റോഡിലെ കുഴിയെണ്ണാൻ ഉദ്യോഗസ്ഥ സംഘം ഇന്നും നാളെയും പ​ത്ത​നം​തി​ട്ട ജില്ലയിൽ

പ​ത്ത​നം​തി​ട്ട: റോ​ഡു​ക​ളി​ലെ കു​ഴി​പ​രി​ശോ​ധി​ക്കാ​ൻ പൊ​തു​മ​രാ​മ​ത്ത്​ മ​ന്ത്രി നി​യോ​ഗി​ച്ച ഉ​ദ്യോ​ഗ​സ്ഥ സം​ഘം ജി​ല്ല​യി​ൽ വ്യാ​ഴം, വെ​ള്ളി ദി​വ​സ​ങ്ങ​ളി​ൽ പ​രി​ശോ​ധ​ന ന​ട​ത്തും. മ​ന്ത്രി മു​ഹ​മ്മ​ദ്​ റി​യാ​സി​ന്‍റെ ഓ​ഫി​സി​​ലെ​യും വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​രു​മാ​ണ്​ ജി​ല്ല​യി​ൽ സ​ന്ദ​ർ​ശ​ന​ത്തി​ന്​ എ​ത്തു​ന്ന​ത്. പൊ​തു​മ​രാ​മ​ത്ത്​ നി​ര​ത്ത്​ വി​ഭാ​ഗ​ത്തി​ന്‍റെ 90 റോ​ഡു​ക​ളി​ലും അ​റ്റ​കു​റ്റ​പ്പ​ണി വി​ഭാ​ഗ​ത്തി​ന്‍റെ 68 റോ​ഡു​ക​ളി​ലു​മാ​ണ്​ പ​രി​ശോ​ധ​ന ന​ട​ക്കു​ന്ന​ത്. ഒ​രു വ​ർ​ഷ​ത്തെ പ​രി​പാ​ല​ന ക​രാ​ർ ന​ൽ​കി​യ റോ​ഡു​ക​ളാ​ണ്​ സം​ഘം പരിശോധിക്കുക​.

ഇ​ത്ര​യും റോ​ഡു​ക​ളി​ൽ ര​ണ്ടു​ മാ​സം മു​മ്പാ​ണ്​ അ​റ്റ​കു​റ്റ​പ്പ​ണി ക​രാ​ർ ന​ൽ​കി പ​ണി തു​ട​ങ്ങി​യ​ത്. റോ​ഡി​ൽ കു​ഴി രൂ​പ​പ്പെ​ട്ടാ​ൽ 24 മ​ണി​ക്കൂ​റി​നു​ള്ളി​ൽ അ​ട​ക്ക​ണ​മെ​ന്നാ​ണ്​ ക​രാ​ർ. ഇ​ല്ലെ​ങ്കി​ൽ ക​രാ​റു​കാ​ര​നും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​നും എ​തി​രെ ന​ട​പ​ടി​യു​ണ്ടാ​കും. ജൂ​ണി​ൽ ന​ൽ​കി​യ ക​രാ​ർ പ്ര​കാ​രം 11.5 കോ​ടി​യു​ടെ അ​റ്റ​കു​റ്റ​പ്പ​ണി​യാ​ണ്​ 68 റോ​ഡു​ക​ളി​ൽ ന​ട​ക്കു​ന്ന​ത്. പ​രി​​ശോ​ധ​ന​ക്ക്​ മു​മ്പ്​ കു​ഴി​യ​ട​ക്ക​ലും അ​റ്റ​കു​റ്റ​പ്പ​ണി​യും ജി​ല്ല​യി​ലെ​ങ്ങും വേ​ഗ​ത്തി​ൽ ന​ട​ക്കു​ക​യാ​ണ്. എ​ന്നാ​ൽ, കു​ഴി​ക​ളെ​ല്ലാം അ​ട​ച്ചു​തീ​ർ​ന്നി​​ട്ടി​ല്ലെ​ന്നാ​ണ്​ വി​വ​രം. ശ​ക്ത​മാ​യ മ​ഴ​യാ​ണ്​ പ​ല റോ​ഡു​ക​ളി​ലും വി​ല്ല​നാ​യ​തെ​ന്ന്​ ക​രാ​റു​കാ​ർ പ​റ​യു​ന്നു.

ജി​ല്ല​യി​ലെ റോ​ഡു​ക​ൾ​ക്കാ​യി 2019 മേ​യി​ലാ​ണ്​ അ​റ്റ​കു​റ്റ​പ്പ​ണി വി​ഭാ​ഗം തു​ട​ങ്ങി​യ​ത്. ആ​വ​ശ്യ​ത്തി​ന്​ ജീ​വ​ന​ക്കാ​രി​ല്ലാ​തെ വ​ല​യു​ക​യാ​ണ്​ അ​റ്റ​കു​റ്റ​പ്പ​ണി വി​ഭാ​ഗം. അ​സി. എ​ക്​​സി​ക്യൂ​ട്ടി​വ്​ എ​ൻ​ജി​നീ​യ​ർ​ക്കാ​ണ്​ ചു​മ​ത​ല​യെ​ങ്കി​ലും ആ​ഗ​സ്റ്റ്​ മു​ത​ൽ ഇ​തി​ൽ ആ​ളി​ല്ല. മൂ​ന്ന്​ അ​സി. എ​ൻ​ജി​നീ​യ​ർ​മാ​രും മൂ​ന്ന്​ ഓ​വ​ർ​സി​യ​ർ​മാ​രും ​വേ​ണ്ടി​ട​ത്ത്​ ര​ണ്ടു​പേ​ർ മാ​ത്ര​മേ​യു​ള്ളൂ. ഡ്രാ​ഫ്​​റ്റ്​​സ്​​മാ​ന്‍റെ ര​ണ്ട്​ ത​സ്തി​ക​യി​ലും നി​യ​മ​നം ന​ട​ന്നി​ട്ടി​ല്ല. ഓ​രോ സ്ഥ​ല​ത്തും അ​റ്റ​കു​റ്റ​പ്പ​ണി ന​ട​ക്കു​മ്പോ​ൾ ഉ​ദ്യോ​ഗ​സ്ഥ​രു​ടെ സാ​ന്നി​ധ്യം ഉ​ണ്ടാ​ക​ണ​മെ​ന്ന വ്യ​വ​സ്ഥ പ​ല​പ്പോ​ലും പാ​ലി​ക്ക​പ്പെ​ടാ​നാ​കു​​ന്നി​ല്ലെ​ന്ന്​ വ​കു​പ്പ്​ അ​ധി​കൃ​ത​ർ പ​റ​യു​ന്നു.