പ്ര​തി​രോ​ധ പ്ര​വ​ർ​ത്ത​നം നി​ല​ച്ചു; നായ്​ ​പേടിയിൽ നാട്​...

തൊ​ടു​പു​ഴ: ജി​ല്ല​യി​ൽ തെ​രു​വി​ൽ അ​ല​ഞ്ഞു​തി​രി​യു​ന്ന നാ​യ്ക്ക​ളു​ടെ​യും മ​റ്റും ക​ടി​യേ​ല്‍ക്കു​ന്ന​വ​രു​ടെ എ​ണ്ണം വ​ര്‍ധി​ക്കു​ന്നു. ജ​നു​വ​രി ഒ​ന്നു മു​ത​ൽ ഞാ​യ​റാ​ഴ്ച വ​രെ ജി​ല്ല​യി​ൽ 5423 പേ​ർ​ക്കാ​ണ് നാ​യ്ക്ക​ളു​ടെ ക​ടി​യേ​റ്റ​ത്. ക​ഴി​ഞ്ഞ​യാ​ഴ്ച മാ​ത്രം 106 പേ​ർ​ക്ക്​ ക​ടി​യേ​റ്റ​താ​യാ​ണ് ആ​രോ​ഗ്യ വ​കു​പ്പി​ന്റെ ക​ണ​ക്ക്. ഈ​മാ​സം 397 പേ​ര്‍ക്കും ക​ടി​യേ​റ്റു.

എ​ന്നാ​ൽ, നാ​യ്ക്ക​ളു​ടെ ക​ടി​യേ​ൽ​ക്കു​ന്ന​വ​രു​ടെ എ​ണ്ണം കൂ​ടു​മ്പോ​ഴും ത​ദ്ദേ​ശ സ്ഥാ​പ​ന​ങ്ങ​ളു​ടെ പ്ര​തി​രോ​ധ പ്ര​വ​ര്‍ത്ത​ന​ങ്ങ​ൾ പൂ​ര്‍ണ​മാ​യും നി​ല​ച്ച അ​വ​സ്ഥ​യി​ലാ​ണ്. പാ​ത​യോ​ര​ങ്ങ​ളി​ലും മ​റ്റും കൂ​ട്ട​ത്തോ​ടെ​യാ​ണ് നാ​യ്ക്ക​ൾ ത​മ്പ​ടി​ക്കു​ന്ന​ത്. തൊ​ടു​പു​ഴ ന​ഗ​ര​ത്തി​ൽ പ​ല ഭാ​ഗ​ത്തും ക​ട​വ​രാ​ന്ത​ക​ളും മ​റ്റും നാ​യ്ക്ക​ളു​ടെ വി​ഹാ​ര കേ​ന്ദ്ര​ങ്ങ​ളാ​ണ്. പു​ല​ർ​ച്ച​യാ​ണ് നാ​യ്ക്ക​ൾ പ​ല​യി​ട​ങ്ങ​ളി​ലും കൂ​ട്ട​മാ​യെ​ത്തു​ന്ന​ത്.

പ്ര​ഭാ​ത ന​ട​ത്ത​ത്തി​ന്​ ഇ​റ​ങ്ങു​ന്ന​വ​ര്‍ക്കും പു​ല​ർ​ച്ച ജോ​ലി​ക്കു പോ​കു​ന്ന​വ​ര്‍ക്കു​മെ​ല്ലാം ഇ​വ ഭീ​ഷ​ണി​യാ​ണ്. വീ​ടു​ക​ളി​ൽ വ​ള​ര്‍ത്തു​ന്ന​തും ഉ​ട​മ​സ്ഥ​രി​ല്ലാ​തെ തെ​രു​വു​ക​ളി​ലൂ​ടെ അ​ല​ഞ്ഞു ന​ട​ക്കു​ന്ന​തും ഉ​ള്‍പ്പെ​ടെ​യു​ള്ള​വ​യു​ടെ ആ​ക്ര​മ​ണ​ങ്ങ​ൾ അ​ടി​ക്ക​ടി​യു​ണ്ടാ​കു​ന്ന​ത് വ​ലി​യ ഭീ​ഷ​ണി​യാ​ണു​യ​ര്‍ത്തു​ന്ന​ത്.

