ചാണ്ടപ്പിള്ള കത്തനാർക്ക് ഹൈന്ദവ സുഹൃത്തുക്കളൊരുക്കിയ കല്ലറയിൽ സുഖനിദ്ര

പ​ന്ത​ളം: മ​തേ​ത​ര സ്നേ​ഹ​ത്തി​ന്റെ സ്മാ​ര​ക​മാ​യ ക​ല്ല​റ​യി​ൽ പ​മ്പൂ​രേ​ത്ത് ചാ​ണ്ട​പ്പി​ള്ള ക​ത്ത​നാ​രെ​ന്ന് സ​മൂ​ഹം അം​ഗീ​ക​രി​ച്ച വൈ​ദി​ക​ന് അ​ന്ത്യ​വി​ശ്ര​മം. 75 വ​ർ​ഷം മു​മ്പ് ക​ത്ത​നാ​രു​ടെ ഹൈ​ന്ദ​വ​രാ​യ സു​ഹൃ​ത്തു​ക്ക​ൾ കാ​ര​യ്ക്കാ​ട് സെ​ന്റ് ജോ​സ​ഫ് ക​ത്തോ​ലി​ക്ക പ​ള്ളി​മു​റ്റ​ത്ത് പ​ണി​ത​താ​ണ് ക​ല്ല​റ. ഏ​പ്രി​ൽ 10ന് ​ക​ത്ത​നാ​രു​ടെ മ​ര​ണ​ത്തി​ന് 75 വ​ർ​ഷം തി​ക​ഞ്ഞ​പ്പോ​ൾ കു​ടും​ബാം​ഗ​ങ്ങ​ളും ഇ​ട​വ​ക​ക്കാ​രും പ്ര​ത്യേ​ക പ്രാ​ർ​ഥ​ന​യും കു​ർ​ബാ​ന​യും ന​ട​ത്തി.

ഒ​രു ക്രി​സ്ത്യ​ൻ പു​രോ​ഹി​ത​ന്റെ ക​ല്ല​റ ഹൈ​ന്ദ​വ സ​ഹോ​ദ​ര​ങ്ങ​ൾ പ​ണി​ക​ഴി​പ്പി​ച്ച​ത് മ​ത​മൈ​ത്രി​യു​ടെ പ്ര​തീ​ക​മാ​യി ഇ​ന്നും നി​ല​കൊ​ള്ളു​ന്നു. കാ​ലം ഇ​ത്ര പി​ന്നി​ട്ടി​ട്ടും പു​തി​യ ത​ല​മു​റ ആ ​സ്നേ​ഹ​ത്തി​ന് മു​ന്നി​ൽ ന​മി​ക്കു​ന്നു.

പു​തി​യ പ​ള്ളി പ​ണി​യാ​ൻ പ​ഴ​യ ക​ല്ല​റ മാ​റ്റി​സ്ഥാ​പി​ച്ച​പ്പോ​ൾ അ​തി​ൽ ഇ​ട​വ​ക​ക്കാ​ർ ക​ത്ത​നാ​രു​ടെ പേ​രി​നൊ​പ്പം ഹൈ​ന്ദ​വ​രാ​യ കൂ​ട്ടു​കാ​ർ സ്നേ​ഹ, ബ​ഹു​മാ​ന പു​ര​സ​രം പ​ണി​ത​തെ​ന്ന് കൊ​ത്തി​വെ​ക്കാ​നും മ​റ​ന്നി​ല്ല. വൈ​ദി​ക വൃ​ത്തി​ക്കൊ​പ്പം സ​മൂ​ഹ ന​ന്മ​യാ​ക്കാ​യി പ്ര​വ​ർ​ത്തി​ച്ച കു​ള​ന​ട ഉ​ള്ള​ന്നൂ​ർ പ​മ്പൂ​രേ​ത്ത് ചാ​ണ്ട​പ്പി​ള്ള ക​ത്ത​നാ​ർ​ക്കു​വേ​ണ്ടി​യാ​ണ് 1949 ഏ​പ്രി​ൽ പ​ത്തി​ന് സു​ഹൃ​ത്തു​ക്ക​ൾ ക​ല്ല​റ​യൊ​രു​ക്കി​യ​ത്. പു​തി​യ പ​ള്ളി പ​ണി​യാ​ൻ 2023 ഏ​പ്രി​ൽ 10ന് ​ക​ല്ല​റ മാ​റ്റി​സ്ഥാ​പി​ച്ച​പ്പോ​ൾ പ​ള്ളി​യോ​ടു​ചേ​ർ​ന്ന് ആ​ദ്യ സ്ഥാ​ന​ത്തു​ത​ന്നെ പു​തി​യ ക​ല്ല​റ തീ​ർ​ത്തു. ആ​ചാ​ര​പ്ര​കാ​രം ബി​ഷ​പ് സാ​മു​വേ​ൽ മാ​ർ ഐ​റേ​നി​യോ​സി​ന്റെ കാ​ർ​മി​ക​ത്വ​ത്തി​ലാ​യി​രു​ന്നു ക​ത്ത​നാ​രു​ടെ ഭൗ​തി​കാ​വ​ശി​ഷ്ടം പു​തി​യ ക​ല്ല​റ​യി​ലേ​ക്ക് മാ​റ്റി​യ​ത്.

