ഒളിച്ചുകളിച്ച്​ സർക്കാർ, ചെങ്ങറ സമരക്കാർക്ക്​ കൊടുക്കാൻ ഭൂമിയില്ല

പ​ത്ത​നം​തി​ട്ട: ചെ​ങ്ങ​റ സ​മ​ര​ക്കാ​ർ​ക്ക് നൽകാൻ മാത്രം ഭൂമിയില്ലാതെ സർക്കാർ. ചെ​ങ്ങ​റ പു​ന​ര​ധി​വാ​സ പാ​ക്കേ​ജ് ന​ട​പ്പാ​ക്കി വ​ര്‍ഷ​ങ്ങ​ൾ ക​ഴി​ഞ്ഞി​ട്ടും ആ​യി​ര​ങ്ങ​ള്‍ ഭൂ​ര​ഹി​ത​രാ​യി തു​ട​രു​ക​യാ​ണ്.

2010ൽ ​ഇ​ത്​ സം​ബ​ന്ധി​ച്ച്​ സ​ർ​ക്കാ​ർ ഉ​ത്ത​ര​വ്​ ഇ​റ​ക്കി​യി​ട്ടും ഭൂ​മി ന​ൽ​കാ​ൻ ക​ഴി​ഞ്ഞി​ട്ടി​ല്ല. കു​റെ​പേ​ർ​ക്ക്​ ന​ൽ​കി​യെ​ങ്കി​ലും അ​ത്​ വാ​സ​യോ​ഗ്യ​വു​മ​ല്ല. 2007 ആ​ഗ​സ്റ്റ് നാ​ലി​ന്​ ളാ​ഹ ഗോ​പാ​ല​ന്‍റെ നേ​തൃ​ത്വ​ത്തി​ലാ​ണ്​ ചെ​ങ്ങ​റ സ​മ​രം ആ​രം​ഭി​ക്കു​ന്ന​ത്. വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഭൂ ​ര​ഹി​ത​രോ​ട്​​ സ​ർ​ക്കാ​ർ ക​നി​വ്​ കാ​ട്ടു​ന്നി​ല്ല.

ചെ​ങ്ങ​റ പു​ന​ര​ധി​വാ​സ പാ​ക്കേ​ജ് പൂ​ര്‍ണ​മാ​യും ന​ട​പ്പാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഭൂ​ര​ഹി​ത​ര്‍ വീ​ണ്ടും സ​മ​രം ആ​രം​ഭി​ച്ചി​രി​ക്ക​യാ​ണ്​. വാ​സ​യോ​ഗ്യ​മ​ല്ലാ​ത്ത സ്ഥ​ല​ങ്ങ​ള്‍ ല​ഭി​ച്ച​വ​ര്‍ക്ക് പ​ക​രം സ്വ​ന്തം നാ​ട്ടി​ല്‍ ഭൂ​മി ന​ല്‍ക​ണ​മെ​ന്നാ​ണ് പ്ര​ധാ​ന ആ​വ​ശ്യം. കൃ​ഷി​യോ​ഗ്യ​മ​ല്ലാ​ത്ത സ്ഥ​ലം ന​ല്‍കി​യും പാ​ക്കേ​ജി​നാ​യി മാ​റ്റി​വെ​ച്ച സ്ഥ​ലം തി​രി​ച്ചെ​ടു​ത്തും സ​ര്‍ക്കാ​ര്‍ വ​ഞ്ചി​ച്ചെ​ന്നാ​ണ്​ സ​മ​ര​ക്കാ​രു​ടെ ​ആ​രോ​പ​ണം.

