പന്തളം പൊലീസ് സ്റ്റേഷനിൽ തൊണ്ടി വാഹനങ്ങൾ തുരുമ്പെടുക്കുന്നു

പ​ന്ത​ളം: പൊ​ലീ​സ് സ്റ്റേ​ഷ​നി​ൽ തൊ​ണ്ടി​മു​ത​ലു​ക​ൾ കു​ന്നു​കൂ​ടു​ന്നു. ചി​ല​യി​ട​ങ്ങ​ളി​ൽ വ​ഴി പോ​ലും അ​ട​ച്ച് പ​ഴ​യ വാ​ഹ​ന​ങ്ങ​ൾ തു​രു​മ്പി​ച്ചു​കി​ട​ക്കു​ന്നു. പാ​ഴ്‌​വ​സ്തു​ക്ക​ൾ​ക്കി​ട​യി​ലു​ള്ള ഇ​ഴ​ജ​ന്തു​ക്ക​ളു​ടെ ശ​ല്യ​മാ​ണ് പൊ​ലീ​സ് നേ​രി​ടു​ന്ന വ​ലി​യ വെ​ല്ലു​വി​ളി. ചി​ല വാ​ഹ​ന​ങ്ങ​ൾ ലേ​ലം ചെ​യ്തും മ​റ്റും സ്ഥ​ലം ഒ​ഴി​വാ​ക്കി​യി​ട്ടു​ണ്ട്. ക​ഴി​ഞ്ഞ മാ​സം ഇ​തു​സം​ബ​ന്ധി​ച്ച വി​വ​ര​ങ്ങ​ൾ പൊ​ലീ​സ് ആ​സ്ഥാ​ന​ത്ത് നി​ന്ന്​ ശേ​ഖ​രി​ച്ചി​രു​ന്നു. കോ​ട​തി​യു​ടെ അ​നു​മ​തി ല​ഭി​ച്ച​ശേ​ഷ​മേ ലേ​ലം ചെ​യ്യാ​ൻ ക​ഴി​യൂ. ജി​ല്ല​ത​ല​ത്തി​ൽ പ​ല ദി​വ​സ​ങ്ങ​ളി​ലാ​യാ​ണ് ലേ​ലം ന​ട​ത്തു​ക.

പ​ന്ത​ളം സ്റ്റേ​ഷ​ൻ പ​രി​സ​ര​ത്ത് 29 ബൈ​ക്ക്​ ഉ​ൾ​പ്പെ​ടെ 42 വാ​ഹ​ന​ങ്ങ​ളാ​ണ് തൊ​ണ്ടി​യാ​യി സൂ​ക്ഷി​ച്ചി​രി​ക്കു​ന്ന​ത്. കാ​ർ - 4, വാ​ൻ - 3, ഓ​ട്ടോ - 4. കോ​ട​തി​യി​ൽ വി​ചാ​ര​ണ​യു​മാ​യി ബ​ന്ധ​പ്പെ​ട്ട് സൂ​ക്ഷി​ച്ചി​രി​ക്കു​ന്ന വാ​ഹ​ന​ങ്ങ​ൾ കോ​ട​തി നി​ർ​ദേ​ശ​പ്ര​കാ​രം ഹാ​ജ​രാ​ക്കേ​ണ്ടി വ​രും. ചി​ല കേ​സു​ക​ളി​ൽ ഉ​ട​മ​ക​ൾ കോ​ട​തി​യി​ൽ നി​ന്ന് ഉ​ത്ത​ര​വ് വാ​ങ്ങി കൊ​ണ്ടു​പോ​കാ​റു​ണ്ട്. പി​ന്നീ​ട് കോ​ട​തി ആ​വ​ശ്യ​പ്പെ​ടു​മ്പോ​ൾ ഉ​ട​മ ത​ന്നെ വാ​ഹ​നം ഹാ​ജ​രാ​ക്ക​ണം. പി​ടി​കൂ​ടി​യി​ട്ട് ഏ​ഴു വ​ർ​ഷം വ​രെ​യാ​യ വാ​ഹ​ന​ങ്ങ​ൾ കൂ​ട്ട​ത്തി​ലു​ണ്ട്. സ്റ്റേ​ഷ​നി​ൽ ഇ​തു​മൂ​ലം പാ​ർ​ക്കി​ങ് സൗ​ക​ര്യ​വും തീ​രെ​യി​ല്ലാ​ത്ത അ​വ​സ്ഥ​യാ​ണ്.

അ​പ​ക​ട മ​ര​ണ​ത്തെ തു​ട​ർ​ന്ന് പി​ടി​ച്ചി​ട്ട നി​ര​വ​ധി വാ​ഹ​ന​ങ്ങ​ളു​ണ്ട്. ക​വ​ർ​ച്ച​ക്കേ​സി​ലും നി​രോ​ധി​ച്ച പു​ക​യി​ല ഉ​ൽ​പ​ന്ന​ങ്ങ​ളു​മാ​യും പി​ടി​കൂ​ടി​യ കാ​റു​ക​ൾ, ബൈ​ക്കു​ക​ൾ എ​ന്നി​വ​യാ​ണ് കൂ​ടു​ത​ലും. സ്റ്റേ​ഷ​ന്​ മു​ന്നി​ലെ റോ​ഡ​രി​കി​ലാ​ണ് ലോ​റി​യു​ൾ​പ്പെ​ടെ കി​ട​ക്കു​ന്ന​ത്. ഇ​വ​യി​ൽ പാ​ഴ്ചെ​ടി​ക​ൾ പ​ട​ർ​ന്നു​ക​യ​റു​ന്നു​ണ്ട്. കേ​സു​ക​ളു​ടെ തീ​ർ​പ്പി​ന്​ ശേ​ഷ​മേ ഇ​വ ഒ​ഴി​വാ​ക്കാ​നാ​കൂ. മ​ണ്ണ്​ ക​ട​ത്തി​ന്​ പി​ടി​യി​ലാ​യ ലോ​റി​ക​ളും തൊ​ണ്ടി​ക​ളു​ടെ കൂ​ട്ട​ത്തി​ലു​ണ്ട്.

ചി​ല വാ​ഹ​ന​ങ്ങ​ൾ ക്വാ​ർ​ട്ടേ​ഴ്സ് വ​ള​പ്പി​ൽ കി​ട​ന്ന്​ നാ​ശ​ത്തി​ന്‍റെ വ​ക്കി​ലാ​ണ്. വ്യ​ക്ത​മാ​യ രേ​ഖ​ക​ളി​ല്ലാ​ത്ത​തും അ​പ​ക​ട​ത്തി​ൽ​പ്പെ​ട്ട് ന​ന്നാ​ക്കാ​ൻ ക​ഴി​യാ​ത്ത​വ​യു​മാ​ണ് കൂ​ട്ടി​യി​ട്ടി​രി​ക്കു​ന്ന​ത്.