ജല അതോറിറ്റിയുടെ കുഴിയിൽ വീണ ലോറി ആറുദിവസമായി നടുറോഡിൽ

അ​ടൂ​ർ: ജ​ല അ​തോ​റി​റ്റി​യു​ടെ കു​ഴി​യി​ൽ വീ​ണ് ആ​ക്സി​ൽ ഒ​ടി​ഞ്ഞ ലോ​റി ആ​റു ദി​വ​സ​മാ​യി റോ​ഡി​ന് ന​ടു​വി​ൽ. വ​ണ്ടി​പ്പെ​രി​യാ​ർ-​ശാ​സ്താം​കോ​ട്ട ദേ​ശീ​യ​പാ​ത​യി​ൽ നെ​ല്ലി​മു​ക​ൾ ജ​ങ്​​ഷ​ന് സ​മീ​പം ആ​റു​ദി​വ​സം മു​മ്പാ​ണ് ലോ​റി ജ​ല അ​തോ​റി​റ്റി​യു​ടെ കു​ഴി​യി​ൽ വീ​ണ് ആ​ക്സി​ൽ ഒ​ടി​ഞ്ഞ​ത്. ത​മി​ഴ്നാ​ട്ടി​ൽ​നി​ന്ന്​ മ​ണ​ലു​മാ​യി വ​ന്ന ലോ​റി​യാ​ണ് കു​ഴി​യി​ൽ വീ​ണ് അ​പ​ക​ടം ഉ​ണ്ടാ​യ​ത്. ലോ​റി ക​യ​റ്റ​മു​ള്ള ഭാ​ഗ​ത്ത് ന​ടു​റോ​ഡി​ൽ കി​ട​ക്കു​ന്ന​തി​നാ​ൽ അ​പ​ക​ട സാ​ധ്യ​ത ഏ​റെ​യാ​ണ്.

ത​മി​ഴ്നാ​ട്ടി​ൽ​നി​ന്ന്​ ഉ​ട​മ എ​ത്തി​യെ​ങ്കി​ൽ മാ​ത്ര​മേ ലോ​റി ന​ന്നാ​ക്കാ​ൻ പ​റ്റു​ക​യു​ള്ളൂ​വെ​ന്ന് ഡ്രൈ​വ​ർ പ​റ​യു​ന്നു. ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. ഒ​രു​വ​ർ​ഷ​മാ​യി ഈ ​ഭാ​ഗ​ത്ത് ജ​ല അ​തോ​റി​റ്റി​യു​ടെ പൈ​പ്പു​ക​ൾ പൊ​ട്ടി റോ​ഡ് ത​ക​ർ​ന്ന്​ എ​ട്ടോ​ളം അ​പ​ക​ട​ങ്ങ​ളാ​ണ് ഉ​ണ്ടാ​യ​ത്. ഇ​വി​ടെ ര​ണ്ടു​ദി​വ​സം മു​മ്പ് നാ​ട്ടു​കാ​ർ വാ​ഴ​ന​ട്ട് പ്ര​തി​ഷേ​ധി​ച്ചി​രു​ന്നു. തി​ങ്ക​ളാ​ഴ്ച ഉ​ച്ച​യോ​ടെ ജ​ല അ​തോ​റി​റ്റി ജീ​വ​ന​ക്കാ​രെ എ​ത്തി പൊ​ട്ടി​യ പൈ​പ്പു​ക​ൾ മാ​റ്റി സ്ഥാ​പി​ച്ചു. ഇ​നി റോ​ഡ് ടാ​ർ ചെ​യ്യു​ന്ന ജോ​ലി ദേ​ശീ​യ​പാ​ത അ​തോ​റി​റ്റി​ക്കാ​ണ്. എ​ത്ര​യും വേ​ഗം ടാ​റി​ങ് ന​ട​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.