ബസുകൾ പെരുമ്പുഴ സ്റ്റാൻഡിൽ കയറുന്നില്ല; പ്രതിഷേധവുമായി പഞ്ചായത്ത് അംഗങ്ങൾ

റാ​ന്നി: ബ​സ്സു​ക​ൾ സ്ഥി​ര​മാ​യി പെ​രു​മ്പു​ഴ ബ​സ്​ സ്റ്റാ​ൻഡിൽ ക​യ​റാ​ത്ത​തി​നെ​ത്തു​ട​ർ​ന്ന്​ പ്ര​തി​ഷേ​ധ​വു​മാ​യി എ​ൽ.​ഡി.​എ​ഫ് പ​ഞ്ചാ​യ​ത്ത് അം​ഗ​ങ്ങ​ൾ. റാ​ന്നി പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള പെ​രു​മ്പു​ഴ ബ​സ് സ്റ്റാ​ന്‍റി​ൽ ബ​സു​ക​ൾ ക​യ​റാ​ത്ത​തി​ൽ പ്ര​തി​ഷേ​ധി​ച്ചാ​ണ് ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി നേ​തൃ​ത്ത്വ​ത്തി​ലു​ള്ള ഭ​ര​ണ​സ​മി​തി അം​ഗ​ങ്ങ​ൾ രം​ഗ​ത്തു​വ​ന്ന​ത്. റാ​ന്നി​യി​ലേ​ക്ക് വ​രു​ന്ന ബ​സ്സു​ക​ൾ വ​രു​മ്പോ​ഴും തി​രി​കെ മ​ട​ങ്ങു​മ്പോ​ഴും പെ​രു​മ്പു​ഴ സ്റ്റാ​ൻ​ഡി​ൽ ക​യ​റ​ണ​മെ​ന്ന് ഹൈ​കോ​ട​തി വി​ധി​യു​ള്ള​താ​ണ്.

എ​ന്നാ​ൽ, റാ​ന്നി​യി​ലൂ​ടെ പ​ത്ത​നം​തി​ട്ട ഭാ​ഗ​ത്തേ​ക്കും എ​രു​മേ​ലി ഭാ​ഗ​ത്തേ​ക്കും പോ​കു​ന്ന കെ.​എ​സ്.​ആ​ർ.​ടി.​സി ഉ​ൾ​പ്പെ​ടെ​യു​ള്ള ബ​സ്സു​ക​ൾ സ്റ്റാ​ൻഡിന് മു​ന്നി​ൽ പു​ന​ലൂ​ർ മൂ​വാ​റ്റു​പു​ഴ സം​സ്ഥാ​ന​പാ​ത​യു​ടെ ഇ​രു ഭാ​ഗ​ത്തു​മാ​യി നി​ർ​ത്തി ആ​ളെ ക​യ​റ്റു​ക​യും ഇ​റ​ക്കു​ക​യു​മാ​ണ് ചെ​യ്യു​ന്ന​ത്. ബ​സ് പെ​രു​മ്പു​ഴ​യി​ലേ​ക്ക് വ​രാ​ത്ത​തി​നാ​ൽ ഇ​വി​ടേ​ക്ക് യാ​ത്ര ചെ​യ്യു​ന്ന​വ​ർ ഏ​റെ ബു​ദ്ധി​മു​ട്ടു​ന്നു. ബ​സു​ക​ൾ സ്റ്റാ​ൻഡി​ൽ ക​യ​റാ​തെ റോ​ഡി​ൽ നി​ർ​ത്തു​ന്ന​തു​മൂ​ലം അ​പ​ക​ട സാ​ധ്യ​ത​യു​മു​ണ്ട്. ബ​സ് റോ​ഡി​ൽ നി​ർ​ത്തു​മ്പോ​ൾ സ്‌​റ്റാ​ന്‍റി​ൽ നി​ൽ​ക്കു​ന്ന യാ​ത്ര​ക്കാ​ർ റോ​ഡ് മു​റി​ച്ചു​ക​ട​ക്കു​മ്പോ​ൾ അ​പ​ക​ട​മു​ണ്ടാ​കാ​നു​ള്ള സാ​ധ്യ​ത ഏ​റ​യാ​ണ്. തു​ട​ർ​ന്നും ബ​സു​ക​ൾ സ്റ്റാ​ൻ​ഡി​ൽ ക​യ​റാ​തെ വ​ന്നാ​ൽ ബ​ഹു​ജ​ന​ങ്ങ​ളെ ഉ​ൾ​പ്പെ​ടു​ത്തി സി.​പി.​എം പ്ര​ത്യ​ക്ഷ സ​മ​രം ഏ​റ്റെ​ടു​ക്കു​മെ​ന്ന് ലോ​ക്ക​ൽ ക​മ്മ​റ്റി സെ​ക്ര​ട്ട​റി എം. ​ശ​ര​ത് അ​റി​യി​ച്ചു.