‘നിലാവ്’​ സമ്പൂർണ പരാജയം; തിരുവല്ല കൂരിരുട്ടിൽ

തി​രു​വ​ല്ല: ന​ഗ​ര​സ​ഭ പ​രി​ധി​യി​ലെ വ​ഴി​വി​ള​ക്കു​ക​ൾ മി​ഴി​യ​ട​ച്ചു. ന​ഗ​ര​മ​ട​ക്കം കൂ​രി​രു​ട്ടി​ലാ​യി​ട്ടും വെ​ളി​ച്ചം എ​ത്തി​ക്കാ​ൻ ന​ട​പ​ടി​യെ​ടു​ക്കാ​തെ അ​ധി​കൃ​ത​ർ. കെ.​എ​സ്.​ഇ.​ബി ചേ​ർ​ന്ന് ന​ട​പ്പാ​ക്കി​യ ‘നി​ലാ​വ്’ പ​ദ്ധ​തി ന​ഗ​ര​സ​ഭ​യി​ൽ പൂ​ർ​ണ പ​രാ​ജ​യ​മാ​യ​തോ​ടെ ന​ഗ​ര​സ​ഭ വ​ഴി​വി​ള​ക്കു​ക​ൾ പ്ര​കാ​ശി​പ്പി​ക്കാ​ൻ തീ​രു​മാ​ന​മാ​യെ​ങ്കി​ലും അ​തും ഫ​ലം ക​ണ്ടി​ല്ല. ഒ​ക്ടോ​ബ​റി​ൽ ന​ഗ​ര​സ​ഭ​യി​ലെ 39 വാ​ർ​ഡി​ലേ​ക്ക് ബ​ൾ​ബ് വാ​ങ്ങാ​ൻ ഏ​ഴു ല​ക്ഷം രൂ​പ അ​നു​വ​ദി​ച്ചി​രു​ന്നു​വെ​ന്ന് അ​ധി​കൃ​ത​ർ പ​റ​യു​ന്നു. എ​ന്നാ​ൽ, ഇ​പ്പോ​ഴും പ​ദ്ധ​തി കാ​ര്യ​ക്ഷ​മാ​കാ​ത്ത​താ​ണ് തി​രു​വ​ല്ല ന​ഗ​രം അ​ട​ക്കം ഇ​രു​ട്ടി​ലാ​കാ​ൻ ഇ​ട​യാ​ക്കി​യ​ത്. 18 വാ​ട്സി​ന്റെ 1600 തെ​രു​വു​വി​ള​ക്കു​ക​ൾ​ക്കു​ള്ള ബ​ൾ​ബു​ക​ളും ഫി​റ്റി​ങ്ങു​ക​ളും ആ​ദ്യ​ഘ​ട്ട​ത്തി​ൽ വാ​ങ്ങു​മെ​ന്നാ​ണ് പ​റ​ഞ്ഞി​രു​ന്ന​ത്.

നാ​ലു​വ​ർ​ഷം മു​മ്പാ​ണ് വൈ​ദ്യു​തി ബോ​ർ​ഡു​മാ​യി ചേ​ർ​ന്ന് ‘നി​ലാ​വ്’ പ​ദ്ധ​തി​ക്ക് ന​ഗ​ര​സ​ഭ​യി​ൽ തു​ട​ക്കമായത്​. എ​ന്നാ​ൽ, തു​ട​ക്ക​ത്തി​ൽ ത​ന്നെ പ​ദ്ധ​തി പാ​ളി. കെ.​എ​സ്.​ഇ.​ബി​യും ന​ഗ​ര​സ​ഭ​യും സം​യു​ക്ത പ​രി​ശോ​ധ​ന​യി​ലൂ​ടെ എ​ത്ര പോ​സ്റ്റു​ക​ളി​ൽ സ്ഥാ​പി​ക്ക​ണ​മെ​ന്ന് ക​ണ്ടെ​ത്ത​ണം എ​ന്നാ​യി​രു​ന്നു നി​ർ​ദേ​ശം. എ​ന്നാ​ൽ, ഇ​ക്കാ​ര്യ​ത്തി​ൽ ഐ​ക്യ​ത്തി​ൽ എ​ത്താ​ൻ ക​ഴി​ഞ്ഞി​ല്ല.

