കു​ട്ടി​ക​ളെ ക​ണ്ടെ​ത്തി ഡി​വി​ഷ​നു​ക​ൾ നി​ല​നി​ർ​ത്താ​നു​ള്ള നെ​ട്ടോ​ട്ട​ത്തി​ൽ അ​ധ്യാ​പ​ക​ർ തുറക്കാറായി; അണിഞ്ഞൊരുങ്ങി വിദ്യാലയങ്ങൾ

പ​ന്ത​ളം: വേ​ന​ല​വ​ധി​യു​ടെ ആ​ല​സ്യം ക​ഴി​ഞ്ഞു സ്കൂ​ളി​ന്റെ ചി​ട്ട​യി​ലേ​ക്കു പോ​കാ​നു​ള്ള ത​യാ​റെ​ടു​പ്പി​ലാ​ണു കു​രു​ന്നു​ക​ൾ. ഇ​നി എ​ട്ടു ദി​വ​സം മാ​ത്രം. കു​ട്ടി​ക​ളെ​ത്തു​ന്ന​തും കാ​ത്ത്​ സ്കൂ​ളു​ക​ളും ഒ​രു​ക്കം തു​ട​ങ്ങി. അ​ധ്യാ​പ​ക​ർ കു​ട്ടി​ക​ളെ ക​ണ്ടെ​ത്തി ഡി​വി​ഷ​നു​ക​ൾ നി​ല​നി​ർ​ത്താ​നു​ള്ള നെ​ട്ടോ​ട്ട​ത്തി​ലാ​ണ്. കു​ട്ടി​ക​ളെ തി​ര​ഞ്ഞു​ള്ള പ​ര​ക്കം​പാ​ച്ചി​ലാ​ണ് ചി​ല സ്കൂ​ളി​ലെ അ​ധ്യാ​പ​ക​ർ.

സ്കൂ​ൾ തു​റ​ക്കു​ന്ന​തി​നു മു​ന്നോ​ടി​യാ​യി അ​റ്റ​കു​റ്റ​പ്പ​ണി​ക​ൾ 27ന​കം പൂ​ർ​ത്തി​യാ​ക്ക​ണ​മെ​ന്നാ​ണ്​ പൊ​തു​വി​ദ്യാ​ഭ്യാ​സ വ​കു​പ്പ് നി​ർ​ദേ​ശം. സ്കൂ​ൾ പ​രി​സ​രം, ക്ലാ​സ് മു​റി​ക​ൾ, ശു​ചി​മു​റി, മൈ​താ​നം എ​ന്നി​വ വൃ​ത്തി​യാ​ക്ക​ണം. ഇ​ഴ​ജ​ന്തു​ക്ക​ൾ ഇ​ല്ലെ​ന്ന് ഉ​റ​പ്പാ​ക്ക​ണം. ശു​ദ്ധ​ജ​ല സ്രോ​ത​സു​ക​ൾ‌ അ​ണു​വി​മു​ക്ത​മാ​ക്കു​ന്ന​തി​നൊ​പ്പം സാം​പ്​​ൾ ല​ബോ​റ​ട്ട​റി​യി​ൽ പ​രി​ശോ​ധി​ക്ക​ണം. ഏ​തെ​ങ്കി​ലും കു​ട്ടി ക്ലാ​സി​ൽ നി​ശ്ചി​ത സ​മ​യം ക​ഴി​ഞ്ഞും എ​ത്തി​യി​ല്ലെ​ങ്കി​ൽ ര​ക്ഷി​താ​ക്ക​ളെ വി​വ​രം അ​റി​യി​ക്ക​ണം. വീ​ട്ടി​ൽ നി​ന്നു വി​ദ്യാ​ർ​ഥി സ്കൂ​ളി​ലേ​ക്ക് പോ​യെ​ന്നു മ​ന​സ്സി​ലാ​യാ​ൽ ആ ​വി​വ​രം പൊ​ലീ​സി​നെ അ​റി​യി​ക്ക​ണം തു​ട​ങ്ങി​യ 30 നി​ർ​ദേ​ശ​ങ്ങ​ളാ​ണു പു​റ​ത്തി​റ​ക്കി​യ​ത്.