വ​ർ​ഷ​ങ്ങ​ൾ​ക​ഴി​ഞ്ഞി​ട്ടും ഭൂ​മി ന​ൽ​കാ​ത്ത​ത്​ വി​ന​യാ​യി മാ​റു​​മെ​ന്ന്​ ഇ​പ്പോ​ൾ ഹൈ​കോ​ട​തി​ക്കും പ​റ​യേ​ണ്ടി വ​ന്നി​രി​ക്കു​ക​യാ​ണ്. ഭൂ​മി​ന​ൽ​കാ​മെ​ന്ന വാ​ഗ്ദാ​നം ന​ട​പ്പാ​ക്കാ​തെ വി​വി​ധ പ​ദ്ധ​തി​ക​ൾ​ക്കു​വേ​ണ്ടി ഭൂ​മി ഏ​റ്റെ​ടു​ക്കാ​ൻ സ​ർ​ക്കാ​ർ ഓ​ടി ന​ട​ക്കു​ക​യാ​ണെ​ന്നും ഇ​ത്​ പ്ര​ശ്ന​​ങ്ങ​ൾ സൃ​ഷ്​​ടി​ക്കു​​മെ​ന്നു​മാ​ണ്​ സിം​ഗി​ൾ ബെ​ഞ്ചി​ന്‍റെ പ​രാ​മ​ർ​ശം. ഭൂ​ര​ഹി​ത​ർ​ക്ക്​ എ​ന്ന്​ ഭൂ​മി ന​ൽ​കാ​നാ​വു​​മെ​ന്ന്​ അ​റി​യി​ക്ക​ണ​മെ​ന്നും അ​വ​കാ​ശ വാ​ദ​ങ്ങ​ൾ പ​രി​ഗ​ണി​ച്ച്​ തീ​ർ​പ്പാ​ക്കാ​ൻ സ​മ​യ​പ​രി​ധി വ്യ​ക്ത​മാ​ക്ക​ണ​മെ​ന്നും സിം​ഗി​ൾ ബെ​ഞ്ച്​​ നി​ർ​ദേ​ശി​ച്ചി​ട്ടു​ണ്ട്. ഹൈ​കോ​ട​തി ഇ​ട​പെ​ട​ൽ ഉ​ണ്ടാ​യ​ത്​ വ​ലി​യ പ്ര​തീ​ക്ഷ​യോ​ടെ​യാ​ണ്​ ചെ​ങ്ങ​റ​യി​ലെ ഭൂ​ര​ഹി​ത​ർ നോ​ക്കി​ക്കാ​ണു​ന്ന​ത്.

പാ​ക്കേ​ജ് പ്ര​കാ​രം 912 പേ​ര്‍ക്ക് ഭൂ​മി ന​ൽ​കി​യെ​ന്നും 583 കു​ടും​ബ​ങ്ങ​ളെ​ക്കു​റി​ച്ച് വി​വ​ര​മി​ല്ലെ​ന്നു​മാ​ണ് സെ​പ്‌​റ്റം​ബ​ർ എ​ട്ടി​ന് സ​ര്‍ക്കാ​ര്‍ ഹൈ​കോ​ട​തി​യി​ല്‍ ന​ല്‍കി​യ സ​ത്യ​വാ​ങ്‌​മൂ​ലം. പ​ട്ട​യം കൈ​പ്പ​റ്റി​യ​വ​രി​ല്‍ ഭൂ​രി​ഭാ​ഗം ജ​ന​ങ്ങ​ള്‍ക്കും ല​ഭി​ച്ച​ത് കൃ​ഷി​ക്കോ താ​മ​സ​ത്തി​നോ അ​നു​യോ​ജ്യ​മ​ല്ലാ​ത്ത ഭൂ​മി​യാ​ണ്. ചെ​ങ്ങ​റ​യി​ല്‍ തു​ട​രു​ന്ന​വ​രെ മ​റ​ച്ചു​പി​ടി​ച്ച് സ​മ​ര​ക്കാ​ര്‍ ചി​ത​റി​പ്പോ​യെ​ന്നാ​ണ് സ​ര്‍ക്കാ​ര്‍ വാ​ദം. കോ​ട​തി​യെ തെ​റ്റി​ദ്ധ​രി​പ്പി​ച്ച് ഹാ​രി​സ​ണ്‍ മ​ല​യാ​ള​ത്തി​ന് ഭൂ​മി ന​ല്‍കാ​നാ​ണ് നീ​ക്ക​മെ​ന്നാ​ണ്​ ആ​ദി​വാ​സി- ദ​ലി​ത് സം​ഘ​ട​ന​ക​ളു​ടെ കൂ​ട്ടാ​യ്‌​മ ആ​രോ​പി​ക്കു​ന്ന​ത്. സ​ർ​ക്കാ​ർ ന​ട​ത്തി​യ സ​ർ​വേ​പ്ര​കാ​രം ചെ​ങ്ങ​റ സ​മ​ര​ഭൂ​മി​യി​ൽ 1738 കു​ടും​ബ​ങ്ങ​ൾ ഉ​ണ്ടെ​ന്ന് ക​ണ്ടെ​ത്തി​യി​രു​ന്നു. അ​വ​ർ​ക്കാ​യി 10 ജി​ല്ല​ക​ളി​ലാ​യി 831 ഏ​ക്ക​ർ ഭൂ​മി ക​ണ്ടെ​ത്തി 1495 കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​മെ​ന്നും പ​റ​ഞ്ഞു.

