി​റ്റി​യും ഇ​തി​ല്‍ കു​റ്റ​ക്കാ​രാ​ണ്. ജീ​വ​ന​ക്കാ​രു​ടെ കെ​ടു​കാ​ര്യ​സ്ഥ​ത​യും ഉ​ദാ​സീ​ന മ​നോ​ഭാ​വ​വു​മാ​ണ്​ ക​ര​ക​യ​റാ​ന്‍ ആ​വാ​ത്ത സാ​മ്പ​ത്തി​ക പ്ര​തി​സ​ന്ധി​യി​ലേ​ക്ക് എ​ത്തി​ച്ച​തെ​ന്നും ഓ​ഡി​റ്റി​ല്‍ കു​റ്റ​പ്പെ​ടു​ത്തു​ന്നു​ണ്ട്. ഇ​ട​തു​മു​ന്ന​ണി ഭ​രി​ക്കു​ന്ന ബാ​ങ്കി​ൽ ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റാ​യ അ​ഡ്വ. ഓ​മ​ല്ലൂ​ർ ശ​ങ്ക​ര​നാ​ണ്​ പ്ര​സി​ഡ​ന്‍റ്.