ക​റ​ങ്ങി ന​ട​ക്കു​ന്ന​ത്​ കൂ​ട്ട​ത്തോ​ടെ

തൊ​ടു​പു​ഴ മു​നി​സി​പ്പ​ൽ ബ​സ് സ്റ്റാ​ന്‍ഡ്, കാ​ഞ്ഞി​ര​മ​റ്റം ജ​ങ്​​ഷ​ൻ, ധ​ന്വ​ന്ത​രി ജ​ങ്​​ഷ​ൻ, അ​മ്പ​ലം ബൈ​പാ​സ് എ​ന്നി​വി​ട​ങ്ങ​ളി​ലെ വെ​യി​റ്റി​ങ്​ ഷെ​ഡു​ക​ൾ, ഗാ​ന്ധി സ്‌​ക്വ​യ​ർ എ​ന്നി​വി​ട​ങ്ങ​ളി​ലെ​ല്ലാം രാ​പ്പ​ക​ൽ വ്യ​ത്യാ​സ​മി​ല്ലാ​തെ​യാ​ണ് തെ​രു​വു​നാ​യ്ക്ക​ൾ ക​റ​ങ്ങു​ന്ന​ത്. ബ​സ് സ്റ്റാ​ന്‍ഡി​ലൂ​ടെ ന​ട​ന്ന് പോ​കു​ന്ന​വ​ര്‍ക്ക് നേ​രെ​യും ബ​സ് കാ​ത്ത് നി​ല്‍ക്കു​ന്ന​വ​ര്‍ക്ക് നേ​രെ​യും ഇ​വ​റ്റ​ക​ൾ കു​ര​ച്ചു​കൊ​ണ്ട് പാ​ഞ്ഞ​ടു​ക്കാ​റു​ണ്ട്. പ​ല സ്ഥ​ല​ത്തും ആ​ശു​പ​ത്രി പ​രി​സ​ര​ങ്ങ​ൾ, വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ, അ​ട​ഞ്ഞ് കി​ട​ക്കു​ന്ന കെ​ട്ടി​ട​ങ്ങ​ൾ, സ​ര്‍ക്കാ​ർ സ്ഥാ​പ​ന​ങ്ങ​ൾ, ബ​സ് കാ​ത്തി​രി​പ്പ്​ കേ​ന്ദ്ര​ങ്ങ​ൾ തു​ട​ങ്ങി​യ സ്ഥ​ല​ങ്ങ​ളി​ൽ നാ​യ്ക്ക​ൾ കൂ​ട്ട​ത്തോ​ടെ​യാ​ണ് ത​മ്പ​ടി​ക്കു​ന്ന​ത്. മ​റ്റു​ള്ള​വ​ര്‍ക്ക് ഉ​പ​ദ്ര​വ​മാ​കാ​തെ വീ​ടു​ക​ളി​ൽ വ​ള​ര്‍ത്താ​ൻ ലൈ​സ​ന്‍സ് എ​ടു​ത്തി​ട്ടു​ള്ള നാ​യ്ക്ക​ളെ​യും പു​റ​ത്തേ​ക്ക്​ അ​ഴി​ച്ച് വി​ടു​ന്ന​താ​യി വ്യാ​പ​ക​മാ​യ പ​രാ​തി​ക​ളാ​ണ് പ​ല ത​ദ്ദേ​ശ സ്ഥാ​പ​ന​ങ്ങ​ളി​ലും പൊ​ലീ​സ്​ സ്റ്റേ​ഷ​നു​ക​ളി​ലും ല​ഭി​ക്കു​ന്ന​ത്. നാ​യ്ക്ക​ളു​ടെ ആ​ക്ര​മ​ണം വ​ര്‍ധി​ക്കു​ന്ന സാ​ഹ​ച​ര്യ​ത്തി​ൽ ഇ​വ​യു​ടെ വം​ശ​വ​ർ​ധ​ന ത​ട​യാ​നാ​വ​ശ്യ​മാ​യ പ​ദ്ധ​തി കാ​ര്യ​ക്ഷ​മ​മാ​യി ന​ട​പ്പാ​ക്ക​ണ​മെ​ന്ന ആ​വ​ശ്യം വീ​ണ്ടും ശ​ക്ത​മാ​യി ഉ​യ​രു​ന്നു​ണ്ട്.

