ഇല്‍നെസ്​ ഇല്ല വെല്‍നെസ്​ മാത്രം; തുമ്പമണ്ണിലെ സ്ത്രീകള്‍ ഇനി ഡബിള്‍ സ്ട്രോങ്

തു​മ്പ​മ​ൺ: തു​മ്പ​മ​ണ്ണി​ലെ സ്ത്രീ​ക​ള്‍ ഇ​നി ഡ​ബി​ള്‍ സ്ട്രോ​ങ്ങാ​കും. ആ​രോ​ഗ്യ പ​രി​പാ​ല​ന​ത്തി​ല്‍ പു​തി​യ അ​ധ്യാ​യം ര​ചി​ക്കു​ക​യാ​ണ് തു​മ്പ​മ​ണ്‍ ബ്ലോ​ക്ക് കു​ടും​ബാ​രോ​ഗ്യ കേ​ന്ദ്ര​ത്തി​ലെ ഷീ ​വെ​ല്‍നെ​സ്​ സെ​ന്റ​ര്‍. ജീ​വി​ത ശൈ​ലി രോ​ഗ​ങ്ങ​ളെ ചെ​റു​ക്കു​ന്ന​തി​നൊ​പ്പം ആ​ക്ര​മ​ണ​ങ്ങ​ളെ പ്ര​തി​രോ​ധി​ക്കാ​നും സ്ത്രീ​ക​ളെ ഇ​വി​ടെ പ്രാ​പ്ത​രാ​ക്കു​ന്നു. പ​ന്ത​ളം ബ്ലോ​ക്ക് പ​ഞ്ചാ​യ​ത്തി​ന്റെ 2023-24 വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യാ​ണ് വ​നി​ത ജിം ​യാ​ഥാ​ര്‍ഥ്യ​മാ​ക്കി​യ​ത്. പ്ര​വ​ര്‍ത്ത​ന​മാ​രം​ഭി​ച്ച് അ​ഞ്ചുമാ​സം പി​ന്നി​ടു​മ്പോ​ള്‍ മ​ന​ക​രു​ത്തി​നൊ​പ്പം ശാ​രീ​രി​കാ​രോ​ഗ്യ​വും മു​ത​ല്‍ക്കൂ​ട്ടാ​യ വ​നി​ത​ക​ളെ​യാ​ണ് വാ​ര്‍ത്തെ​ടു​ത്ത​ത്. വ​നി​ത ജി​മ്മി​ന് പി​ന്നി​ല്‍ കു​ടും​ബ​ശ്രീ​യു​ടെ പ​ങ്കും ശ്ര​ദ്ധേ​യ​മാ​ണ്. ജി​മ്മി​ലെ​ത്തു​ന്ന​വ​ര്‍ക്ക് ഉ​ന്മേ​ഷം ന​ല്‍കാ​നു​മാ​യി സ്ഥാ​പി​ച്ച കു​ടും​ബ​ശ്രീ മാ​ര്‍ക്ക​റ്റിങ്​ കി​യോ​സ്‌​ക്കും വി​ജ​യ​പാ​ത​യി​ലാ​ണ്.

ക​രു​ത്തി​ന്റെ പ​ട​വു​ക​ള്‍ ക​യ​റാ​ന്‍ ബ്ലോ​ക്കി​ലെ അ​ഞ്ചു പ​ഞ്ചാ​യ​ത്തു​ക​ളി​ല്‍ നി​ന്നും ദി​നം​പ്ര​തി​യെ​ത്തു​ന്ന​ത് 90 ല​ധി​കം വ​നി​ത​ക​ളാ​ണ്. മ​ന​ക്ക​രു​ത്തി​നൊ​പ്പം സ്വ​യം പ്ര​തി​രോ​ധ ശേ​ഷി പ​ക​രാ​ന്‍ വി​പു​ല​മാ​യ വ്യാ​യാ​മ​സൗ​ക​ര്യ​ങ്ങ​ളു​ണ്ട്. അർബുദം, പ്ര​മേ​ഹം, ര​ക്ത​സ​മ​ര്‍ദ്ദം, ഹൃ​ദ​യ സം​ബ​ന്ധ​മാ​യ ജീ​വി​ത​ശൈ​ലി രോ​ഗ​ങ്ങ​ളാ​ല്‍ ബു​ദ്ധി​മു​ട്ടു​ന്ന​വ​ര്‍ക്ക് ആ​ശ്വാ​സം കൂ​ടി​യാ​ണ് ജിം. ​വ​നി​ത ഘ​ട​ക പ​ദ്ധ​തി- ആ​രോ​ഗ്യ​ത്തി​ല്‍ ഉ​ള്‍പ്പെ​ടു​ത്തി അ​ഞ്ചുല​ക്ഷം രൂ​പ​യു​ടെ അ​ത്യാ​ധു​നി​ക ഉ​പ​ക​ര​ണ​ങ്ങ​ളാും ജി​മ്മി​ല്‍ ക്ര​മീ​ക​രി​ച്ചിട്ടുണ്ട്​. ഉ​ദ്യോ​ഗ​സ്ഥ​ര്‍ക്കും വീ​ട്ട​മ്മ​മാ​ര്‍ക്കും വി​ദ്യാ​ര്‍ഥി​ക​ള്‍ക്കും സൗ​ക​ര്യ​പ്ര​ദ​മാ​യ സ​മ​യ​ത്താ​ണ് ജി​മ്മി​ന്റെ പ്ര​വ​ര്‍ത്ത​നം.

