കടം കൊടുത്ത പണം തിരിച്ചുചോദിച്ചതിന് വീടുകയറി ഉപദ്രവം; നിരവധി കേസിലെ പ്രതി അറസ്റ്റിൽ

റാ​ന്നി: ക​ടം കൊ​ടു​ത്ത പ​ണം തി​രി​കെ ചോ​ദി​ച്ച​തി​ന്​ വീ​ട്ടി​ൽ ക​യ​റി വ​യോ​ധി​ക​നെ​യും കൊ​ച്ചു​മ​ക​നെ​യും മ​ർ​ദി​ക്കു​ക​യും ക​രി​ങ്ക​ല്ലു​കൊ​ണ്ട് ഇ​ടി​ച്ച്​ പ​രി​ക്കേ​ൽ​പി​ക്കു​ക​യും മോ​ട്ടോ​ർ സൈ​ക്കി​ളി​ന് കേ​ടു​വ​രു​ത്തു​ക​യും ചെ​യ്ത കേ​സി​ൽ പ്ര​തി അ​റ​സ്റ്റി​ൽ. മോ​ഷ​ണം ഉ​ൾ​പ്പെ​ടെ നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​യാ​യ ത​ണ്ണി​ത്തോ​ട് തേ​ക്കു​തോ​ട് പ്ലാ​ന്‍റേ​ഷ​ൻ മു​ക്ക് സ​തീ​ഷ് ഭ​വ​നം വീ​ട്ടി​ൽ സ​തീഷാണ്​ ​ (39) പി​ടി​യി​ലാ​യ​ത്.

റാ​ന്നി പു​തു​ശ്ശേ​രി​മ​ല കി​ഴ​ക്കെ​വി​ള പു​ളി​നി​ൽ​ക്കു​ന്ന​തി​ൽ സോ​മ​രാ​ജ​ൻ നാ​യ​രു​ടെ വീ​ട്ടി​ൽ ശ​നി​യാ​ഴ്ച രാ​ത്രി എ​ട്ടി​ന്​ അ​തി​ക്ര​മി​ച്ച​ക​യ​റി ക​രി​ങ്ക​ല്ലു​കൊ​ണ്ട് ആ​ക്ര​മി​ക്കു​ക​യാ​യി​രു​ന്നു. കൊ​ച്ചു​മ​ക​ൻ അ​തു​ൽ കു​മാ​റി​ന് കൊ​ടു​ക്കാ​നു​ള്ള 500 രൂ​പ തി​രി​കെ ചോ​ദി​ച്ച​തി​ലു​ള്ള വി​രോ​ധം കാ​ര​ണം, മു​റ്റ​ത്തു​നി​ന്ന അ​തു​ലി​നെ ക​ഴു​ത്തി​ന്​ കു​ത്തി​പ്പി​ടി​ച്ച് മ​ർ​ദി​ക്കു​ക​യും അ​സ​ഭ്യം വി​ളി​ച്ച് ഭീ​ഷ​ണി​പ്പെ​ടു​ത്തു​ക​യും ചെ​യ്ത​പ്പോ​ൾ ത​ട​യാ​ൻ ശ്ര​മി​ച്ച സോ​മ​രാ​ജ​ൻ നാ​യ​രെ വീ​ട്ടി​ൽ ക​യ​റി ക​ല്ലു​കൊ​ണ്ട് ഇ​ടി​ക്കു​ക​യാ​യി​രു​ന്നു. വാ​രി​യെ​ല്ലി​ന്‍റെ ഇ​ട​തു​ഭാ​ഗ​ത്ത് ഇ​ടി​യേ​റ്റ് പൊ​ട്ട​ലു​ണ്ട്.

തു​ട​ർ​ന്ന്, വെ​ട്ടു​ക​ത്തി​യെ​ടു​ത്ത് മു​റ്റ​ത്തി​രു​ന്ന അ​തു​ലി​ന്‍റെ മോ​ട്ടോ​ർ സൈ​ക്കി​ളി​ൽ വെ​ട്ടി കേ​ടു​പാ​ട് വ​രു​ത്തി. വെ​ട്ടു​ക​ത്തി​കാ​ട്ടി ഭീ​ഷ​ണി​പ്പെ​ടു​ത്തു​ക​യും ചെ​യ്ത പ്ര​തി, അ​തു​ലി​നെ​യും അ​മ്മ​യെ​യും വെ​ട്ടാ​ൻ ഓ​ടി​ക്കു​ക​യും ചെ​യ്തു. വി​വ​ര​മ​റി​ഞ്ഞെ​ത്തി​യ പൊ​ലീ​സ്, വെ​ട്ടു​ക​ത്തി​യു​മാ​യി അ​ക്ര​മ​സാ​ക്ത​നാ​യി നി​ന്ന സതീ​ഷി​നെ അ​നു​ന​യ​ത്തി​ലൂ​ടെ രാ​ത്രി ഒ​മ്പ​തോ​ടെ​യാ​ണ്​ ക​സ്റ്റ​ഡി​യി​ലെ​ടു​ത്ത​ത്. തു​ട​ർ​ന്ന്, വൈ​ദ്യ​പ​രി​ശോ​ധ​ന​ക്ക്​ ശേ​ഷം സ്റ്റേ​ഷ​നി​ൽ എ​ത്തി​ച്ചു. റാ​ന്നി താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന സോ​മ​രാ​ജ​ൻ നാ​യ​രു​ടെ മൊ​ഴി​വാ​ങ്ങി കേ​സ് ര​ജി​സ്റ്റ​ർ ചെ​യ്ത് പ്ര​തി​യു​ടെ അ​റ​സ്റ്റ് രേ​ഖ​പ്പെ​ടു​ത്തി.

സതീ​ഷ്​ 2021ൽ ​റാ​ന്നി പൊ​ലീ​സ് ര​ജി​സ്റ്റ​ർ ചെ​യ്ത മോ​ഷ​ണ​ക്കേ​സി​ലും കോ​ന്നി, പ​ത്ത​നം​തി​ട്ട സ്റ്റേ​ഷ​നു​ക​ളി​ലെ മൂ​ന്ന് കേ​സി​ലും പ്ര​തി​യാ​ണ്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു. എ​സ്.​ഐ അ​നീ​ഷി​ന്‍റെ നേ​തൃ​ത്വ​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്. സം​ഘ​ത്തി​ൽ സി.​പി.​ഒ​മാ​രാ​യ സു​മി​ൽ, ആ​ൽ​വി​ൻ സു​കേ​ഷ് എ​ന്നി​വ​രാ​ണു​ണ്ടാ​യി​രു​ന്ന​ത്.