പത്തനംതിട്ട കാർഷിക ഗ്രാമവികസന ബാങ്ക് തെരഞ്ഞെടുപ്പ്​; യു.ഡി.എഫ്​ സ്ഥാനാർഥികളെ മത്സരിപ്പിക്കാൻ ഹൈകോടതി അനുമതി

പ​ത്ത​നം​തി​ട്ട: പ​ത്ത​നം​തി​ട്ട പ്രാ​ഥ​മി​ക സ​ഹ​ക​ര​ണ കാ​ർ​ഷി​ക ഗ്രാ​മ​വി​ക​സ​ന ബാ​ങ്ക് തെ​ര​ഞ്ഞെ​ടു​പ്പി​ൽ യു.​ഡി.​എ​ഫ് സ്ഥാ​നാ​ർ​ഥി​ക​ളാ​യ പി. ​മോ​ഹ​ൻ​രാ​ജ്, റെ​നീ​സ് മു​ഹ​മ്മ​ദ്​ എ​ന്നി​വ​രു​ടെ പ​ത്രി​ക​ക​ൾ അംഗീകരിക്കാനും മത്സര അനുമതി നൽകാനും സ​ഹ​ക​ര​ണ വ​കു​പ്പി​നോ​ട്​ ഹൈ​കോ​ട​തി നി​ർ​ദേ​ശി​ച്ചു.

പത്രിക തള്ളിയ വരണാധികാരിയുടെ നടപടി തള്ളിയാണ്​ ഹൈകോടതി ഉത്തരവ്​. നി​ക്ഷേ​പ മ​ണ്ഡ​ല​ത്തി​ലെ സ്ഥാ​നാ​ർ​ഥി​ക​ളാ​യാ​ണ് ഇ​രു​വ​രും പ​ത്രി​ക ന​ൽ​കി​യ​ത്. ഇ​വ​രെ​ടു​ത്ത വാ​യ്പ​ക്ക്​ ജാ​മ്യം നി​ന്ന​ത് സ​ർ​വി​സ് സ​ഹ​ക​ര​ണ ബാ​ങ്ക് ജീ​വ​ന​ക്കാ​രാ​ണെ​ന്ന കാ​ര​ണ​ത്താ​ൽ വ​ര​ണാ​ധി​കാ​രി ഇ​രു​വ​രു​ടെ​യും പ​ത്രി​ക ത​ള്ളി​യി​രു​ന്നു. ഇ​തേ തു​ട​ർ​ന്നാ​ണ്​ കെ.​പി.​സി.​സി നി​ർ​വാ​ഹ​ക സ​മി​തി അം​ഗം​കൂ​ടി​യാ​യ മോ​ഹ​ൻ​രാ​ജി​ന്‍റെ നേ​തൃ​ത്വ​ത്തി​ൽ ഹൈ​കോ​ട​തി​യെ സ​മീ​പി​ച്ച​ത്​. കോ​ൺ​ഗ്ര​സ്​ മ​ണ്ഡ​ലം പ്ര​സി​ഡ​ന്റാ​ണ്​ റെ​നീ​സ് മു​ഹ​മ്മ​ദ്. വ​ർ​ഷ​ങ്ങ​ളാ​യി യു.​ഡി.​എ​ഫ് ഭ​രി​ക്കു​ന്ന ബാ​ങ്കാ​ണി​ത്.

നി​യ​മം അ​നു​സ​രി​ച്ച് സ​ഹ​ക​ര​ണ ബാ​ങ്ക് ജീ​വ​ന​ക്കാ​ർ​ക്ക് പ്രാ​ഥ​മി​ക സ​ഹ​ക​ര​ണ കാ​ർ​ഷി​ക ഗ്രാ​മ​വി​ക​സ​ന ബാ​ങ്ക് വാ​യ്പ​ക​ൾ​ക്ക് ജാ​മ്യം നി​ൽ​ക്കാ​ൻ​ ത​ട​സ്സ​മി​​ല്ലെ​ന്നും സി.​പി.​എ​മ്മി​ന്റെ സ​മ്മ​ർ​ദ​ത്തി​നു വ​ഴ​ങ്ങി​യാ​ണ് പ​ത്രി​ക ത​ള്ളി​യ​തെ​ന്നു​മാ​ണ്​ യു.​ഡി.​എ​ഫി​ന്റെ ആ​രോ​പ​ണം. ഇ​വ​രു​ടെ പ​ത്രി​ക ത​ള്ളി​യ​തി​നെ തു​ട​ർ​ന്ന്​ യു.​ഡി.​എ​ഫ്​ പ​ക​രം സ്ഥാ​നാ​ർ​ഥി​ക​ളെ​യും നി​ർ​ത്തി​യി​രു​ന്നു. എ​ൻ.​ജി.​ഒ അ​സോ​സി​യേ​ഷ​ൻ മു​ൻ ജി​ല്ല പ്ര​സി​ഡ​ന്റ് അ​ബ്ദു​ൽ ഹാ​രി​സ്, സ​ജീ​വ് ജോ​സ​ഫ് മാ​ത്യു എ​ന്നി​വ​ർ പ​ക​രം സ്ഥാ​നാ​ർ​ഥി​ക​ളാ​യി നി​ക്ഷേ​പ മ​ണ്ഡ​ല​ത്തി​ൽ പ​​ത്രി​ക ന​ൽ​കി​യി​രു​ന്നു.

മോ​ഹ​ൻ​രാ​ജി​ന്‍റെ​യം റ​നീ​സി​ന്‍റെ​യും പേ​രു​ക​ൾ അം​ഗീ​ക​രി​ക്ക​പ്പെ​ട്ടാ​ൽ ബാ​ല​റ്റി​ൽ അ​ബ്ദു​ൽ ഹാ​രി​സ്, സ​ജീ​വ് ജോ​സ​ഫ് മാ​ത്യു പേ​രു​ക​ൾ​കൂ​ടി ഉ​ണ്ടാ​കും. ഈ​മാ​സം 14ന് ​പ​ത്ത​നം​തി​ട്ട മാ​ർ​ത്തോ​മ ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​ണ് വോ​ട്ടെ​ടു​പ്പ്.

വാ​യ്പ മ​ണ്ഡ​ല​ത്തി​ൽ എ​ട്ട്, വ​നി​ത സം​വ​ര​ണം മൂ​ന്ന്, നി​ക്ഷേ​പ മ​ണ്ഡ​ലം ഒ​ന്ന്, പ​ട്ടി​ക​ജാ​തി മ​ണ്ഡ​ലം ഒ​ന്ന് എ​ന്നി​വ ഉ​ൾ​പ്പെ​ടെ 13 സീ​റ്റി​ലേ​ക്കാ​ണ് മ​ത്സ​രം. ഇ​രു​മു​ന്ന​ണി​ക​ളും മ​ത്സ​ര രം​ഗ​ത്തു​ണ്ട്. കോ​ഴ​ഞ്ചേ​രി താ​ലൂ​ക്കാ​ണ് ബാ​ങ്കി​ന്റെ അ​ധി​കാ​ര പ​രി​ധി. 8458 വോ​ട്ട​ർ​മാ​രാ​ണു​ള്ള​ത്.