ബ​സു​ക​ൾ​ക്ക് ഫി​റ്റ്ന​സ് പ​രീ​ക്ഷ

താ​ലൂ​ക്കു​ക​ൾ കേ​ന്ദ്രീ​ക​രി​ച്ചും വി​വി​ധ​യി​ട​ങ്ങ​ളി​ലും സ്കൂ​ളു​ക​ളി​ൽ ഫി​റ്റ്ന​സ് പ​രി​ശോ​ധ​ന ന​ട​ത്തും. വാ​ഹ​ന​ത്തി​ന്റെ മെ​ക്കാ​നി​ക്ക​ൽ ക​ണ്ടീ​ഷ​ൻ മു​ത​ൽ പ്ര​ഥ​മ ശു​ശ്രൂ​ഷ കി​റ്റ്, സീ​റ്റ് തു​ട​ങ്ങി​യ​വ വ​രെ പ​രി​ശോ​ധി​ക്കും. ക​രാ​ർ വ്യ​വ​സ്ഥ​യി​ൽ സ്കൂ​ൾ വി​ദ്യാ​ർ​ഥി​ക​ളു​മാ​യി സ​ർ​വീ​സ് ന​ട​ത്തു​ന്ന വാ​ഹ​ന​ങ്ങ​ൾ മു​ൻ​പി​ലും പി​ന്നി​ലും സ്കൂ​ൾ വാ​ൻ എ​ന്നു പ്ര​ദ​ർ​ശി​പ്പി​ക്ക​ണം. ഡ്രൈ​വ​ർ​മാ​ർ​ക്കും ആ​യ​മാ​ർ​ക്കും എം​വി​ഡി ഓ​റി​യ​ന്റേ​ഷ​ൻ ക്ലാ​സും ന​ൽ​കും.

സ്കൂ​ൾ വാ​ഹ​ന ലൊ​ക്കേ​ഷ​ൻ അ​റി​യാം

സ്കൂ​ൾ വാ​ഹ​നം എ​വി​ടെ എ​ത്തി​യെ​ന്ന കൃ​ത്യ​മാ​യ ലൊ​ക്കേ​ഷ​ൻ വി​വ​രം ര​ക്ഷി​താ​ക്ക​ൾ, സ്കൂ​ൾ അ​ധി​കൃ​ത​ർ, മോ​ട്ടോ​ർ വാ​ഹ​ന വ​കു​പ്പ് എ​ന്നി​വ​ർ​ക്കു നി​രീ​ക്ഷി​ക്കാ​ൻ ക​ഴി​യു​ന്ന വി​ദ്യാ​വാ​ഹി​നി ആ​പ് ഇ​ത്ത​വ​ണ നി​ർ​ബ​ന്ധ​മാ​ക്കും. ക​ഴി​ഞ്ഞ വ​ർ​ഷം ആ​പ് കൊ​ണ്ടു​വ​ന്നെ​ങ്കി​ലും 10 ശ​ത​മാ​നം സ്കൂ​ൾ വാ​ഹ​ന​ങ്ങ​ളി​ൽ പോ​ലും പ്രാ​വ​ർ​ത്തി​ക​മാ​യി​ല്ല. വി​ദ്യാ​വാ​ഹി​നി പ്ര​വ‍ർ​ത്ത​ന​ക്ഷ​മ​മാ​ക്കാ​ൻ എ​ല്ലാ സ്കൂ​ളു​ക​ളും ഐ​ഡി തു​റ​ക്ക​ണം. തു​ട​ർ​ന്നു ര​ക്ഷാ​ക​ർ​ത്താ​ക്ക​ൾ​ക്കും ഐ​ഡി തു​റ​ന്നു ന​ൽ​ക​ണം.