വീടിന്‍റെ വാതിലും ജനലും നിർമിച്ചതിൽ തട്ടിപ്പ്​; കരാറുകാരൻ 2,03,000 രൂപ നഷ്ടപരിഹാരം നൽകണം

റാ​ന്നി: വീ​ടി​ന്‍റെ വാ​തി​ലു​ക​ളും ജ​ന​ലു​ക​ളും നി​ർ​മി​ച്ച ന​ല്‍കി​യ​തി​ൽ ത​ട്ടി​പ്പ്​ ന​ട​ത്തി​യ വ്യ​ക്തി വീ​ട്ടു​ട​മ​ക്ക്​ 2,03,000 രൂ​പ ന​ൽ​കാ​ൻ ജി​ല്ല ഉ​പ​ഭോ​ക്തൃ ത​ര്‍ക്ക പ​രി​ഹാ​ര ക​മീ​ഷ​ൻ ഉ​ത്ത​ര​വി​ട്ടു.

റാ​ന്നി ഉ​ന്ന​ക്കാ​വ് തു​ലാ​മ​ണ്ണി​ൽ ജോ​ബി​ൻ ജോ​സ് പ​ത്ത​നം​തി​ട്ട ഉ​പ​ഭോ​ക്തൃ ത​ർ​ക്ക​പ​രി​ഹാ​ര ക​മീ​ഷ​നി​ല്‍ ന​ൽ​കി​യ പ​രാ​തി​യി​ലാ​ണ് ഉ​ത്ത​ര​വ്. വാ​തി​ലു​ക​ളും ജ​ന​ലു​ക​ളും നി​ർ​മി​ക്കാ​ൻ ക​രാ​ര്‍ ന​ല്‍കി​യ കോ​ട്ട​യം മ​ണി​മ​ല ക​ട​യ​നി​ക്കാ​ട് സ്വ​ദേ​ശി പു​തു​പ്പ​റ​മ്പി​ല്‍ പി.​എ​സ്. ജ​യ​നാ​ണ് തു​ക അ​ട​ക്കേ​ണ്ട​ത്.

2021ൽ ​കോ​യി​പ്രം വി​ല്ലേ​ജി​ൽ നി​ർ​മാ​ണം ആ​രം​ഭി​ച്ച വീ​ടി​ന്‍റെ ക​രാ​റാ​ണ് ത​ര്‍ക്ക​ത്തി​നൊ​ടു​വി​ൽ കോ​ട​തി ക​യ​റി​യ​ത്. വീ​ടി​നാ​വ​ശ്യ​മാ​യ ജ​ന​ല്‍, വാ​തി​ലു​ക​ള്‍ എ​ന്നി​വ​യു​ടെ മാ​തൃ​ക​ക​ളും മ​റ്റും നേ​ര​ത്തെ പ​റ​ഞ്ഞി​രു​ന്നു. തേ​ക്ക്, പ്ലാ​വ് തു​ട​ങ്ങി​യ മ​ര​ങ്ങ​ള്‍ ഉ​പ​യോ​ഗി​ച്ച്​ മാ​ത്ര​മേ നി​ർ​മാ​ണം ന​ട​ത്താ​വൂ​വെ​ന്നും നി​ര്‍ദേ​ശം ഉ​ണ്ടാ​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ ജ​യ​ന്, ജോ​ബി​ന്‍ പ​ല ത​വ​ണ​ക​ളാ​യി 1,52,000 രൂ​പ ന​ൽ​കി. എ​ന്നാ​ൽ എ​തി​ർ ക​ക്ഷി​യാ​യ ജ​യ​ൻ മൂ​പ്പെ​ത്താ​ത്ത പ​ല​ക​ക​ളും മ​റ്റ് ത​ടി​ക​ളും ഉ​പ​യോ​ഗി​ച്ചാ​ണ് പ​ണി ന​ട​ത്തി​യ​ത്. ഇ​തോ​ടെ വാ​തി​ലു​ക​ളും ജ​ന​ലു​ക​ളും മ​റ്റും വ​ള​ഞ്ഞും വി​ട​വു​ണ്ടാ​യും ഉ​പ​യോ​ഗ​ശൂ​ന്യ​മാ​യി .

പി​ന്നീ​ട് പു​തി​യ ജ​ന​ലു​ക​ളും വാ​തി​ലു​ക​ളും നി​ർ​മി​ച്ച ശേ​ഷ​മാ​ണ് ഹ​ർ​ജി​ക്കാ​ര​ന്​ പു​തി​യ വീ​ട്ടി​ലേ​ക്ക് താ​മ​സം മാ​റ്റാ​നാ​യ​ത്. ജ​യ​ന്‍ വാ​ങ്ങി​യ 1,52,000 രൂ​പ ഹ​ര​ജി​ക്കാ​ര​ന് തി​രി​കെ ന​ൽ​കാ​ൻ ധാ​ര​ണ​യാ​യെ​ങ്കി​ലും അ​വ​ധി​ക​ള്‍ ക​ഴി​ഞ്ഞി​ട്ടും ല​ഭി​ക്കാ​തെ വ​ന്ന​തോ​ടെ​യാ​ണ് ക​മീ​ഷ​നി​ൽ പ​രാ​തി ന​ൽ​കി​യ​ത്. തു​ട​ർ​ന്ന്​ ഇ​രു​ക​ക്ഷി​ക​ളും ക​മീ​ഷ​ന് മു​മ്പാ​കെ തെ​ളി​വു​ക​ൾ ഹാ​ജ​രാ​ക്കു​ക​യും ചെ​യ്തു. മോ​ശം ത​ടി ഉ​പ​യോ​ഗി​ച്ച് വാ​തി​ലു​ക​ളും ജ​ന​ലു​ക​ളും നി​ർ​മി​ച്ച​തി​നാ​ൽ വാ​തി​ലു​ക​ളും ജ​ന​ലു​ക​ളും വ​ള​യു​ക​യും ശി​ഥി​ല​മാ​കു​ക​യും ചെ​യ്ത​താ​യി ക​മീഷ​ൻ ക​ണ്ടെ​ത്തി. ത​ടി​പ്പ​ണി​യി​ല്‍ ക​രാ​റു​കാ​ര​ന്‍ ഗു​രു​ത​ര പി​ഴ​വ് വ​രു​ത്തി​യ​താ​യി ഉ​പ​ഭോ​ക്തൃ ത​ര്‍ക്ക പ​രി​ഹാ​ര ക​മീ​ഷ​ൻ വി​ല​യി​രു​ത്തി.

ഇ​ത​നു​സ​രി​ച്ച്, ഹ​ര​ജി​ക്കാ​ര​ന് 1,52,000 രൂ​പ​യും, ന​ഷ്ട​പ​രി​ഹാ​ര​മാ​യി 1,00,000 രൂ​പ​യും കോ​ട​തി ചെ​ല​വാ​യി 10,000 രൂ​പ​യും പ്ര​തി​ഭാ​ഗം ന​ൽ​ക​ണ​മെ​ന്ന് ക​മീ​ഷ​ൻ ഉ​ത്ത​ര​വി​ട്ടു. ക​മീ​ഷ​ൻ പ്ര​സി​ഡ​ന്‍റ്​ ബേ​ബി​ച്ച​ൻ വെ​ച്ചൂ​ച്ചി​റ, അം​ഗം നി​ഷാ​ദ് ത​ങ്ക​പ്പ​ൻ എ​ന്നി​വ​ർ ചേ​ര്‍ന്നാ​ണ് വി​ധി പ്ര​സ്താ​വി​ച്ച​ത്.