2009 ഒ​ക്ടോ​ബ​ർ അ​ഞ്ചി​ന് സ​മ​രം ഭാ​ഗി​ക​മാ​യി ഒ​ത്തു​തീ​ർ​പ്പാ​ക്കി​യി​രു​ന്നു. 27 ആ​ദി​വാ​സി കു​ടും​ബ​ങ്ങ​ൾ​ക്ക് ഒ​രു ഏ​ക്ക​ർ ഭൂ​മി​യും 1.25 ല​ക്ഷം രൂ​പ വീ​ടു​പ​ണി​യു​ന്ന​തി​നും ഭൂ​ര​ഹി​ത​രാ​യ 832 പ​ട്ടി​ക​ജാ​തി കു​ടും​ബ​ങ്ങ​ൾ​ക്ക് അ​ര​യേ​ക്ക​ർ ഭൂ​മി​യും ഒ​രു​ല​ക്ഷം രൂ​പ​യും ന​ൽ​കു​മെ​ന്നാ​യി​രു​ന്നു വ്യ​വ​സ്ഥ. അ​ഞ്ച് സെ​ന്‍റി​ൽ താ​ഴെ ഭൂ​മി​യു​ള്ള 573 കു​ടും​ബ​ങ്ങ​ൾ​ക്ക് 10 മു​ത​ൽ 25 സെ​ന്‍റ്​​ ഭൂ​മി​യും 7 5,000 രൂ​പ​യും മ​ര​ണ​പ്പെ​ട്ട 12 പേ​ർ​ക്ക് സ​ഹാ​യ​വും ന​ൽ​കാ​മെ​ന്നും സ​മ​ര​ക്കാ​ർ​ക്കെ​തി​രെ എ​ടു​ത്തി​ട്ടു​ള്ള കേ​സു​ക​ൾ പി​ൻ​വ​ലി​ക്കു​മെ​ന്നും വ്യ​വ​സ്ഥ​യി​ലു​ണ്ട്.

എ​ന്നാ​ൽ, ഈ ​ക​രാ​റു​ക​ൾ അ​ട്ടി​മ​റി​ക്ക​പ്പെ​ട്ടു. പ​ട്ട​യം ല​ഭി​ച്ചു എ​ന്ന​ല്ലാ​തെ വ​ള​രെ​ക്കു​റ​ച്ച് പേ​ർ​ക്കൊ​ഴി​കെ ആ​ർ​ക്കും ഭൂ​മി ല​ഭി​ച്ചി​ല്ല. ഭൂ​മി ല​ഭി​ച്ച​താ​ക​ട്ടെ മൂ​ന്നാ​റി​ലെ ചി​ല മൊ​ട്ട​ക്കു​ന്നു​ക​ളി​ലും കാ​സ​ർ​കോ​ട്ടെ ത​രി​ശ് നി​ല​ങ്ങ​ളി​ലും ക​ണ്ണൂ​രി​ലെ പെ​രി​ങ്ങോ​ത്ത് പാ​റ പ്ര​ദേ​ശ​ത്തു​മാ​യി​രു​ന്നു. പ​ട്ട​യം കി​ട്ടി ക​ബ​ളി​ക്ക​പ്പെ​ട്ട​വ​ർ വീ​ണ്ടും സം​ഘ​ടി​ച്ച​തി​ന്‍റെ അ​ന​ന്ത​ര​ഫ​ല​മാ​യി​രു​ന്നു അ​രി​പ്പ ഭൂ​സ​മ​ര​വും സെ​ക്ര​ട്ടേ​റി​യ​റ്റി​ന് മു​ന്നി​ലെ ചെ​ങ്ങ​റ​ക്കാ​ർ ന​ട​ത്തി​യ സ​മ​ര​വും. ചെ​ങ്ങ​റ സ​മ​ര​ഭൂ​മി​യി​ൽ ബാ​ക്കി​യു​ണ്ടാ​യി​രു​ന്ന 593 കു​ടും​ബ​ങ്ങ​ൾ സ​മ​ര​ഭൂ​മി അ​ര​യേ​ക്ക​ർ വീ​തം തു​ല്യ​മാ​യി വീ​തി​ച്ചെ​ടു​ത്ത്​ അ​വി​ടെ താ​മ​സി​ച്ചു​വ​രു​ക​യാ​ണ്.

ഹാ​ര​സ​ണി​നെ പോ​ലു​ള്ള കു​ത്ത​ക​ക​ൾ നി​യ​മ​വി​രു​ദ്ധ​മാ​യി കൈ​യ​ട​ക്കി​വെ​ച്ച ഭൂ​മി ഏ​റ്റെ​ടു​ത്ത് ഭൂ​ര​ഹി​ത​ർ​ക്ക് വി​ത​ര​ണം ചെ​യ്യ​ണ​മെ​ന്ന സ​മ​ഗ്ര​മാ​യ റി​പ്പോ​ർ​ട്ട് റ​വ​ന്യൂ സ്‌​പെ​ഷ​ൽ ഓ​ഫി​സ​ർ ഡോ. ​രാ​ജ​മാ​ണി​ക്യം 2015ൽ ​ന​ൽ​കി​യി​ട്ടും സ​ർ​ക്കാ​ർ ഇ​തു​വ​രെ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.