ബൈക്കിടിച്ച് കാൽനട യാത്രക്കാരന് പരിക്ക്

തിരുവല്ല : ബൈക്കിടിച്ച് കാൽനട യാത്രക്കാരന് ഗുരുതര പരിക്കേറ്റു. വളഞ്ഞവട്ടം അടുക്കത്തിൽ വീട്ടിൽ ജേക്കബ് ജോർജ് (60)നാണ് പരിക്കേറ്റത്. തിരുവല്ല - മാവേലിക്ക റോഡിലെ വളഞ്ഞവട്ടം ജംഗ്ഷനിലായിരുന്നു അപകടം.

റോഡരികിൽ നിൽക്കുകയായിരുന്ന ജേക്കബിനെ കടപ്ര ഭാഗത്തു നിന്നും വന്ന സ്കൂട്ടർ ഇടിച്ചു തെറിപ്പിക്കുകയായിരുന്നു.

റോഡിൽ തലയടിച്ചു വീണ ജേക്കബ് തിരുവല്ലയിലെ സ്വകാര്യ ആശുപത്രിയിൽ തീവ്ര പരിചരണന വിഭാഗത്തിൽ ചികിത്സയിലാണ്. പുളിക്കീഴ് പോലീസ്​ കേസെടുത്തു.