കമ്പിയിൽ വെള്ളം വീണാൽ അന്ന്​ കറന്‍റ്​ കട്ട്​!

ചു​ങ്ക​പ്പാ​റ: മ​ഴ​വെ​ള്ളം ക​മ്പി​യി​ൽ വീ​ണാ​ൽ വൈ​ദ്യു​തി മു​ട​ങ്ങും. വ​ർ​ഷ​ങ്ങ​ളാ​യി ഇ​ത് നി​ത്യ​സം​ഭ​വ​മാ​യി​ട്ടും പ​രി​ഹ​രി​ക്കാ​ൻ ന​ട​പ​ടി​യി​ല്ല. ചു​ങ്ക​പ്പാ​റ ബ​സ് സ്റ്റാ​ൻ​ഡ്​ ക​ട​മ്പാ​ട്ട് പ​ടി​റോ​ഡി​ലെ 15 ഓ​ളം കു​ടും​ബ​ങ്ങ​ളാ​ണ് ഇ​തു​മൂ​ലം ദു​രി​തം അ​നു​ഭ​വി​ക്കു​ന്ന​ത്. പ​തി​റ്റാ​ണ്ടു​ക​ൾ​ക്ക് മു​മ്പ്​ റ​ബ​ർ തോ​ട്ട​ങ്ങ​ൾ​ക്ക് ഇ​ട​യി​ലൂ​ടെ വ​ലി​ച്ച വൈ​ദ്യു​തി ലൈ​ൻ ആ​ണ് ഇ​പ്പോ​ഴും ഇ​തു​വ​ഴി ക​ട​ന്നു​പോ​കു​ന്ന​ത്. വെ​ള്ളം ക​മ്പി​യി​ൽ വീ​ണാ​ൽ പ്ര​ദേ​ശം ഇ​രു​ട്ടി​ലാ​കു​ന്ന അ​വ​സ്ഥ. മ​ര​ച്ചി​ല്ല​ക​ൾ ക​മ്പി​ക​ളി​ൽ ഉ​ര​സു​ന്ന​തി​നാ​ൽ വോ​ൾ​ട്ടേ​ജും ഉ​ണ്ടാ​കാ​റി​ല്ല. ഇ​തി​ന് പ​രി​ഹാ​രം കാ​ണാ​ൻ റ​ബ​ർ തോ​ട്ട​ത്തി​ലൂ​ടെ​യു​ള്ള വൈ​ദ്യു​തി​ലൈ​ൻ മാ​റ്റി​സ്ഥാ​പി​ക്കാ​ൻ ക​യ​റി​യി​റ​ങ്ങാ​ത്ത സ്ഥ​ല​ങ്ങ​ളു​മി​ല്ല. ഒ​ടു​വി​ൽ തീ​രു​മാ​ന​മാ​യി​ട്ടും ന​ട​പ​ടി ഉ​ണ്ടാ​കു​ന്നി​ല്ലെ​ന്നാ​ണ് പ്ര​ദേ​ശ​വാ​സി​ക​ളു​ടെ പ​രാ​തി.

മു​ഖ്യ​മ​ന്ത്രി പ​ങ്കെ​ടു​ത്ത ന​വ​കേ​ര​ള സ​ദ​സ്സി​ലും ക​രു​ത​ലും കൈ​താ​ങ്ങും അ​ദാ​ല​ത്തി​ലും പ​രാ​തി ന​ൽ​കി​യ​തി​നെ തു​ട​ർ​ന്ന് ആ​വ​ശ്യ​മാ​യ ന​ട​പ​ടി സ്വീ​ക​രി​ച്ച് പ​രി​ഹാ​രം ക​ണ​ണ​മെ​ന്ന് ബ​ന്ധ​പ്പെ​ട്ട അ​ധി​കൃ​ത​രോ​ട് മ​ന്ത്രി​മാ​ർ നി​ർ​ദേ​ശ​വും ന​ൽ​കി​യി​രു​ന്നു. എ​ന്നാ​ൽ, മാ​സ​ങ്ങ​ൾ ക​ഴി​ഞ്ഞി​ട്ടും അ​ധി​കൃ​ത​ർ അ​ന​ങ്ങാ​പ്പാ​റ ന​യ​മാ​ണ് സ്വി​ക​രി​ക്കു​ന്ന​ത്.

പ്ര​തി​ഷേ​ധം ശ​ക്ത​മാ​യ​തോ​ടെ ചു​ങ്ക​പ്പാ​റ ബ​സ് സ്റ്റാ​ന്‍റി​ൽ നി​ന്ന്​ ക​ട​മ്പാ​ട്ട്പ​ടി റോ​ഡി​ൽ ബ​സ് സ്റ്റാ​ന്‍റി​ന്‍റെ വ​ല​തു​ഭാ​ഗ​ത്ത് സ്ഥാ​പി​ച്ചി​രി​ക്കു​ന്ന എ​ൽ.​റ്റി പോ​സ്റ്റി​ൽ​നി​ന്ന്​ 350 മീ​റ്റ​ർ എ​ൽ.​റ്റി എ.​ബി.​സി കേ​ബി​ൾ വ​ലി​ച്ച് വൈ​ദ്യു​തി ന​ൽ​കാ​വു​ന്ന​താ​ണ​ന്നും അ​തി​ന് ഡി​പ്പോ​സി​റ്റ് വ​ർ​ക്ക് ഇ​ന​ത്തി​ൽ കെ.​എ​സ്.​ഇ.​ബി​ക്ക് 366378 രൂ​പ അ​ട​ക്കു​ന്ന മു​റ​ക്ക് തു​ട​ർ ന​ട​പ​ടി​ക​ൾ സ്വി​ക​രി​ക്കു​ന്ന​താ​ണെ​ന്നു​മാ​ണ്​ കെ.​എ​സ്.​ഇ.​ബി അ​ധി​കൃ​ത​ർ ഇ​പ്പോ​ൾ പ​റ​യു​ന്ന​ത്. റ​ബ​ർ തോ​ട്ട​ങ്ങ​ൾ​ക്ക് ഇ​ട​യി​ലൂ​ടെ സ്ഥാ​പി​ച്ച വൈ​ദ്യു​തി ലൈ​ൻ​മാ​റ്റി ചു​ങ്ക​പ്പാ​റ ബ​സ്റ്റാ​ൻ​ഡി​ൽ പു​തു​താ​യി സ്ഥാ​പി​ക്കു​ന്ന ട്രാ​ൻ​സ്ഫോ​ർ​മ​റി​ൽ​നി​ന്ന്​ റോ​ഡി​ലൂ​ടെ ക​ട​മ്പാ​ട്ട് പ​ടി​യി​ലേ​ക്ക് ലൈ​ൻ വ​ലി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. അ​ദാ​ല​ത്തി​ൽ പ​രി​ഹ​രി​ക്കാ​വു​ന്ന പ്ര​ശ്നം മാ​ത്ര​മാ​ണെ​ന്ന് ഉ​റ​പ്പ് ന​ൽ​കി​യ​വ​ർ ഇ​പ്പോ​ൾ ആ​വ​ശ്യ​മി​ല്ലാ​ത്ത കാ​ര​ണ​ങ്ങ​ൾ നി​ര​ത്തി ന​ട​പ്പാ​ക്കാ​തി​രി​ക്കാ​നാ​ണ് ശ്ര​മി​ക്കു​ന്ന​തെ​ന്ന് ആ​ക്ഷേ​പം ഉ​യ​ർ​ന്നി​ട്ടു​ണ്ട്.