എ.​ബി.​സി പ​ദ്ധ​തി; സെ​ന്‍റ​റു​ക​ൾ സ​ജ്ജ​മാ​യി​ല്ല

തെ​രു​വു​നാ​യ്ക്ക​ളു​ടെ ആ​ക്ര​മ​ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ജി​ല്ല​യി​ൽ എ.​ബി.​സി സെ​ന്‍റ​ർ സ്ഥാ​പി​ക്കു​മെ​ന്ന പ്ര​ഖ്യാ​പ​ന​വും ല​ക്ഷ്യം​ക​ണ്ടി​ല്ല. ഗ്രാ​മ, ബ്ലോ​ക്ക്, ജി​ല്ല പ​ഞ്ചാ​യ​ത്ത് മു​നി​സി​പ്പാ​ലി​റ്റി​ക​ൾ അ​ഞ്ചു​ല​ക്ഷം വീ​തം സ​മാ​ഹ​രി​ച്ച് സെ​ന്‍റ​ർ ക്ര​മീ​ക​രി​ക്കാ​നാ​ണ് തീ​രു​മാ​ന​മു​ണ്ടാ​യെ​ങ്കി​ലും പ​ദ്ധ​തി യാ​ഥാ​ർ​ഥ്യ​മാ​യി​ല്ല.

ഓ​രോ പ്ര​ദേ​ശ​ത്തെ​യും നാ​യ്ക്ക​ളു​ടെ എ​ണ്ണ​മ​നു​സ​രി​ച്ച് ര​ണ്ട് ബ്ലോ​ക്കു​ക​ള്‍ക്ക് ഒ​രെ​ണ്ണം എ​ന്ന നി​ല​യി​ൽ ഓ​പ​റേ​ഷ​ൻ തി​യ​റ്റ​ർ, നാ​യ്ക്ക​ളെ പാ​ര്‍പ്പി​ക്കാ​നു​ള്ള ഷെ​ല്‍ട്ട​ർ എ​ന്നി​വ ഒ​രു​ക്കാ​നും ഇ​തോ​ടൊ​പ്പം വെ​റ്റ​റി​ന​റി സ​ര്‍ജ​ന്റെ നി​ര്‍ദേ​ശ​പ്ര​കാ​ര​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ സ​ജ്ജ​മാ​ക്കാ​നും തീ​രു​മാ​നി​ച്ചി​രു​ന്നു. ഓ​പ​റേ​ഷ​ൻ തി​യ​റ്റ​ർ കൂ​ടാ​തെ പോ​സ്റ്റ് ആ​ൻ​ഡ് പ്രീ ​ഓ​പ​റേ​ഷ​ൻ കെ​യ​ർ യൂ​നി​റ്റ്, സ്റ്റോ​ർ, സി.​സി ടി.​വി, ടി.​വി, എ.​സി, കി​ച്ച​ൺ എ​ന്നീ മാ​ന​ദ​ണ്ഡ പ്ര​കാ​രം ജി​ല്ല​യി​ൽ സെ​ന്‍റ​റു​ക​ൾ സ്ഥാ​പി​ക്കാ​നാ​യി​രു​ന്നു ഉ​ദ്ദേ​ശ്യം.

എ​ന്നാ​ൽ, എ​തി​ർ​പ്പു​ക​ൾ ഉ​യ​ർ​ന്ന​തോ​ടെ പ​ദ്ധ​തി ന​ട​ത്തി​പ്പ്​ പാ​ളി. 2012ലാ​ണ് എ.​ബി.​സി പ​ദ്ധ​തി പ്ര​ഖ്യാ​പി​ച്ച​തെ​ങ്കി​ലും വേ​ണ്ട​ത്ര രീ​തി​യി​ൽ ജി​ല്ല​യി​ൽ വി​ജ​യം ക​ണ്ടി​ല്ല.

തു​ട​ർ​ന്നാ​ണ്​ വി​വി​ധ ഇ​ട​ങ്ങ​ളി​ൽ സെ​ന്‍റ​ർ തു​ട​ങ്ങാ​ൻ തീ​രു​മാ​നി​ക്കു​ന്ന​ത്. അ​തേ​സ​മ​യം, ജി​ല്ല പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ഇ​തി​നു​ള്ള ന​ട​പ​ടി​ക​ൾ പൂ​ർ​ത്തി​യാ​യി വ​രു​ക​യാ​ണെ​ന്ന്​​ അ​ധി​കൃ​ത​ർ പ​റ​ഞ്ഞു.