റാന്നി താലൂക്ക് ആശുപത്രി ഫാർമസി 24 മണിക്കൂറും

റാന്നി: താലൂക്ക് ആശുപത്രി ഫാർമസി ബുധനാഴ്ച മുതൽ 24 മണിക്കൂറും പ്രവർത്തിക്കുമെന്ന് അഡ്വ. പ്രമോദ് നാരായൺ എം.എൽ.എ അറിയിച്ചു.

ദിവസവും 800 -1000 രോഗികൾ എത്തുന്ന ആശുപത്രിയിൽ രാത്രി അമിതവില കൊടുത്തു മരുന്നുകൾ പുറത്തുനിന്ന് വാങ്ങേണ്ട അവസ്ഥയായിരുന്നു. ഇത് മനസ്സിലാക്കിയാണ് എം.എൽ.എ രാത്രി ഫാർമസി പ്രവർത്തിപ്പിക്കണം എന്ന ആവശ്യം ഉന്നയിച്ചത്. തിങ്കളാഴ്ച ചേർന്ന ആശുപത്രി മാനേജ്മെന്‍റ് കമ്മിറ്റി ഈ ആവശ്യം അംഗീകരിക്കുകയായിരുന്നു.