പന്തളം - മാവേലിക്കര റോഡ്; നിർമാണത്തിൽ അപാകത; വ്യാപക പരാതി

പ​ന്ത​ളം: പൊ​തു​മ​രാ​മ​ത്ത് വ​കു​പ്പി​ന്റെ കെ.​എ​സ്.​ടി.​പി വി​ഭാ​ഗം നേ​തൃ​ത്വം ന​ൽ​കി പ​ണി ക​ഴി​പ്പി​ച്ച പ​ന്ത​ളം - മാ​വേ​ലി​ക്ക​ര റോ​ഡ്​ അ​പ​ക​ടാ​വ​സ്ഥ​യി​ൽ. ടാ​റി​ങ് പൂ​ർ​ത്തി​യാ​യി മാ​സ​ങ്ങ​ൾ തി​ക​യും മു​മ്പ്​ സ്ഥി​ര​മാ​യി റോ​ഡ് ത​ക​രു​ന്ന സ്ഥി​തി​യാ​ണ്.

വ​ശ​ങ്ങ​ളി​ലെ ഓ​ട നി​ർ​മാ​ണം പോ​ലും പൂ​ർ​ത്തി​യാ​കാ​ത്ത റോ​ഡാ​ണ് ത​ക​ർ​ന്നു കൊ​ണ്ടി​രി​ക്കു​ന്ന​ത്. പ​ന്ത​ളം ജം​ഗ്ഷ​ൻ മു​ത​ൽ ഐ​രാ​ണി​കൂ​ടി വ​രെ​യു​ള്ള ഭാ​ഗ​ങ്ങ​ളി​ലെ നി​ര​വ​ധി അ​പാ​ക​ത​ക​ൾ ചൂ​ണ്ടി​ക്കാ​ട്ടി അ​ധി​കൃ​ത​ർ​ക്ക് പ​രാ​തി ന​ൽ​കി. കെ.​എ​സ്.​ടി.​പി വി​ജി​ല​ൻ​സ് വി​ഭാ​ഗ​വും ക്വാ​ളി​റ്റി ക​ൺ​ട്രോ​ൾ വി​ഭാ​ഗ​വും സ്ഥ​ലം സ​ന്ദ​ർ​ശി​ക്കു​ക​യും റി​പ്പോ​ർ​ട്ടു​ക​ൾ ത​യാ​റാ​ക്കി മ​ട​ങ്ങു​ക​യും ചെ​യ്യു​ന്നു​ണ്ട്.

റോ​ഡി​ന് കു​റു​കെ​യു​ള്ള കു​ടി​വെ​ള്ള പൈ​പ്പ് ലൈ​ൻ ത​ക​ർ​ന്ന് കു​ടി​വെ​ള്ളം പാ​ഴാ​ക്കു​ക​യും 10 മീ​റ്റ​ർ നീ​ള​ത്തി​ൽ ഒ​ന്ന​ര മീ​റ്റ​റോ​ളം ഗ​ർ​ത്തം ഉ​ണ്ടാ​വു​ക​യും ചെ​യ്തു. റോ​ഡ് നി​ർ​മാ​ണ​ത്തെ​ക്കു​റി​ച്ച് മ​നു​ഷ്യാ​വ​കാ​ശ പ്ര​വ​ർ​ത്ത​ക​രും റ​സി​ഡ​ൻ​സ് അ​സോ​സി​യേ​ഷ​നും മ​റ്റു ജ​ന​കീ​യ കൂ​ട്ടാ​യ്മ​യും നി​ര​ന്ത​രമായി പി.​ഡ​ബ്ല്യു.​ഡി​ക്കും കെ.​എ​സ്.​ടി.​പി​ക്കും പ​രാ​തി ന​ൽ​കു​ന്നു​ണ്ട്.

ചെ​റി​യ മ​ഴ​യി​ൽ പോ​ലും വ​ശ​ങ്ങ​ളി​ലെ ന​ഗ​ര​സ​ഭ റോ​ഡു​ക​ളി​ൽ വെ​ള്ള​ക്കെ​ട്ടു​ണ്ടാ​കു​ന്നു​ണ്ട്. ഓ​ട​യു​ടെ വ​ശ​ങ്ങ​ളി​ലെ ദ്വാ​ര​ങ്ങ​ളി​ലൂ​ടെ വീ​ടു​ക​ളി​ലും ക​ട​ക​ളി​ലും വെ​ള്ളം ക​യ​റി സാ​ധ​ന​ങ്ങ​ൾ ന​ശി​ച്ചും പോ​കു​ന്നു. ഇ​ക്കാ​ര്യ​ങ്ങ​ളി​ലെ​ല്ലാം പ​രാ​തി ന​ൽ​കി​യെ​ങ്കി​ലും ബ​ന്ധ​പ്പെ​ട്ട വി​ഭാ​ഗ​ങ്ങ​ൾ വെറുതെ പ​രി​ശോ​ധ​ന ന​ട​ത്തു​ക മാ​ത്ര​മാ​ണ് ചെ​യ്ത​ത്.

