രുചിവൈവിധ്യങ്ങളുമായി കുടുംബശ്രീ പ്രീമിയം കഫേ റസ്റ്റാറന്റ് പന്തളത്ത്

പ​ന്ത​ളം: കൈ​പ്പു​ണ്യ​ത്തി​ന്റെ മി​ക​വി​ല്‍ രു​ചി​യു​ടെ ലോ​ക​ത്ത് വേ​റി​ട്ട മാ​തൃ​ക സൃ​ഷ്ടി​ച്ച കു​ടും​ബ​ശ്രീ പ്രീ​മി​യം ക​ഫേ ഇ​നി പ​ന്ത​ള​ത്തും. എം.​സി റോ​ഡി​ല്‍ പ​ന്ത​ളം ശ്രീ​ധ​ര്‍മ​ശാ​സ്ത ക്ഷേ​ത്ര​ത്തി​ന് സ​മീ​പം ജി​ല്ല ടൂ​റി​സം പ്ര​മോ​ഷ​ന്‍ കൗ​ണ്‍സി​ലി​ന്റെ അ​മി​നി​റ്റി സെ​ന്റ​റി​ലാ​ണ് പു​തി​യ പ്രീ​മി​യം ക​ഫേ​യു​ടെ പ്ര​വ​ര്‍ത്ത​നം. സം​സ്ഥാ​ന​മൊ​ട്ടാ​കെ ന​ട​പ്പാ​ക്കാ​ന്‍ ല​ക്ഷ്യ​മി​ടു​ന്ന പ്രീ​മി​യം ക​ഫേ ശൃം​ഖ​ല​യു​ടെ ഭാ​ഗ​മാ​യി ആ​ദ്യ​ഘ​ട്ട​ത്തി​ല്‍ എ​റ​ണാ​കു​ളം അ​ങ്ക​മാ​ലി, തൃ​ശൂ​ര്‍ ജി​ല്ല​യി​ല്‍ ഗു​രു​വാ​യൂ​ര്‍, വ​യ​നാ​ട് ജി​ല്ല​യി​ല്‍ മേ​പ്പാ​ടി എ​ന്നി​വി​ട​ങ്ങ​ളി​ല്‍ ആ​രം​ഭി​ച്ചി​രു​ന്നു. ര​ണ്ടാം ഘ​ട്ട​മാ​ണ് പ​ന്ത​ള​ത്ത് ആ​രം​ഭി​ച്ച​ത്.

മ​ന്ത്രി എം.​ബി. രാ​ജേ​ഷ് ഉ​ദ്ഘാ​ട​നം നി​ര്‍വ​ഹി​ച്ചു. കാ​ന്റീ​ന്‍ കാ​റ്റ​റി​ങ്​ മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന കു​ടും​ബ​ശ്രീ സം​രം​ഭ​ക​ര്‍ക്ക് സു​സ്ഥി​ര വ​രു​മാ​ന ല​ഭ്യ​ത ഉ​റ​പ്പു​വ​രു​ത്തു​ന്ന​തി​നൊ​പ്പം തൊ​ഴി​ല്‍രം​ഗ​ത്ത് ഉ​യ​ര്‍ന്ന ത​ല​ത്തി​ൽ എ​ത്തി​ക്കു​ക​യു​മാ​ണ് പ്രീ​മി​യം ക​ഫേ​ക​ള്‍ വ​ഴി ല​ക്ഷ്യ​മി​ടു​ന്ന​തെ​ന്ന് മ​ന്ത്രി പ​റ​ഞ്ഞു. മു​മ്പ് ആ​രം​ഭി​ച്ച പ്രീ​മി​യം ക​ഫേ റ​സ്റ്റാ​റ​ന്റു​ക​ള്‍ വ​ൻ വി​ജ​യ​മാ​ണെ​ന്നും മ​ന്ത്രി പ​റ​ഞ്ഞു.