തിങ്ങിനിറഞ്ഞ് മാലിന്യം; ഒഴുക്കു നിലച്ച് പന്തളം കുറുന്തോട്ടയം തോട്

പ​ന്ത​ളം: പ്ലാ​സ്റ്റി​ക് കു​പ്പി​ക​ൾ ഉ​ൾ​പ്പെ​ടെ​യു​ള്ള മാ​ലി​ന്യം നി​റ​ഞ്ഞ​തോ​ടെ പ​ന്ത​ളം കു​റു​ന്തോ​ട്ട​യും തോ​ട് മ​ലി​ന​പ്പെ​ട്ടു. മാ​വ​ര പാ​റ​യി​ൽ​നി​ന്ന്​ തു​ട​ങ്ങി ക​ട​യ്ക്കാ​ട് പ​ന്ത​ളം ജ​ങ്​​ഷ​ന്​ സ​മീ​പ​ത്തി​ലൂ​ടെ ഒ​ഴു​കി ചേ​രി​യ്ക്ക​ലി​ൽ അ​വ​സാ​നി​ക്കു​ന്ന കു​റു​ന്തോ​ട്ട​യും തോടിനാണ്​ ഈ ദ​യ​നീ​യാ​വ​സ്ഥ. തോടി​ന്‍റെ ഇ​രു​ക​രയും പ​ല​രും കൈ​യേ​റി കെ​ട്ടി​ട​ങ്ങ​ൾ നി​ർ​മി​ച്ചി​രി​ക്കു​ക​യാ​ണ്.

വീ​തി കു​റ​ഞ്ഞ തോ​ട്ടി​ൽ ഇ​പ്പോ​ൾ ഒ​ഴു​ക്കി​ല്ല. ഒ​രു​കാ​ല​ത്ത് കു​ളി​ക്കാ​ൻ വ​രെ ഉ​പ​യോ​ഗി​ച്ചി​രു​ന്ന തോ​ടാ​ണ് ഇ​പ്പോ​ൾ ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന​ത്. ഇ​വി​ട​ങ്ങ​ളി​ൽ മാ​ലി​ന്യം ത​ള്ളി​യ​തി​നെ തു​ട​ർ​ന്നാണ്​ ഒ​ഴു​ക്കു നി​ല​ച്ച​ത്. തോ​ട് ക​ട​ന്നു​പോ​കു​ന്ന​തി​ന്റെ ഇ​രു ക​ര​യി​ലു​മാ​യി ഒ​ട്ടേ​റെ വീ​ടു​ക​ളു​ണ്ട്. മ​ഴ​ക്കാ​ല​ത്ത് പ്ര​ദേ​ശ​ത്തെ വീ​ടു​ക​ളി​ൽ വെ​ള്ളം ക​യ​റു​ന്ന​ത് ഒ​ഴി​വാ​ക്കാ​നാ​ണ് പ​തി​റ്റാ​ണ്ടു​ക​ൾ​ക്ക് മു​മ്പ്​ തോ​ട് നി​ർ​മി​ച്ച​ത്.

അ​ടു​ത്ത കാ​ല​ത്താ​ണ് തോ​ട്ടി​ലേ​ക്ക് മാ​ലി​ന്യം ത​ള്ളു​ന്ന​ത് രൂ​ക്ഷ​മാ​യ​തെ​ന്ന് നാ​ട്ടു​കാ​ർ പ​റ​യു​ന്നു. ഒ​ഴു​ക്കു​നി​ല​ച്ച​തോ​ടെ തോ​ട്ടി​ൽ ഉ​യ​ർ​ന്ന വെ​ള്ള​വും മാ​ലി​ന്യ​വും പ​രി​സ​ര​ത്തെ വീ​ടു​ക​ളി​ലേ​ക്കും ക​ര​ക​വി​ഞ്ഞ് എ​ത്തി. തോ​ട്​ ക​ട​ന്നു​പോ​കു​ന്ന വ​ശ​ങ്ങ​ളി​ലെ ഏ​താ​നും വീ​ട്ടു​കാ​ർ​ക്ക് ഡെ​ങ്കി​പ്പ​നി​യും പി​ടി​പെ​ട്ടു. ഇ​ത്ര​യും ഗൗ​ര​വ​മാ​യ സാ​ഹ​ച​ര്യ​ത്തെ​ക്കു​റി​ച്ച് ന​ഗ​ര​സ​ഭ അ​ധി​കൃ​ത​രോ​ട് ഒ​ട്ടേ​റെ ത​വ​ണ പ​രാ​തി​പ്പെ​ട്ടി​ട്ടും പ​രി​ഹാ​രം ഉ​ണ്ടാ​യി​ല്ലെ​ന്നും ആ​ക്ഷേ​പ​മു​ണ്ട്.