റോ​ഡി​ന്‍റെ ന​ട​പ്പാ​ത​യി​ൽ ഓ​ട​ക്ക്​ മു​ക​ളി​ൽ അ​ശ്ര​ദ്ധ​മാ​യി ഇ​ട്ട സ്ലാ​ബി​ന്റെ വി​ട​വു​ക​ളി​ലൂ​ടെ കു​ട്ടി​ക​ൾ ഉ​ൾ​പ്പെ​ടെ കാ​ൽ​ന​ട​യാ​ത്ര​ക്കാ​ർ​വീ​ണ് അ​പ​ക​ടം സം​ഭ​വി​ച്ചി​രു​ന്നു. ഓ​ട നി​ർ​മാ​ണം പാ​തി​വ​ഴി​യി​ൽ ഉ​പേ​ക്ഷി​ച്ച മ​ട്ടാ​ണ്. ഓ​ട​യു​ടെ മൂ​ടി​ക​ൾ പോ​ലും കൃ​ത്യ​മാ​യി സ്ഥാ​പി​ക്കാ​ൻ നി​ർ​മാ​ണ ക​മ്പ​നി​ക​ൾ​ക്ക് ക​ഴി​ഞ്ഞി​ട്ടി​ല്ല.

മേ​ൽ​നോ​ട്ടം വ​ഹി​ക്കു​ന്ന ഉ​ദ്യോ​ഗ​സ്ഥ​രു​ടെ അ​നാ​സ്ഥ​യും ഇ​തി​ന് കാ​ര​ണ​മാ​ണ്. റോ​ഡും ന​ട​പ്പാ​ത​യും ത​മ്മി​ൽ ഉ​യ​ര വ്യ​ത്യാ​സ​മു​ള്ളി​ട​ത്ത് സി​മ​ൻ​റ് തേ​ച്ച് ച​രി​വ് ഉ​ണ്ടാ​ക്കി​യ ഭാ​ഗ​ങ്ങ​ളി​ൽ കാ​ൽ​ന​ട​യാ​ത്ര​ക്കാ​ർ തെ​ന്നി വീ​ഴു​ന്ന​തും പ​തി​വാ​ണ്. ഓ​ട നി​ർ​മാ​ണ​ത്തി​ലെ അ​പാ​ക​ത മൂ​ലം വീ​ടു​ക​ളി​ലേ​ക്ക് വാ​ഹ​ന​ങ്ങ​ൾ ക​യ​റ്റാ​ൻ ക​ഴി​യാ​ത്ത​തി​നാ​ൽ പ​രാ​തി മൂ​ലം മു​ട്ടാ​ർ ഭാ​ഗ​ത്ത്​ മൂ​ന്നു​പ്രാ​വ​ശ്യം ഓ​ട പൊ​ളി​ച്ചു പ​ണി​ത സം​ഭ​വ​വു​മു​ണ്ടാ​യി. അ​നാ​സ്ഥ​ക്കെ​തി​രെ ഹ്യൂ​മ​ൻ റൈ​റ്റ്സ് ഒ​ബ്സ​ർ​വേ​ഴ്സ് സൊ​സൈ​റ്റി​യും മു​ട്ടാ​ർ റ​സി​ഡ​ൻ​സ് അ​സോ​സി​യേ​ഷ​നും നാ​ട്ടു​കാ​രെ​യും വ​ഴി​യാ​ത്ര​ക്കാ​രെ​യും ഉ​ൾ​പ്പെ​ടു​ത്തി ശ​ക്​​ത​മാ​യ സ​മ​രം ന​ട​ത്തു​മെ​ന്ന്​ ഹ്യൂ​മ​ൻ റൈ​റ്റ്സ് ഒ​ബ്സ​ർ​വേ​ഴ്സ് സൊ​സൈ​റ്റി ചെ​യ​ർ​മാ​ൻ ഇ.​എ​സ് നു​ജു​മു​ദ്ദീ​ൻ, മു​ട്ടാ​ർ റ​സി​ഡ​ൻ​സ്​ അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ വൈ. ​റ​ഹിം റാ​വു​ത്ത​ർ, തോ​മ​സ് കു​ഞ്ഞു​കു​ട്ടി, കെ.​ജി ജ​നാ​ർ​ദ​ന​ൻ എ​ന്നി​വ​ർ അ​റി​യി​ച്ചു.