റാന്നി പാലം നിർമാണം പുനരാരംഭിക്കും

റാ​ന്നി: മു​ട​ങ്ങി​ക്കി​ട​ക്കു​ന്ന റാ​ന്നി പാ​ല​ത്തി​ന്‍റെ നി​ർ​മാ​ണം ഉ​ട​ൻ പു​ന​രാ​രം​ഭി​ക്കാ​നാ​കു​മെ​ന്ന് പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് പ​റ​ഞ്ഞു.

അ​പ്രോ​ച്ച് റോ​ഡി​ന് ഭൂ​മി ഏ​റ്റെ​ടു​ക്കാ​ൻ വ​ക​യി​രു​ത്തി​യ 14.07 കോ​ടി രൂ​പ ഉ​ൾ​പ്പെ​ടെ 38.77 കോ​ടി​യു​ടെ പു​തു​ക്കി​യ എ​സ്റ്റി​മേ​റ്റാ​ണ് കി​ഫ്ബി​യു​ടെ സാ​മ്പ​ത്തി​ക അ​നു​മ​തി​ക്കാ​യി സ​മ​ർ​പ്പി​ച്ചി​രി​ക്കു​ന്ന​തെ​ന്ന് അ​റി​യി​ച്ചു. സാ​മ്പ​ത്തി​കാ​നു​മ​തി ല​ഭ്യ​മാ​യാ​ലു​ട​ൻ സാ​ങ്കേ​തി​ക അ​നു​മ​തി ന​ൽ​കി ടെ​ൻ​ഡ​ർ ചെ​യ്യാ​നാ​കും.

26.76 കോ​ടി രൂ​പ മു​ട​ക്കി നി​ർ​മാ​ണം ആ​രം​ഭി​ച്ച പാ​ല​ത്തി​ൻ​റെ അ​പ്രോ​ച്ച് റോ​ഡി​നാ​യി സ്ഥ​ലം ഏ​റ്റെ​ടു​ക്ക​ൽ ന​ട​പ​ടി​ക​ൾ നീ​ണ്ട​തോ​ടെ ഇ​ട​ക്കു​വെ​ച്ച് മു​ട​ങ്ങി. 317 മീ​റ്റ​ർ നീ​ള​വും 12 മീ​റ്റ​ർ വീ​തി​യു​മു​ള്ള പാ​ല​ത്തി​ന്‍റെ 56 പൈ​ലു​ക​ളി​ൽ 45 എ​ണ്ണ​വും 11 പി​യ​റി​ൽ ഒ​മ്പ​തെ​ണ്ണ​വും 11 പി​യ​ർ ഹെ​ഡി​ൽ ആ​റെ​ണ്ണ​വും 28 ലാ​ഡ് ഗാ​ർ​ഡ​റി​ൽ എ​ട്ടെ​ണ്ണ​വും പൂ​ർ​ത്തീ​ക​രി​ച്ചി​രു​ന്നു. അ​പ്രോ​ച്ച് റോ​നാ​യി ഏ​റ്റെ​ടു​ക്കേ​ണ്ട സ്ഥ​ല​ത്തി​ൽ 22.11 ആ​ർ സ്ഥ​ലം നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണ നി​യ​മം പ്ര​കാ​രം​ഭൂ​മി പ​രി​വ​ർ​ത്ത​ന​ത്തി​ന് അ​നു​മ​തി ല​ഭി​ക്കേ​ണ്ട​തു​ണ്ടാ​യി​രു​ന്നു. ഇ​തി​നു​ള്ള അ​നു​മ​തി​യും ല​ഭി​ച്ചു. 10 മീ​റ്റ​ർ വീ​തി​യി​ലാ​ണ് അ​പ്രോ​ച്ച് റോ​ഡ് നി​ർ​മി​ക്കു​ക. ഇ​രു​വ​ശ​വും ന​ട​പ്പാ​ത​യും ഉ​ണ്ടാ​കും. രാ​മ​പു​രം-​ബ്ലോ​ക്ക് പ​ടി റോ​ഡാ​ണ് റാ​ന്നി ക​ര​യി​ലെ അ​പ്രോ​ച്ച് റോ​ഡ്. ഉ​പാ​സ​ന​ക്ക​ട​വ്-​പേ​ട്ട റോ​ഡാ​ണ് അ​ങ്ങാ​ടി​ക്ക​ര​യി​ലെ അ​പ്രോ​ച്ച് റോ​ഡ്. നി​യ​മ​സ​ഭ​യി​ൽ പ്ര​മോ​ദ് നാ​രാ​യ​ൺ എം.​എ​ൽ.​എ​യാ​ണ്​ വി​ഷ​യം ഉ​ന്ന​യി​ച്ച​ത്.