7600 വി​ള​ക്കു​ക​ൾ വേ​ണ​മെ​ന്ന് കൗ​ൺ​സി​ല​ർ​മാ​ർ ചേ​ർ​ന്ന് ക​ണ​ക്കെ​ടു​ത്ത് ന​ഗ​ര​സ​ഭ​ക്ക്​ ന​ൽ​കി​യി​രു​ന്നു. എ​ന്നാ​ൽ, ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ കെ.​എ​സ്.​ഇ.​ബി 4524 വ​ഴി​വി​ള​ക്കു​ക​ൾ മാ​ത്ര​മാ​ണ് പ്ര​കാ​ശി​പ്പി​ച്ച​ത്. ആ​ദ്യം ഇ​ട്ട ബ​ൾ​ബു​ക​ൾ വി​വി​ധ കാ​ര​ണ​ങ്ങ​ളാ​ൽ കേ​ടാ​യ​പ്പോ​ൾ മാ​റ്റി​യി​ടാ​ൻ കെ.​എ​സ്.​ഇ.​ബി​ക്ക് ക​ഴി​ഞ്ഞി​ല്ല. ഇ​തോ​ടെ​യാ​ണ് നി​ലാ​വ് പ​ദ്ധ​തി അ​നി​ശ്ചി​ത​ത്വ​ത്തി​ലായ​ത്. ഏ​ഴു വ​ർ​ഷ​ത്തെ വാ​റ​ന്‍റി​യാ​ണ് കെ.​എ​സ്.​ഇ.​ബി ന​ഗ​ര​സ​ഭ​ക്ക്​ ന​ൽ​കി​യി​രു​ന്ന​ത്. കേ​ടാ​കു​ന്ന ബ​ൾ​ബു​ക​ൾ ന​ഗ​ര​സ​ഭ​യു​ടെ ചെ​ല​വി​ൽ ഊ​രി​യെ​ടു​ത്ത് കെ.​എ​സ്.​ഇ.​ബി ഓ​ഫി​സി​ൽ ന​ൽ​ക​ണ​മെ​ന്നും ല​ഭ്യ​ത അ​നു​സ​രി​ച്ച് തു​ട​ർ​വി​ത​ര​ണം ന​ട​ത്തു​മെ​ന്നും ഇ​വ ന​ഗ​ര​സ​ഭ​യു​ടെ ചെ​ല​വി​ൽ ത​ന്നെ പോ​സ്റ്റി​ൽ തി​രി​കെ സ്ഥാ​പി​ക്ക​ണം എ​ന്ന​തും ആ​യി​രു​ന്നു മു​ൻ​ധാ​ര​ണ. ഇ​ത് ന​ഗ​ര​സ​ഭ കൗ​ൺ​സി​ല​ർ​മാ​ർ വ​ഹി​ക്കേ​ണ്ട സ്ഥി​തി​യു​ണ്ടാ​യി.

നി​ലാ​വ് പ​ദ്ധ​തി വ​രു​ന്ന​തി​നു​മു​മ്പ് ന​ഗ​ര​സ​ഭ നേ​രി​ട്ട് പ​രി​പാ​ല​ന​ത്തി​നാ​യി വ​ർ​ഷം​തോ​റും 30 ല​ക്ഷം രൂ​പ വ​രെ ക​രാ​ർ ന​ൽ​കു​ക​യാ​യി​രു​ന്നു. നി​ലാ​വ് പ​ദ്ധ​തി​യി​ൽ കെ.​എ​സ്.​ഇ.​ബി ഉ​ള്ള തു​ക ന​ഗ​ര​സ​ഭ​യു​ടെ പ്ലാ​ൻ ഫ​ണ്ടി​ൽ​നി​ന്ന്​ പി​ടി​ച്ച്​ സ​ർ​ക്കാ​ർ നേ​രി​ട്ട് കൈ​മാ​റു​ന്ന​താ​ണ് രീ​തി. എ​ന്നാ​ൽ, തി​രു​വ​ല്ല ന​ഗ​ര​സ​ഭ​ക്ക്​ എ​ത്ര രൂ​പ​യാ​ണ് ഇ​ത്ത​ര​ത്തി​ൽ ന​ൽ​കേ​ണ്ടി വ​ന്ന​തെ​ന്ന് അ​ധി​കൃ​ത​ർ​ക്ക് വ്യ​ക്ത​ത ഇ​ല്ലാ​ത്ത അ​വ​സ്ഥ​യാ​ണ് നി​ല​നി​ൽ​ക്കു​ന്ന​ത്. അ​തേ​സ​മ​യം തെ​രു​വു​വി​ള​ക്കു​ക​ൾ കൂ​ട്ട​ത്തോ​ടെ മി​ഴി​യ​ട​ച്ച​തോ​ടെ വെ​ളി​ച്ച​മി​ല്ലാ​ത്ത​തി​ന്റെ പേ​രി​ൽ പ​ഴി​കേ​ൾ​ക്കേ​ണ്ടി വ​രു​ന്ന​ത് ത​ങ്ങ​ൾ ആ​ണെ​ന്ന പ​രാ​തി​യാ​ണ് കൗ​ൺ​സി​ല​ർ​മാ​ർ ഉ​യ​ർ​ത്തു​ന്ന​ത്.