നായ്​ ശല്യം രൂക്ഷം: സ്കൂളിൽ പോകാൻ ബാഗുമാ​ത്രം പോരാ; വടിയും കല്ലും കരുതണം

പ​ന്ത​ളം: പു​സ്ത​ക​വും ബാ​ഗും മാ​ത്രം പോ​രാ സ്കൂ​ളി​ൽ പോ​കാ​ൻ വ​ടി​യും ക​ല്ലും കൂ​ടി ക​രു​ത​ണം പ​ന്ത​ള​ത്തെ വി​ദ്യാ​ർ​ഥി​ക​ൾ​ക്ക്. തെ​രു​വു​നാ​യ്ക്ക​ളെ പേ​ടി​ച്ചാ​ണ് വി​ദ്യാ​ർ​ഥി​ക​ളു​ടെ സ്കൂ​ളി​ലേ​ക്കും തി​രി​ച്ചു​മു​ള്ള യാ​ത്ര. ദി​വ​സ​വും ര​ക്ഷി​താ​ക്ക​ൾ വി​ദ്യാ​ർ​ഥി​ക​ളെ സ്കൂ​ളി​ലാ​ക്കാ​നും വൈ​കീ​ട്ട് തി​രി​കെ വി​ളി​ക്കാ​നും നി​ന്നാ​ൽ ജോ​ലി​ക്ക്​ പോ​കാ​ൻ ക​ഴി​യാ​തെ വ​രും. ഇ​ക്കാ​ര്യം ക​ണ​ക്കി​ലെ​ടു​ത്താ​ണ് വി​ദ്യാ​ർ​ഥി​ക​ൾ പ്ര​തി​രോ​ധ​ത്തി​നാ​യി സ്വ​ന്തം നി​ല​യി​ൽ മു​ൻ​ക​രു​ത​ൽ എ​ടു​ക്കു​ന്ന​ത്. തെ​രു​വു​നാ​യ്ക്ക​ളെ നി​യ​ന്ത്രി​ക്കാ​ൻ സം​വി​ധാ​നം ഒ​രു​ക്ക​ണ​മെ​ന്ന് പ​ല​ത​വ​ണ പ​റ​ഞ്ഞെ​ങ്കി​ലും അ​ധി​കൃ​ത​ർ തി​രി​ഞ്ഞു നോ​ക്കു​ന്നി​ല്ലെ​ന്ന്​ ര​ക്ഷി​താ​ക്ക​ളും നാ​ട്ടു​കാ​രും പ​റ​യു​ന്നു. ഒ​റ്റ​ക്ക്​ വ​രു​ന്ന സ്ത്രീ​ക​ളെ​യും കു​ട്ടി​ക​ളെ​യു​മാ​ണ് തെ​രു​വു​നാ​യ്ക്ക​ൾ കൂ​ടു​ത​ലാ​യി ആ​ക്ര​മി​ക്കു​ന്ന​ത്. ഇ​ത്​ ഒ​ഴി​വാ​ക്കാ​ൻ കൂ​ട്ടം​കൂ​ടി​യാ​ണ് വി​ദ്യാ​ർ​ഥി​ക​ളു​ടെ യാ​ത്ര. ക​ഴി​ഞ്ഞ മൂ​ന്നു മാ​സ​ത്തി​നി​ട​യി​ൽ നി​ര​വ​ധി പേ​ർ​ക്കാ​ണ് പ​ന്ത​ള​ത്ത് നാ​യു​ടെ ക​ടി​യേ​റ്റ​ത്. ഇ​പ്പോ​ഴും പ​ല​രും ചി​കി​ത്സ​യി​ലാ​ണ്. ക​ഴി​ഞ്ഞ ര​ണ്ടു​ദി​വ​സ​മാ​യി ക​ട​യ്ക്കാ​ട് മേ​ഖ​ല​യി​ൽ നാ​യ്​​ക്ക​ൾ കൂ​ട്ട​ത്തോ​ടെ ച​ത്ത സം​ഭ​വ​മു​ണ്ടാ​യി.