ശ്രീ​മൂ​ലം പ്ര​ജാ​സ​ഭ​യി​ൽ വോ​ട്ട​വ​കാ​ശ​മു​ണ്ടാ​യി​രു​ന്ന പു​രോ​ഹി​ത​ൻ, നി​വ​ർ​ത്ത​ന പ്ര​ക്ഷോ​ഭ​ത്തി​ന്റെ മു​ന്ന​ണി പോ​രാ​ളി, മാ​ന്തു​ക ഗ​വ. യു.​പി സ്‌​കൂ​ൾ സ്ഥാ​പ​ക​ൻ, പ​രു​മ​ല തി​രു​മേ​നി​യു​ടെ സെ​ക്ര​ട്ട​റി, ക​ത്തോ​ലി​ക്ക സ​ഭ​യു​ടെ പു​ന​രൈ​ക്യ പ്ര​സ്ഥാ​ന​ത്തി​ന്റെ ആ​ദ്യ​കാ​ല നേ​താ​ക്ക​ളി​ൽ പ്ര​മു​ഖ​ൻ, മാ​ർ ഇ​വാ​നി​യോ​സി​ന്റെ സം​ര​ക്ഷ​ക​ൻ, കാ​ര​ക്കാ​ട് സെ​ന്റ് ജോ​സ​ഫ് ക​ത്തോ​ലി​ക്ക ഇ​ട​വ​ക​യു​ടെ പ്ര​ഥ​മ വി​കാ​രി, സ​ര​സ​ക​വി മൂ​ലൂ​ർ എ​സ്. പ​ത്മ​നാ​ഭ പ​ണി​ക്ക​ർ, മ​ഹാ​ക​വി പ​ന്ത​ളം കേ​ര​ള വ​ർ​മ തു​ട​ങ്ങി​യ​വ​രു​ടെ ഉ​റ്റ​മി​ത്രം തു​ട​ങ്ങി ഒ​ട്ടേ​റെ സ​വി​ശേ​ഷ​ത​ക​ളു​ടെ ഉ​ട​മ​യാ​യി​രു​ന്നു ചാ​ണ്ട​പ്പി​ള്ള ക​ത്ത​നാ​ർ.

കു​ള​ന​ട​യി​ൽ സ​ർ​ക്കാ​ർ ആ​ശു​പ​ത്രി തു​ട​ങ്ങാ​ൻ നേ​തൃ​ത്വം ന​ൽ​കി​യ​തും ച​ന്ത സ്ഥാ​പി​ക്കാ​ൻ മു​ൻ​കൈ​യെ​ടു​ത്ത​തും അ​ച്ച​നാ​ണെ​ന്ന് ചെ​റു​മ​ക​നും മൃ​ഗ​സം​ര​ക്ഷ​ണ വ​കു​പ്പ് ജോ​യ​ന്റ് ഡ​യ​റ​ക്ട​റു​മാ​യ കെ.​എ. ജോ​ണും ഇ​ദ്ദേ​ഹ​ത്തി​ന്റെ സ​ഹോ​ദ​ര​പു​ത്ര​നാ​യ അ​ഡ്വ. കെ.​സി. ജോ​സും പ​റ​ഞ്ഞു. പ​മ്പൂ​രേ​ത്ത് വീ​ട്ടി​ൽ ഉ​മ്മു​മ്മ​ന്റെ ര​ണ്ടാ​മ​ത്തെ മ​ക​നാ​യി 1870 ഏ​പ്രി​ലി​ൽ ജ​നി​ച്ച ക​ത്ത​നാ​ർ 1949 ഏ​പ്രി​ൽ 10ന് 79ാം ​വ​യ​സ്സി​ലാ​ണ്​ നി​ര്യാ​ത​നാ​യ​ത്.