ഇതെന്ത് ഹൈവേയാണ്? ഏഴംകുളം-ഏനാത്ത്-കടമ്പനാട് പാതയിൽ സുരക്ഷ നടപടികള്‍ വൈകുന്നു

അ​ടൂ​ര്‍: ഏ​ഴം​കു​ളം-​ഏ​നാ​ത്ത്-​ക​ട​മ്പ​നാ​ട് മി​നി ഹൈ​വേ​യി​ല്‍ വാ​ഹ​നാ​പ​ക​ട​ങ്ങ​ളി​ല്‍ നി​ര​വ​ധി ജീ​വ​ന്‍ പൊ​ലി​ഞ്ഞി​ട്ടും സു​ര​ക്ഷ ഒ​രു​ക്കാ​ന്‍ ന​ട​പ​ടി​യി​ല്ല. പാ​ത ക​ട​ന്നു​പോ​കു​ന്ന ഇ​ട​ങ്ങ​ളി​ല്‍ ഉ​പ​പാ​ത​ക​ള്‍ ചേ​രു​ന്നി​ട​ത്തും ക​വ​ല​ക​ളി​ലും സീ​ബ്രാ​ലൈ​ന്‍ ഉ​ള്‍പ്പെ​ടെ ഗ​താ​ഗ​ത സൂ​ച​ക​ങ്ങ​ളി​ല്ല.

കോ​ന്നി മെ​ഡി​ക്ക​ല്‍ കോ​ള​ജ് പ്ര​വ​ര്‍ത്ത​നം തു​ട​ങ്ങി​യ​പ്പോ​ൾ ഇ​തു​വ​ഴി വാ​ഹ​ന തി​ര​ക്കേ​റി​യി​ട്ടു​ണ്ട്. കൊ​ല്ലം-​പ​ത്ത​നം​തി​ട്ട ജി​ല്ല​ക​ളെ ബ​ന്ധി​പ്പി​ക്കു​ന്ന പാ​ത​യാ​ണ് നി​ര്‍ദി​ഷ്ട പ്ലാ​പ്പ​ള്ളി റോ​ഡ് പ​ദ്ധ​തി​യു​ടെ ഭാ​ഗ​മാ​യ ഈ ​മി​നി ഹൈ​വേ. പാ​ത​യു​ടെ വ​ശ​ങ്ങ​ളി​ല്‍ സു​ര​ക്ഷാ വേ​ലി​യി​ല്ല. ര​ണ്ടു വാ​ഹ​ന​ങ്ങ​ള്‍ക്ക് ഒ​രേ സ​മ​യം സൈ​ഡ് കൊ​ടു​ക്കാ​ന്‍ പ​റ്റാ​ത്ത സ്ഥി​തി​യാ​ണ്. പാ​ത​ക്ക് മി​ക്ക​യി​ട​ത്തും വീ​തി കു​റ​വാ​യ​തി​നാ​ല്‍ അ​പ​ക​ട​ങ്ങ​ളും പ​തി​വാ​ണ്.

കൊ​ടും​വ​ള​വു​ക​ൾ ര​ണ്ടു ഡ​സ​നോ​ളം

ഏ​ഴം​കു​ളം മു​ത​ൽ ക​ട​മ്പ​നാ​ട് വ​രെ​യും ര​ണ്ടു ഡ​സ​നോ​ളം കൊ​ടും​വ​ള​വു​ണ്ട്. വ​ള​വു​ക​ളി​ല​ട​ക്കം അ​പ​ക​ട മു​ന്ന​റി​യി​പ്പ്​ സൂ​ച​ക​ങ്ങ​ള്‍ സ്ഥാ​പി​ച്ചി​ട്ടി​ല്ല. മ​ണ്ണ​ടി ആ​ലും​മൂ​ട് വ​ള​വി​ല്‍ അ​പ​ക​ടം പ​തി​വാ​യ​തോ​ടെ സ​ന്ന​ദ്ധ സം​ഘ​ട​ന​യു​ടെ നേ​തൃ​ത്വ​ത്തി​ല്‍ സു​ര​ക്ഷ ക​ണ്ണാ​ടി സ്ഥാ​പി​ച്ചി​രു​ന്നു.

പാ​ത​യി​ല്‍ വ​ള​വു​ക​ളി​ലും ക​വ​ല​ക​ളി​ലും ദി​ശാ സൂ​ച​ക​ങ്ങ​ളി​ല്ല. നാ​ലു റോ​ഡു​ക​ള്‍ ചേ​രു​ന്ന ഏ​നാ​ത്ത് ക​വ​ല മ​ധ്യ​ത്തി​ലൂ​ടെ​യാ​ണ് മി​നി ഹൈ​വേ ക​ട​ന്നു പോ​കു​ന്ന​ത്. ഏ​നാ​ത്ത് ഗ​വ.​യു.​പി സ്കൂ​ൾ അ​ട​ക്കം സ്കൂ​ൾ ക​വ​ല​ക​ളി​ലും കൊ​ടും​വ​ള​വു​ക​ളാ​ണ്. ടി​പ്പ​റു​ക​ളു​ടെ സ​ഞ്ചാ​രം ഭീ​തി പ​ര​ത്തു​ന്ന​താ​ണ്.

വ​ശ​ങ്ങ​ളി​ൽ വെ​ള്ള​ക്കെ​ട്ടും കാ​ടു​ക​യ​റി​യും സ്വ​കാ​ര്യ വ്യ​ക്തി​ക​ളു​ടെ നി​ർ​മാ​ണ സാ​മ​ഗ്രി​ക​ളും ഇ​റ​ക്കി​യി​ട്ട​തും കാ​ര​ണം കാ​ൽ​ന​ട​പോ​ലും ദു​ഷ്ക​ര​മാ​ണ്. ഏ​ഴം​കു​ളം ഗ്രാ​മ​പ​ഞ്ചാ​യ​ത്ത് പ​രി​ധി​യി​ലെ എം.​സി.​എ​ഫു​ക​ളു​ടെ പ​രി​സ​ര​ത്ത് റോ​ഡ് മ​ധ്യ​ത്തി​ലും മാ​ലി​ന്യം ചി​ത​റി​ക്കി​ട​ക്കു​ന്നു. തെ​രു​വ് നാ​യ്​​ക്ക​ളു​ടെ​യും ഇ​ഴ​ജ​ന്തു​ക്ക​ളു​ടെ​യും ശ​ല്യ​മു​ണ്ട്.വ​ശ​ങ്ങ​ളി​ൽ ക​ട​ക​മ്പോ​ള​ങ്ങ​ളും ഓ​ട്ടോ​ടാ​ക്‌​സി സ്റ്റാ​ന്‍ഡു​മു​ള്ള ഏ​നാ​ത്ത്ക​വ​ല​യി​ല്‍ രാ​വി​ലെ​യും വൈ​കീ​ട്ടും ഗ​താ​ഗ​ത​ക്കു​രു​ക്ക്​ പ​തി​വാ​ണ്. നി​രീ​ക്ഷ​ണ കാ​മ​റ​ക​ള്‍ ഉ​ള്‍പ്പെ​ടെ സ്ഥാ​പി​ച്ച് മി​നി ഹൈ​വേ​യി​ല്‍ ഗ​താ​ഗ​ത സു​ര​ക്ഷ ഒ​രു​ക്ക​ണ​മെ​ന്നാ​ണ്​ ആ​വ​ശ്യം.