പെട്രോൾ പമ്പ് ജീവനക്കാരിക്ക് മർദനം: ഒരാൾ അറസ്റ്റിൽ
text_fieldsപത്തനംതിട്ട: പെട്രോൾ അടിക്കാൻ താമസിച്ചതിന് ജീവനക്കാരിയെ മർദിക്കുകയും രണ്ട് ജീവനക്കാരെ ദേഹോപദ്രവം ഏൽപിക്കുകയും ചെയ്ത കേസിൽ രണ്ടാംപ്രതിയെ അറസ്റ്റ് ചെയ്തു. കലഞ്ഞൂർ മലനട മുല്ലശ്ശേരിൽ തെക്കേതിൽ അനിരുദ്ധനാണ് (19) കൂടൽ പൊലീസിന്റെ പിടിയിലായത്. കൂടൽ ഇഞ്ചപ്പാറ കൈരളി ഫ്യുവൽസിൽ ഏപ്രിൽ 30ന് വൈകീട്ട് അഞ്ചിനാണ് സംഭവം.
കൂടൽ ഇഞ്ചപ്പാറ കൈമളേത്ത് വടക്കേതിൽ അനൂപിന്റെ ഭാര്യ ശാലിനിക്കെതിരെയാണ് കൈയേറ്റവും അതിക്രമവും ഉണ്ടായത്. മറ്റ് രണ്ട് പ്രതികൾക്കായി അന്വേഷണം വ്യാപകമാക്കി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.