റോഡ് പുനരുദ്ധരിക്കാൻ സാങ്കേതിക പ്രശ്നം; സ്വന്തം നിലയിൽ സഞ്ചാരയോഗ്യമാക്കി പഞ്ചായത്ത്​ പ്രസിഡന്‍റ്​

റാ​ന്നി: പ​ഞ്ചാ​യ​ത്ത്‌ ഫ​ണ്ട് ഉ​പ​യോ​ഗി​ച്ച് കോ​ൺ​ക്രീ​റ്റ് അ​ട​ക്ക​മു​ള്ള പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​ൻ സാ​ങ്കേ​തി​ക പ്ര​ശ്ന​മു​ള്ള റോ​ഡ് സ്വ​ന്തം നി​ല​യി​ൽ സ​ഞ്ചാ​ര​യോ​ഗ്യ​മാ​ക്കി പ​ഞ്ചാ​യ​ത്ത് പ്ര​സി​ഡ​ന്‍റ്.

ഇ​ട്ടി​യ​പ്പാ​റ ബൈ​പാ​സ് റോ​ഡി​ല്‍നി​ന്ന്​ ബ​സ് സ്റ്റാ​ൻ​ഡി​ലേ​ക്കു​ള്ള റോ​ഡാ​ണ് പ​ഴ​വ​ങ്ങാ​ടി പ​ഞ്ചാ​യ​ത്ത് പ്ര​സി​ഡ​ന്റ് റൂ​ബി കോ​ശി സ്വ​ന്തം നി​ല​യി​ൽ പാ​റ​മ​ക്കി​ട്ട് ഉ​റ​പ്പി​ച്ച് സ​ഞ്ചാ​ര​യോ​ഗ്യ​മാ​ക്കി​യ​ത്. സ്വ​കാ​ര്യ, കെ.​എ​സ്‌.​ആ​ര്‍.​ടി.​സി ബ​സു​ക​ളും സ്റ്റാ​ന്‍ഡി​ന് സ​മീ​പ​ത്തെ പാ​ര്‍ക്കി​ങ് സ്ഥ​ല​ത്തേ​ക്കു​ള്ള സ്വ​കാ​ര്യ വാ​ഹ​ന​ങ്ങ​ളും ക​ട​ന്നുപോ​കു​ന്ന റോ​ഡി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്താ​ത്തതി​നാ​ൽ വ​ലി​യ കു​ഴി​ക​ൾ രൂ​പ​പ്പെ​ട്ടി​രു​ന്നു. ഇ​തി​നാ​ണ് ഇ​പ്പോ​ൾ താ​ൽ​ക്കാ​ലി​ക പ​രി​ഹാ​രമാ​യ​ത്.

റീ​ബി​ല്‍ഡ് കേ​ര​ള പ​ദ്ധ​തി​യി​ല്‍ പ​ന്ത്ര​ണ്ട് നി​ല​ക​ളി​ലാ​യി ശ​ബ​രി​മ​ല ഇ​ട​ത്താ​വ​ളം നി​ർ​മി​ക്കാ​ന്‍ പ​ദ്ധ​തി​യി​ട്ട ഭാ​ഗ​ത്തെ റോ​ഡാ​ണ് പു​നു​രു​ദ്ധ​രി​ക്കാ​ന്‍ ക​ഴി​യാ​തെ സാ​ങ്കേ​തി​ക കു​രു​ക്കി​ല്‍പെ​ട്ട​ത്. കെ​ട്ടി​ട​ത്തി​ന്‍റെ പൈ​ലി​ങ് ജോ​ലി​ക​ള്‍ ആ​രം​ഭി​ച്ചി​രു​ന്നെ​ങ്കി​ലും നി​ർ​മാ​ണം ഇ​പ്പോ​ള്‍ മു​ട​ങ്ങി​യി​രി​ക്കു​ക​യാ​ണ്. പ​രി​സ്ഥി​തി ആ​ഘാ​ത പ​ഠ​നം ന​ട​ത്തി​യി​ല്ലെ​ന്ന്​ കാ​ട്ടി ചെ​ന്നൈ ഗ്രീ​ന്‍ ട്രൈ​ബ്യൂ​ണ​ലി​ല്‍ നി​ല​നി​ല്‍ക്കു​ന്ന കേ​സാ​ണ് പ​ണി​ക​ള്‍ മു​ട​ങ്ങാ​ന്‍ പ്ര​ധാ​ന കാ​ര​ണം.

കൂ​ടാ​തെ മ​തി​യാ​യ വി​ല ന​ല്‍കാ​തെ സ്ഥ​ലം ഏ​റ്റെ​ടു​ത്ത​തെ​ന്ന് കാ​ട്ടി സ്വ​കാ​ര്യ വ്യ​ക്തി ന​ല്‍കി​യ കേ​സും നി​ല​നി​ല്‍ക്കു​ന്നു​ണ്ട്. ഈ ​പ്ര​ശ്ന​ങ്ങ​ള്‍ നി​ല​നി​ല്‍ക്കു​ന്ന​തി​നാ​ല്‍ ഈ ​ഭാ​ഗം റോ​ഡ് പു​ന​രു​ദ്ധ​രി​ക്കാ​ന്‍ ക​ഴി​യാ​ത്ത അ​വ​സ്ഥ​യി​ലാ​യി​രു​ന്നു.