കാട്ടുപന്നി ശല്യം അതിരൂക്ഷം; വഴി നടക്കാനാകാതെ ജനം

പ​ന്ത​ളം: കാ​ട്ടു​പ​ന്നി ശ​ല്യം രൂ​ക്ഷ​മാ​യ​പ്പോ​ൾ ക​ർ​ഷ​ക​ർ​ക്കൊ​പ്പം ദു​രി​ത​ത്തി​ലാ​യി വ​ഴി​യാ​ത്ര​ക്കാ​രും. സ​ന്ധ്യ​യാ​കു​ന്ന​തോ​ടെ പ​ന്നി​ക്കൂ​ട്ട​ത്തെ പേ​ടി​ച്ചു വ​ഴി ന​ട​ക്കാ​ൻ​പോ​ലും പ​റ്റാ​ത്ത അ​വ​സ്ഥയിലാണ്​.

കാ​ട്ടു​പ​ന്നി ശ​ല്യം രൂ​ക്ഷ​മാ​യ പ​ഞ്ചാ​യ​ത്തു​ക​ളി​ലും പ​ന്ത​ളം ന​ഗ​ര​സ​ഭ പ​രി​ധി​യി​ലും ജാ​ഗ്ര​ത സ​മി​തി പോ​ലും വി​ളി​ച്ചു ചേ​ർ​ക്കാ​ൻ അ​ധി​കാ​രി​ക​ൾ ത​യാ​റാ​യി​ട്ടി​ല്ലെ​ന്നാ​ണ്​ ക​ർ​ഷ​ക​രു​ടെ പ​രാ​തി. ‌വ​ന​ത്തി​ൽ ക​ടു​വ​യ​ട​ക്ക​മു​ള്ള മൃ​ഗ​ങ്ങ​ൾ വ​ർ​ധി​ച്ച​താ​കാം പ​ന്നി​ക​ൾ കൂ​ട്ട​ത്തോ​ടെ നാ​ട്ടി​ൻ​പു​റ​ങ്ങ​ളി​ൽ ത​മ്പ​ടി​ക്കാ​ൻ കാ​ര​ണ​മെ​ന്ന്​ ക​ർ​ഷ​ക​ർ പ​റ​യു​ന്നു.

കൂ​ട്ട​ത്തോ​ടെ​യെ​ത്തു​ന്ന​വ ക​പ്പ, ചേ​ന, ചേ​മ്പ്. വാ​ഴ, കാ​ച്ചി​ൽ, പ​ച്ച​ക്ക​റി​ക​ൾ എ​ന്നി​വ ന​ശി​പ്പി​ക്കു​ന്ന​തി​നു പു​റ​മെ വ​ള​ർ​ത്തു​മൃ​ഗ​ങ്ങ​ൾ​ക്കും ശ​ല്യ​മാ​കു​ന്നു​ണ്ട്. കൂ​ടാ​തെ പു​ല​ർ​ച്ച ടാ​പ്പി​ങ്, പ​ത്ര​വി​ത​ര​ണം, പാ​ൽ എ​ന്നി​വ​ക്കാ​യി പോ​കു​ന്ന​വ​രും ഇ​വ​യു​ടെ ശ​ല്യം മൂ​ലം ബു​ദ്ധി​മു​ട്ടു​ക​യാ​ണ്. ആ​ളെ ക​ണ്ടാ​ൽ​പോ​ലും മാ​റാ​തെ കു​ഞ്ഞു​ങ്ങ​ളു​മാ​യി റോ​ഡി​ൽ ത​മ്പ​ടി​ക്കു​ന്ന പ​ന്നി​ക്കൂ​ട്ട​വു​മു​ണ്ട്.

മു​റ്റ​ത്തു കൂ​ട്ടി​യി​ട്ടി​രു​ന്ന തേ​ങ്ങ അ​ക​ത്താ​ക്കു​ന്ന​തും സ്ഥി​രം പ​രി​പാ​ടി​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ൽ പ​ന്ത​ളം ക​ട​ക്കാ​ട് വ​ട​ക്ക് ഭാ​ഗ​ത്ത് കാ​ട്ടു​പ​ന്നി​ക​ൾ വ്യാ​പ​ക​മാ​യി ക​പ്പ​കൃ​ഷി വ​ലി​യ​തോ​തി​ൽ ന​ശി​പ്പി​ച്ചു. ഇ​പ്പോ​ൾ തെ​ങ്ങും തൈ​ക​ൾ, എ​ത്ത​വാ​ഴ, മ​റ്റു വാ​ഴ​ക​ൾ, ചേ​മ്പ്, മ​റ്റു കൃ​ഷി ചെ​യ്യാ​ൻ പ​റ്റാ​ത്ത അ​വ​സ്ഥ​യി​ലാ​ണ്.

അ​ധി​കൃ​ത​രു​ടെ മു​ന്നി​ൽ പ​ല​ത​വ​ണ പ​രാ​തി​പ്പെ​ട്ടി​ട്ടും ന​ട​പ​ടി സ്വീ​ക​രി​ച്ചി​ല്ലെ​ന്ന് ക​ർ​ഷ​ക​ർ പ​റ​യു​ന്നു.കൃ​ഷി ന​ശി​പ്പി​ക്കു​ന്ന പ​ന്നി​യെ വെ​ടി​ക്കാ​ൻ ക​രാ​ർ ന​ൽ​കി​യി​ട്ടു​ള്ള ഷൂ​ട്ട​റെ ക​ട​ക്കാ​ട് ഭാ​ഗ​ത്തേ​ക്ക്‌ എ​ത്തി​ക്കാ​ൻ അ​ടി​യ​ന്ത​ര ന​ട​പ​ടി കൈ​ക്കൊ​ള്ള​ണ​മെ​ന്ന്​ വാ​ർ​ഡ്‌ കൗ​ൺ​സി​ല​ർ കെ.​ആ​ർ. ര​വി ആ​വ​ശ്യ​പ്പെ​ട്ടു.