പ​രി​ശീ​ല​നം ല​ഭി​ച്ച 17 വ​നി​ത​ക​ളു​ടെ നേ​തൃ​ത്വ​ത്തി​ല്‍ രാ​വി​ലെ മു​ത​ല്‍ രാ​ത്രി 11 വ​രെ​യാ​ണ് ക​ഫേ​യു​ടെ പ്ര​വ​ര്‍ത്ത​നം. പാ​ച​ക വൈ​വി​ധ്യം, അ​ടി​സ്ഥാ​ന സൗ​ക​ര്യ​ങ്ങ​ള്‍, ഭ​ക്ഷ​ണ​വി​ത​ര​ണം, പാ​ർ​സ​ല്‍ സ​ര്‍വി​സ്, കാ​റ്റ​റി​ങ്, ഓ​ണ്‍ലൈ​ന്‍ സേ​വ​ന​ങ്ങ​ള്‍, ശു​ചി​ത്വം, മി​ക​ച്ച മാ​ലി​ന്യ സം​സ്‌​ക​ര​ണ ഉ​പാ​ധി​ക​ള്‍ എ​ന്നി​വ​യി​ല​ട​ക്കം ഏ​റ്റ​വും മി​ക​ച്ച ആ​ധു​നി​ക സൗ​ക​ര്യ​ങ്ങ​ള്‍ ഇ​വി​ടെ​യു​ണ്ട്. പൂ​ര്‍ണ​മാ​യും ശീ​തീ​ക​രി​ച്ച റ​സ്റ്റാ​റ​ന്റി​നോ​ട് ചേ​ര്‍ന്ന് റി​ഫ്ര​ഷ്‌​മെ​ന്റ് ഹാ​ള്‍, മീ​റ്റി​ങ് ന​ട​ത്താ​നു​ള്ള ഹാ​ള്‍, കു​ടും​ബ​ശ്രീ ഉ​ല്‍പ​ന്ന​ങ്ങ​ളു​ടെ കി​യോ​സ്‌​ക് ജ്യൂ​സ് കൗ​ണ്ട​ര്‍, ഡോ​ര്‍മി​റ്റ​റി സം​വി​ധാ​നം, റൂ​മു​ക​ള്‍, ശു​ചി​മു​റി​ക​ള്‍ എ​ന്നി​വ​യും സ​ജ്ജീ​ക​രി​ച്ചി​ട്ടു​ണ്ട്. മ​ണ്ഡ​ല​കാ​ല​ത്ത് അ​യ്യ​പ്പ​ഭ​ക്ത​ര്‍ക്ക് ഡോ​ര്‍മി​റ്റ​റി സൗ​ക​ര്യ​വും ഉ​ണ്ടാ​കും. കൂ​ടാ​തെ വി​രു​ന്ന് സ​ല്‍ക്കാ​ര​ങ്ങ​ള്‍, യോ​ഗ​ങ്ങ​ള്‍, പ​രി​ശീ​ല​ന​ങ്ങ​ള്‍ എ​ന്നി​വ സം​ഘ​ടി​പ്പി​ക്കാ​ൻ പ്ര​ത്യേ​ക ഹാ​ളും ഇ​തോ​ടൊ​പ്പ​മു​ണ്ട്. പാ​ര്‍ക്കി​ങ്ങി​നും സൗ​ക​ര്യ​മു​ണ്ട്. ഗു​ണ​മേ​ന്മ​യു​ള്ള ചെ​ടി​ക​ളും ഫ​ല​വൃ​ക്ഷ​ത്തൈ​ക​ളും ല​ഭ്യ​മാ​കു​ന്ന ന​ഴ്‌​സ​റി​യും ഇ​തോ​ടൊ​പ്പം പ്ര​വ​ര്‍ത്ത​നം ആ​രം​ഭി​ച്ചി​ട്ടു​ണ്ട്.ജി​ല്ല പ​ഞ്ചാ​യ​ത്ത് ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ​ന്‍ ജി​ജി മാ​ത്യു അ​ധ്യ​ക്ഷ​ത വ​ഹി​ച്ചു. കു​ടും​ബ​ശ്രീ പ്രോ​ഗ്രാം ഓ​ഫി​സ​ര്‍ എ.​എ​സ്. ശ്രീ​കാ​ന്ത് സ്വാ​ഗ​ത​വും കു​ടും​ബ​ശ്രീ ജി​ല്ല മി​ഷ​ന്‍ അ​സി. കോ​ഓ​ഡി​നേ​റ്റ​ര്‍ ബി​ന്ദു​രേ​ഖ ന​ന്ദി​യും പ​റ​ഞ്ഞു.