താ​യ്ക്വാൻഡോ, ക​രാട്ടേ, കു​ഡോ എ​ന്നി​വ​യി​ല്‍ ബ്ലാ​ക്ക് ബെ​ല്‍റ്റു​ള്ള 26 കാ​രി ശി​ല്‍പ​യാ​ണ് ട്രെ​യി​നി​ര്‍. സ്‌​കൂ​ള്‍ അ​ധ്യാ​പി​ക കൂ​ടി​യാ​യ ശി​ല്‍പ യോ​ഗ, സും​ബ, സ്വ​യം പ്ര​തി​രോ​ധം എ​ന്നി​വ​യി​ല്‍ പ​രി​ശീ​ല​നം ന​ല്‍ക​ന്നു. ജീ​വി​ത​ശൈ​ലി രോ​ഗ​ങ്ങ​ളി​ല്‍ നി​ന്ന് മോ​ച​ന​ത്തി​ന് കു​റ​ഞ്ഞ ചെ​ല​വി​ല്‍ കൂ​ടു​ത​ല്‍ ആ​രോ​ഗ്യ പ​രി​പാ​ല​നം ജി​മ്മി​ല്‍ ഉ​റ​പ്പാ​ക്കാം. നി​ല​വി​ല്‍ രാ​വി​ലെ​യും വൈ​കീ​ട്ടു​മാ​യി ര​ണ്ട് ബാ​ച്ചു​ക​ളാ​ണു​ള്ള​ത്. മാ​സം 300 രൂ​പ​യാ​ണ് ഫീ​സ്. 100 രൂ​പ​യാ​ണ് ര​ജി​സ്ട്രേ​ഷ​ന്‍ ഫീ​സ്.

സ്ത്രീ സൗ​ഹൃ​ദ​മാ​യ അ​ന്ത​രീ​ക്ഷം

ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള​വ​ര്‍ പ​രി​ശീ​ല​ന​ത്തി​നും വ്യാ​യാ​മ​ത്തി​നു​മാ​യി ഇ​വി​ടെ എ​ത്തു​ന്നു. സ്ത്രീ ​സൗ​ഹൃ​ദ​മാ​യ അ​ന്ത​രീ​ക്ഷ​ത്തി​ല്‍ വ്യാ​യാ​മ​ത്തി​ലൂ​ടെ ശാ​രീ​രി​ക ക്ഷ​മ​ത ഉ​റ​പ്പാ​ക്കു​ന്ന​തി​നൊ​പ്പം സ്വ​യം പ്ര​തി​രോ​ധ​ത്തി​നാ​യു​ള്ള ആ​ത്മ​ധൈ​ര്യം ന​ല്‍കു​ന്ന​തി​ന് ജി​മ്മി​ലെ പ​രിശീ​ല​ന​ങ്ങ​ള്‍ ഉ​പ​ക​രി​ക്കു​മെ​ന്ന് കു​ടും​ബ​ശ്രീ ജി​ല്ല മി​ഷ​ന്‍ കോ​ഓഡി​നേ​റ്റ​ര്‍ എ​സ്. ആ​ദി​ല പ​റ​ഞ്ഞു. ജി​മ്മി​ന്റെ സേ​വ​നം ജി​ല്ല​യി​ലെ എ​ല്ലാ വ​നി​ത​ക​ള്‍ക്കും ല​ഭ്യ​മാ​ക്കും വി​ധം കൂ​ടു​ത​ല്‍ സ​ജ്ജീ​ക​ര​ണ​ങ്ങ​ള്‍ ഒ​രു​ക്കാ​നു​ള്ള ശ്ര​മ​ത്തി​ലാ​ണ് പ​ന്ത​ളം ബ്ലോ​ക്ക് പ​ഞ്ചാ​യ​ത്ത്. ആ​റ​ന്മു​ള പ​ഞ്ചാ​യ​ത്തി​ലെ വ​ല്ല​ന​യി​ല്‍ ജി​മ്മി​ന്റെ പ്ര​വ​ര്‍ത്ത​ന​ങ്ങ​ള്‍ ആ​രം​ഭി​ക്കാ​നും ല​ക്ഷ്യ​മി​ടു​ന്നു.